Alberto Mvundi é un músico e compositor angolano, acompañado da súa guitarra, harmónicas, percusións e voz, reinterpreta os ritmos tradicionais da súa terra. A súa música ofrece unha viaxe sonora polos ritmos de Angola, nunha coidada proposta musical en formato trío onde se misturan instrumentos da tradición angolana (kissange, mbirimbao, percusións africanas...) con outros máis occidentais (clarinete, guitarra electroacústica, baixo...) e que outorga especial protagonismo ás voces.