Que vén sendo o Cartafol?

  • Que é o cartafol? O Cartafol é unha base de datos da música galega. Grupos, solistas, formacións tradicionais, etc.
  • E para que serve? Pois para aprendermos da nosa música e para ter onde ir buscar un contacto, unha web, etc.
  • Quen fai o cartafol? O Cartafol é un proxecto que comezamos en GZmúsica pero agora temos que facer medrar entre todas.
  • Como se colabora? Dentro duns días habilitaremos o rexistros de usuarios. As persoas que se rexistren poderán, entre outras cousas, subir contidos ao cartafol.
  • E se non lle controlo para andar a editar? Pois podes mandar un mail a info@gzmusica.com coa info e nós encargámonos de subila ;-)


Buscar no Cartafol:

Zurrumalla

Zurrumalla naceu como grupo alá por febreiro do ano 2.000 cando un grupo de amigos decidiu dar pulo aos seus anceios e inquedanzas musicais. E así deu en crear un universo propio, -no que se din sentir ledos e orgullosos-, alicerzado nas notas que lle sacan á historia e á tradición musical do país. Unha formación que leva once anos estudando e tocando por toda Galiza a música tradicional e consegue facer de cada actuación unha festa; cun estilo musical baseado no tradicional mais próximo a un folk propio, achegan composicións e arranxos que fan as ledicias do público. 
Recollendo os seus primeiros once anos de percorrido, Zurrumalla edita un traballo discográfico en dous CDs, que inclúe un repertorio de vintecinco pezas titulado O que había e… O que hai” no 2011. Como eles mesmos din, a dilixencia non é unha das súas virtudes e cando decidiron gravar o CD tiveron mágoa de desbotar por excesivo o material acumulado ao longo deses once anos. Xa que logo, editaron un dobre CD no que, a primeira parte está dedicada ás pezas que tocaron ao longo dos primeiros sete ou oito anos de andainas - é "O que había"-, e a segunda -"O que hai"-, a temas máis recentes e de composición propia.

Novas Relacionadas:
Images (1)

Índice Alfabético de Grupos

A-B-C-D-E-F-G-H-I-J-K-L-M-N-O-P-Q-R-S-T-U-V-W-X-Y-Z

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto