A partir das 18h, é-romance chega en formato concerto ao mosteiro de San Salvador de Ferreira de Pantón!
Actuarán a cantante e repentista Alba María, a zanfonista Uxía Muíño e o guitarrista Queco Díaz, que interpretarán varios temas con base no romanceiro tradicional galego, así como outros romances compostos por eles e incluso algúns improvisados. A entrada é libre. Non o perdades!
Ademais, durante a mañá os artistas ofrecerán un obradoiro de romance no CEIP Monte Baliño, tamén en Ferreira de Pantón. Con esta proposta didáctica, o alumnado poderá achegarse á realidade do romanceiro galego e tamén aprenderá a xogar e a compor os seus propios romances.