Axenda

Peña + Autumn Comets
sábado 14 abril 2018, 21:00
Vistas : 232

Este sábado 14 temos unha noite máxica, da man dos madrileños Autumn Comets e dos nosos queridos Peña:

Peña, o rumor dun río que contempla a transformación dun pobo en cidade, o edificio estatal abandoado, a estrada que se deixou a medias, o parque onde xa non xogan nenos… tamén os brotes de herbas e flores nesa estrada, o xesto amable dun vello nun pobo no medio da viaxe, o silencio risoño e pracenteiro cando voltas do roteiro polo monte… unha oportunidade magnífica para asistir a este anaquiño de beleza da man de Toño Rodríguez Magariños (diola, MB), Elena Vázquez (Trilitrate, Cuarteto Dumka) e Rubén Abad (Cró!, Es Un Árbol, Trilitrate).
Escoita estes dous magníficos singles que teñen:

https://www.youtube.com/watch?v=fB-ErcuPbUI
https://www.youtube.com/watch?v=p2XHu7WuD78


Autumn Comets veñen amosarnos a beleza do camiño, as melodías envolventes, ambientes que te atrapan nun soño no que te podes ver camiñando entre árbores laranxas, elevándote a un clímax espiritual nos seus crescendos…tocar a paz, en fin, son parte dos escenarios que crean.
Levan xa 10 anos nesta carreira musical, con 5 álbumes ás súas costas, veñen presentando o seu último “Realejo”, e deciden pasar pola nosa casa mutante para facernos soñar. Escoita estas xoias da paz:

https://www.youtube.com/watch?v=mIxRgk_lP_M
https://www.youtube.com/watch?v=IBEQ-UjYZGw&t=97s
https://www.youtube.com/watch?v=FSQJiiAOCxY&t=241s


Ven desfrutar destas dúas bandas, para redescubrir o amor/amizade, no noso Panteón Mutante, achegando un donativo de entre 5 e 8 euros a túa elección, íntegro para as bandas.

Lugar: Liceo Mutante - Pontevedra
Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.