Events Calendar help
See by year See by month See by week See Today Search Jump to month
Xornadas da Faba
From Friday, 01 October 2021
To Sunday, 03 October 2021
Hits : 144

EN LOURENZÁ SUSPENDÉRONSE OS CONCERTOS DE XABIER DÍAZ PROGRAMADOS PARA MAÑÁ ANTE A PREVISIÓN DE MAL TEMPO.
Lourenzá, 1 de outubro de 2021. Os concertos de Xabier Díaz & Adufeiras de Salitre que estaban programados para mañá, sábado, 2 de outubro, en Lourenzá, concretamente no claustro do mosteiro de San Salvador, foron suspendidos ante a previsión de mal tempo.
Xabier Díaz informa a través da súa páxina web e das súas redes sociais desta suspensión e explica que as entradas mercadas na web “nos próximos 10 días hábiles farase a devolución das entradas pola tiqueteira Ataquilla. A comunicación da devolución farase no mesmo mail no que foron adquiridas as entradas. Para calquera cuestión relacionada pódese contactar co mail Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ”.
En canto ás entradas físicas mercadas na biblioteca municipal de Lourenzá hai de prazo ata o día 21 deste mes para solicitar a súa devolución. Para elo só hai que entregar a entrada e recíbese o importe da mesma na biblioteca, que ten un horario de 17:00 a 20:00 de luns a venres.
As demais actividades programadas dentro das Xornadas da Faba de Lourenzá para esta fin de semana mantéñense, pero a actuación de Airiños da Freba, que está prevista para o domingo ás 18:00 horas trasládase da Praza do Conde Santo ao salón de actos municipal, debido a previsión de choiva.
Ademais engádese na programación unha nova actuación para mañá, sábado, pola tarde: o grupo de música tradicional Souto Xímaro animará as rúas de Vilanova de Lourenzá.

Location : Lourenzá

Back

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto