Pasou setembro e a USC xa respira a pleno pulmón ao ritmo do curso académico. O novo alumnado está xa incorporado ás dinámicas dos centros, o que continúa estudos camiña con paso seguro e o estudantado dos programas de intercambio asentáronse en Santiago e Lugo logo dos actos do Welcome Day. É hora de celebrar o inicio de curso de xeito acorde cos novos tempos que respira a universidade e unha verbena é un dos mellores xeitos de facelo. O xoves día 10 a USC celebra unha verbena popular no Campus Sur en Santiago para dar a benvida ao curso 19/20 cun concerto de Novedades Carminha. Non estarán sos e Deteriorados, grupo que promete moito máis ca música, será o encargado de abrir o evento.

Este ano en Santiago, e nos vindeiros tamén en Lugo, baile ao aire libre, con boa música, como levamos facendo toda a vida en Galicia pero agora tamén para celebrar que a vida volve á universidade, aos campus, ás rúas de Compostela e Lugo.