Home Axenda
Events Calendar help
Paco Nogueiras
Sunday, 12 November 2017, 18:30
Hits : 99

PACO NOGUEIRAS PRESENTA O LIBRO-DISCO “RADIO BULEBULE” ESTE DOMINGO EN AMES

Tras o éxito de “Brinca vai!” o músico compostelán dedícalle á comunicación as doce cancións do seu novo traballo publicado por KALANDRAKA.

O Auditorio Municipal do Milladoiro, en Ames, acollerá este domingo ás 18:30 horas o primeiro concerto de presentación do novo libro-cd-dvd de Paco Nogueiras, “Radio BULEBULE”, publicado por KALANDRAKA, con ilustracións de David Pintor e videoclips dirixidos por José Miguel Sagüillo. As cancións deste libro-disco dispóñense ao xeito da grella de programación dunha peculiar emisora na que non faltan sintonía de entrada, axenda cultural, magazine de variedades, faladoiro, noticias, información deportiva e ata previsión meteorolóxica. Intercalados entre os doce temas tamén están presentes as transicións, os indicativos, os sinais horarios e outros elementos sonoros propios do medio radiofónico, co que Paco Nogueiras destaca o papel da comunicación como canle de expresión e coñecemento, intercambio de opinións, nexo entre culturas e exemplo de avance tecnolóxico. Os ritmos modernos, pegadizos e bailables caracterizan estas composicións, seguindo o estilo de “Brinca vai!”. Co que fora o seu primeiro traballo discográfico propio, Paco Nogueiras recibiu o Premio Martín Códax da Música 2016 na categoría infantil e durante os últimos anos percorreu numerosos escenarios, festivais, escolas e bibliotecas de toda Galicia. Tanto nas ilustracións de David Pintor para o libro impreso como na posta en escena dos espectáculos, Paco Nogueiras consolida a inconfundible fisonomía do seu personaxe, cos seus lentes, a vestimenta azul e o inseparable chapeu; elementos que tamén están presentes na estética dos videoclips das cancións, artellados ao xeito dunha curtametraxe. “Radio BULEBULE” contou coas colaboracións do músico e comunicador Xurxo Souto e da asociación Ponte… nas ondas!, que asinan -respectivamente- o limiar e o colofón da obra. Ademais, participan unha ducia de xornalistas -Ainhoa Apestegui, Emilio Españadero, Xabier Fortes, Pablo Lago, Susana Pedreira, Xosé Manuel Pereiro, María Xosé Rodríguez, Ana Romaní, Henrique Sanfiz, Tino Santiago, María Solar e Fernanda Tabarés- achegando impresións e anécdotas das súas traxectorias profesionais.

Location : Auditorio Municipal - O Milladoiro (Ames)

Back

Vindeiros Concertos:

Sab set 22 - Baiuca - Ithaka Festival - Castillo de Medellín, Badajos (España)
Sab set 22 - Festa das Dores - Lalín
Sab set 22 - II Festival Son Labrego - Cinema Palleiriso - Garabelos, Mariz (Chantada)
Sab set 22 - Parga Rock - Carballeira de Parga - Parga (Guitiriz)
Sab set 22 @11:00 - - Canteira Fest - Canteira de Paredes - Paredes, Vilaboa (Vilaboa)
Sab set 22 @11:00 - - Festa do Cabrito 2018 - O Frendual - Liméns, O Hío (Cangas)
Sab set 22 @11:30 - - Cántigas da Terra - Campo de Marte - A Coruña
Sab set 22 @13:00 - - Caxade - Praza do Concello - O Porriño
Sab set 22 @13:00 - - X Asaghieiras Master Festival - Lariño (Carnota)
Sab set 22 @13:00 - - Dúo Caamaño-Ameixeiras - Albá (Palas de Rei)
Sab set 22 @16:00 - - Festa V Aniversário da Liga Gallaecia - CSCD As Pedriñas - O Rebullón, Tameiga (Mos)
Sab set 22 @18:00 - - Uxía Lambona e a Banda Molona - Praza do Concello - O Porriño

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto