Home Axenda
Events Calendar help
Mounqup
Friday, 12 January 2018, 20:30
Hits : 173

Venres 12 de xaneiro ás 20:30 h.

Camille Hèdouin é unha artesá do son. Nada en Francia, pero galega de adopción, leva desde os 15 anos participando coa súa voz en bandas de Jazz, electrónica e folk. Foi en Galicia onde comezou a xogar con loops e samplers ata converterse na artista que é hoxe. As súas composicións son unha colaxe de texturas, formas e cores que teñen como resultado a paisaxe sonora de MounQup.

Compón na absoluta soidade da súa casa no medio da montaña de A Bola (Celanova), rodeada da súa familia e experimentando con materiais que vai atopando na súa contorna. É no directo onde todo cobra sentido. Partindo desde un terreo frío e árido créanse xunglas sonoras sumando múltiples elementos que desembocan na éxtase sensorial. Poucas artistas representan tan ben a mestura de culturas, o compromiso con elas a través de influencias que van desde os ritmos africanos á experimentación nórdica máis arriscada.

Agora presenta o seu primeiro traballo de estudo, “Proba de Son” (2017), gravado no laboratorio de César “O Pana” do Carballiño da man do selo ourensán MOLHO. Componse de dez cortes que definen esta primeira etapa da artista. Un encontro de melodías suxestivas que nacen da terra para atoparse coa modernidade. Temas que falan das problemáticas sociais que nos axexan e das visións que manan das entrañas dunha persoa mergullada nos costumes naturais por decisión propia. Un ensaio vital que a través da música.

Mounqup é un grandes dos segredos do panorama galego que, despois de moitos concertos en salas e festivais, lánzase á aventura con “Proba de Son” (MOLHO, 2017).

Despois de varios meses traballando xuntos MOLHO/Mounqup conseguimos participar nalgúns dos festivais máis importantes de Galiza (Festival Internacional de Cine de Ourense, Atlantic Fest, O
Marisquiño, WOS Festival...), en festivais de pequeno formato como BuxoFest, Festival Sea Sons, Festival Corpo a Terra, Festival dos Eidos, Festival Ao Compaz... e en salas como Liceo Mutante de Pontevedra,Nave 1939 de A Coruña, Contrabajo de Vigo o El Pueblo Café Cultural de Ourense.
Grazas a este traballo e a gran acollida da proposta en directo, Camille alzouse co premio Narf á mellor artista do ano en Galicia e co número uno na lista de discos de Mondosonoro.

Agora toca o momento de saltar ao resto da península, cunha xira nacional que pasará por Zaragoza, Oviedo, Barcelona, Madrid, Valencia, Illas Canarias... e que esperamos sexa o trampolín á tempada de festivais 2018 onde presentaremos o seu segundo traballo de estudo.

Location : Parque Naútico - Castrelo de Miño

Back

Vindeiros Concertos:

Mer Xuñ 20 @18:00 - - Pablo Díaz - Praza de Pescadores - A Coruña
Mer Xuñ 20 @19:30 - - Concerto Fin de Curso Etrad - Praza Anxo Fernández Gómez - Lugo
Xov Xuñ 21 @21:00 - - Iago Mouriño Trío - Casa das Crechas - Santiago de Compostela
Xov Xuñ 21 @22:00 - - De Vacas - Praza de Santa Mariña - Sarria
Ven Xuñ 22 - Bakin Blues Band - Praza de Feixóo - Santiago de Compostela
Ven Xuñ 22 @20:00 - - XIV Venrespirar - Café Mirador San Francisco - Ourense
Ven Xuñ 22 @21:00 - - De Vacas - Praza 8 de Marzo - Santiago de Compostela
Ven Xuñ 22 @22:30 - - Cinta Adhesiva - Parque de Loriga - Lalín
Ven Xuñ 22 @23:30 - - Concerto X Aniversario Lumarea - Praia Area da Vila - Camariñas
Sab Xuñ 23 - Bakin Blues Band - Praza de Feixóo - Santiago de Compostela
Sab Xuñ 23 - Noite Fechada - Chiringo Xa Cho Dixen - A Illa de Arousa
Sab Xuñ 23 - XXXI Noche Mágica Balboa - Balboa (O Bierzo)

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto