Axenda

Accord Trío
quinta feira 06 decembro 2018, 23:00
Vistas : 164

En AccordTrio o acordeón diatónico, o acordeón cromático e o acordeón piano, os tres tipos de acordeón máis populares en todo o mundo, establecen unha conversación a través dun idioma único pero cheo de diferentes matices e acentos. Xose Lois Romeu, Angus Lyon e Marcos García son tres dos músicos e compositores máis relevantes para este instrumento en Galicia, Escocia e Asturias. Eles poñen toda a súa creatividade e experiencia ao servizo deste proxecto inédito onde, por primeira vez, diferentes tipos de acordeones xeran un discurso musical absolutamente inimitable. Desde o son máis orgánico ao tratamento sonoro do instrumento a través da tecnoloxía musical, AccordTrio logrou combinar unha variedade estilística sen precedentes para crear unha experiencia musical audaz e expresiva.

XOSÉ LOIS ROMEU é unha figura esencial na evolución da música galega nos últimos 30 anos. Percusionista, acordeonista, compositor, arreglista, creador, divulgador e docente, o seu nome está vinculado a algúns dos momentos e artistas máis importantes da historia recente da música en Galicia, desde Mercés Peón a Nova Galega de Danza ou a Orquesta de Jazz de Galicia, pasando por Fuxan vos Ventos, aCadaCanto, Radio Cos, e un longo etcétera. Premiado en numerosas ocasións, colaborou con diversas publicacións de divulgación do folclore. No seu faceta como percusionista destaca o seu proxecto máis persoal, Xosé Lois Romeu & Aliboria, unha innovadora formación de voces e percusión tradicional.

ANGUS LYON é un músico, productor e compositor escocés. É membro de Blazin? Fiddles e The Halton Quartet, e tamén gravou e interpretado xunto a Yusuf Islam (Cat Stevens), Paul McCartney, Bobby McFerrin, Craig Armstrong, Blue Rose Code, Eliza Carthy, Matt Costa, Bela Hardy e moitos máis. Actualmente grava e produce música no seu propio estudo, Gran?s House (www.granshousestudio.com)

MARCOS GARCÍA con apenas 33 anos converteuse no auténtico enfant terrible da música asturiana. Sempre transgresor e innovador, en 2010 é proclamado campión do ?Concours d?accordéon? do 40e Festival Interceltique de Lorient, sendo o único acordeonista non francés en conseguir este galardón. Durante boa parte da súa adolescencia dedicouse a recoller premios en distintos concursos, xa fose como percusionista ou como acordeonista, mentres coleccionaba experiencias musicais diversas ao longo de Europa e Hispanoamérica: grupos de folk innovador (Blima); de jazz-fusión (Macadamia); novas propostas conceptuais derivadas de formacións tradicionais, como os grupos de pandereteres (Herbamora) ou os colectivos de baile tradicional (Proxecto ?PALABRES?, que conseguiu o ?Premio RTPA 2013 ao Mellor Espectáculo do Ano.?)

Lugar: La Cosechera - Lugo
Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.