Axenda

Malandrómeda + Vietcong
sábado 19 maio 2018, 20:30
Vistas : 136

Malandrómeda levan máis dunha década facendo o que lles peta, e o que lles peta é a ostia, non imos andar con medias tintas.
No 2016 romperon a baralla publicando dous LPs e arrasaron con todo, natural.
Mudando constantemente a pel das cancións, obviando o camiño doado, fannos bailar co seu rap atravesado por todo o importante da vida. As texturas electrónicas xogan cos ritmos de latitudes meridionais e os baixos bouran a tope. Meneamos os miolos e os pes non paran quietos, Hevi lévanos, sempre para adiante e acabamos todos no chan, felices.
Malandrómeda non paran e pronto sacarán á luz algún novo material co que sorprenderán unha vez máis.
Este sábado 19 veñen á súa casa, a facela saltar polos aires
https://matapadre.bandcamp.com/album/cada-can-que-lamba-o-seu-carallo
https://matapadre.bandcamp.com/album/os-corenta-e-oito-nomes-do-inimigo
https://www.youtube.com/watch?v=h2WW2F5tbRs
https://www.youtube.com/watch?v=T1Bw7el0xAI





vietcong

vietcong son palabras a bater contra o ruído. Non é un decorado, é o gran rexeitamento de todo o que existe. Non son poemas, son fragmentos que sobreviven. É revolverse dentro do corazón morto. Non é música, é algo infectado. Unha estratexia contra a aceptación. É fogo, é o brado.

***
Daniel Salgado, Alexandre Losada, Luis Garrido
https://vimeo.com/244332706




Pedírase unha axuda entre 5 e 8 €, destinada intergramente aos músicos. Sábado 19 de maio ás 20:30 h.

Lugar: Liceo Mutante - Pontevedra
Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.