Axenda

XXI Felicia Pop Festival
From quinta feira 01 agosto 2019
To domingo 04 agosto 2019
Vistas : 623

FELICIA POP FESTIVAL 2019 en A Hortiña- LIMODRE (FENE) A CORUÑA. O próximo 1 de agosto ás 22.00 horas o bar Casa Ardá de Limodre (Fene-A Coruña) acolle a presentación oficial dun dos festivais de música independente máis veteranos,o Felicia Pop Festival . Nesa data actuarán de balde o cuarteto Feed the Pet, e o duo Mentah, ámbolos dous de Ferrol. Será a previa dunha cita que se celebrará os días 2 e 3 de agosto na Hortiña na parroquia fenesa. Un evento que como segundo ano consecutivo será de balde. O venres 2 a actividade comezará a partir das 22.30 horas, será a oportuniddae de ver o Punk-Rock do 77 dos eumeses “Bule”, seguido do Rock and Roll máis desenfrenado e tolo dos vigueses “Los Wavy Gravies”, a continuación tocaralle o turno a unha das bandas nacionais máis importante dos finais dos oitenta principios noventa, os cataláns “BB sin Sed”, e para rematar a xornada, nada máis e nada menos que unha banda Italiana “The Peawees” grupo que está arrasando por media europa, co seu r’n’roll con tintes punk. O sábado 3 haberá unha sesión vermú da man de “Muebles Mendoza” grupo detrás do cal se esconden os membros de Familia Caamagno, diversión garantizada. Xa pola noite, a partir de novo das 22.30 comezarán un power trio coruñes “Los Canallas”, seguido dunha banda toledana “Las Aspiradoras” descargando seu son garaxeiro a base de fuzz e farfisa. A gran atracción do sábado correrá a cargo dos veteranos “Los Iberos” grupo icónico dos sesenta, con temas inolvidables como “corto y ancho”, “las tres de la noche”...., Pechará a velada o ye-yé festivo dos barceloneses Retrovisores, fillos espirituais de Rafael Trabucchelli e o son Torrelaguna. Tanto o sábado como o venres, tralos concertos un fato de reputados picadiscos animará a sesión afterhours no mesma “Hortiña”. Como en ocasións anteriores, estará habilitado un camping gratuito no campo de fútbol do Limodre a 30 metros do festival, e tamén unha zona reservada para furgos na pista polideportiva. Todo rematará o domingo en Casa Ardá coa actuación de “The Bo Derek’s”. Organiza a asociación cultural Felicia e colaboran o Concello de Fene, a Xunta de Galicia e a Deputación da Coruña.

Lugar: Limodre (Fene)
Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.