Imprimir |  Close this window

A Quenlla

Imaxe
Video
En activo
si

Grupo lugués artellado polos ex-compoñentes de Fuxan os Ventos, Mini e Mero despois de abandonaren esta formación. Na Quenlla mantense a liña argumental senlleira no quefacer artístico dos Fuxan da primeira época: preponderancia da música vogal con textos de poetas galegos, ás veces tamén tirados da tradición, sempre coa ollada chantada na situación social do país, con respecto á que manteñen unha posición crítica. O seu inxente labor, que abranque máis eidos ca o estritamente musical na súa defensa do folclore e cultura galegas: charlas didácticas, recollida de cantigas, etc, ten sido, porén, prolífico na produción discográfica con nove discos publicados: Os tempos aínda non, non son chegados, 1986, Romance, 1988, Európolis-88, publicado no mesmo ano, Máis alá da néboa, 1990, Terra, 1992, Nadal en galego, 1993, A casa que nunca tivemos, 1996 e Namórate da vida, 1999, todos eles producidos por 2001 Producciones Artísticas agás Romance, producido por Sons Galiza.

O seu último traballo, Silencios na memoria, saiu ao mercado en 2004

Imprimir |  Close this window