Será o seu primeiro directo tras o confinamento e un agasallo moi especial para o público. Tanxugueiras volven ao escenario e en Sinsal Litoral SON Estrella Galicia temos a fortuna de recibilas. Olaia Maneiro, Sabela Maneiro e Aida Tarrío incrementaron as revolucións do folk galego nos últimos tempos conectando de maneira extraordinaria con novos públicos que ven no trío unha proposta contundente e fresca.

Tanxugueiras interpretarán "Perfidia" tema que forma parte do disco "Contrapunto". Tampouco descartan algunha sorpresa máis para o público 

*O concerto de Rodrigo Cuevas: Trópico de Covadonga co que se abre o Sinsal Litoral SON Estrella Galicia ten as entradas esgotadas.