Events Calendar help
Berlai
Friday, 09 March 2018, 23:30
Hits : 93

Logo de presentar con éxito o seu primeiro disco, 'Desconhecido', o pasado ano, Berlai ofrecerá un novo concerto en Melide. Será un concerto especial, con toda a banda ao completo, e con Ernesto G. Torterolo -autor do cómic que acompaña o disco- debuxará en directo, como parte do espectáculo.

‘Desconhecido’ é unha historia de amor e de tolemia -baseada nunha historia real acontecida na montaña de Lugo- contada en músicas e letras/poemas de Xiao Berlai e debuxos do artista Ernesto G. Torterolo. Unha historia do Far West galego, unha historia (real) dun home solitario que preferiu vivir e morrer só porque non lle deixaron vivir como el quería.

Berlai

Berlai é o proxecto musical creado polo músico compostelán Xiao Berlai, líder da banda. Un proxecto baseado nunha música sen complexos que bebe directamente da tradición galega, do indie-pop, do rock e da música electrónica. 

Berlai é indie rururbano, como consecuencia lóxica á música post-bravu, e así se transmite no primeiro proxecto da banda: ‘Desconhecido’. O resto dos compoñentes da banda son: Pablo Pérez (baixo), Bruno Couceiro (batería) e Iago Mouriño (teclados).

As letras das cancións insisten nun lirismo obsceno, nun romanticismo roto, e nacen como imaxes obsesivas do universo galego: onde as berzas son urbanas, ou o millo necesita cintas de balizamento policial. Este é o ambiente perfecto para o amor máis puro ou o sexo mais porco do ideal berlaiano. Onde a Galiza imaxinaria vai perdendo aos poucos os folgos de seguir sendo.

Proxecto ‘Desconhecido’

‘Desconhecido’ é o primeiro disco de Berlai, un proxecto especial que foi financiado a través da plataforma de crowdfunding Verkami. Un CD/BD no que música, poesía e narrativa ilustrava van xuntas da man copartindo estética, e forman un fío narrativo onde a lectura proposta é o conxunto completo da obra, pero non o único. Así, a obra convértese nun collage no que as partes (unha canción, un debuxo, unha secuencia, un poema) poden ser independentes e, ao mesmo tempo, cando son lidas lidas como partes do todo, cobran un novo sentido. 


Máis información:
www.berlai.com

Location : A Fundación Bowling - Melide

Back

Vindeiros Concertos:

Mer Nov 21 - High Paw-CANCELADO - Sound System Live Set - Cidade de México (México)
Mer Nov 21 @22:30 - - A Banda das Crechas - Casa das Crechas - Santiago de Compostela
Xov Nov 22 - High Paw - Bar Fly - Guanajuato (México)
Xov Nov 22 @20:30 - - Cuarta Xusta - Campus de Oza - Oza (Carballo)
Xov Nov 22 @20:30 - - Luar na Lubre - Teatro Municipal de Ñuñoa - Santiago de Chile (Chile)
Xov Nov 22 @20:30 - - Uxía + Ugia Pedreira + Martirio + Carmen París - Teatro Colón - A Coruña
Xov Nov 22 @21:00 - - Pepe Vaamonde Grupo - Casa das Crechas - Santiago de Compostela
Ven Nov 23 - Brais Morán - Sala Mardi Gras - A Coruña
Ven Nov 23 - High Paw - El Fabuloso Tacubaya - San Luis Potosí (México)
Ven Nov 23 - Peña - Rincón Pío Sound - Don Benito, Badaxoz (España)
Ven Nov 23 @21:00 - - Davide Salvado - Casa das Crechas - Santiago de Compostela
Ven Nov 23 @21:00 - - Fernando Barroso e Margarida Mariño - Sala Fanatic - Sevilla (España)

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto