Os Resentidos volven á estrada


Foron anunciadas as primeiras datas da xira 'A Revolución non será televisada' dos Resentidos. A Coruña en marzo e Compostela en abril, recibiranos en dúas citas inesquecibles. A histórica banda anuncia ademais o segundo novo single desta volta, 'Money for free', que presentarán antes da fin de febreiro.


Ler máis...

Ruxe Ruxe e Monoulious Dop presentan disco esta fin de semana en Compostela


Hoxe, sexta feira 14, Ruxe e mañá, sábado 15, Monoulious Dop levarán até a sala Capitol os seus discos novos. 'O estraño falar dun monstro da aldea', no caso dos de Aríns e 'Black Álbum', o traballo dos de Noia, 2 discos ben diferentes dos que che falamos neste artigo. E lembra, claro, que non tes que escoller. Podes perfectamente facer dobrete e gozar dunha finde óptima.

Ler máis...

Grilo ponlle lume este venres á Capitol



Os composteláns Grilo apresentarán o seu primeiro disco esta sexta feira, 31 de xaneiro, na Sala Capitol, acompañados de Pauliña. O contundente trío creado no 18 en Compostela gravou a finais do ano pasado Dálle lume nos Estudios Mafia do Carballiño, 9 composicións cunha produción moi apegada ao son ao vivo da banda. Entre elas, Xandre, que pon música á derradeira carta escrita por Alexandre Bóveda antes de ser asasinado polos fascistas. Pégalle unha escoita ao disco para aprenderes os temas para o concerto de mañá!

Adentrándonos nas Nostalxias de Samu ACaracán


Samu ACaracán, acompañado coma sempre dos Tinta Femia, vén de publicar novo disco. Nostalxias é unha compilación dos temas en galego que leva tocando 10 anos pola súa bisbarra, O Morrazo, e arredores. Agora mesmo está inmerso nunha xira de presentación en acústico do disco, que o levou hai uns días até o Aturuxo de Bueu. Neste artigo, o Xabicas fálanos desta estrea do Samu.

Ler máis...

Campaña de micromecenado de Los Jinetes del Trópico


Seguen os crowfounfings na música galega. Mentres Arrhythmia superan o 50% no seu, Los Jinetes del Trópico presentan o micromecenado para o seu primeiro disco. Entérate de como facelo e colabora coa música galega. Máis vale deixar os cartos na terra que ciscalos polo mundo no Amasón ou no Alisprés.

Ler máis...

Adeus e grazas, Nao


A banda da Estrada pecha este sábado 7 de decembro 14 anos de camiño polo rego do rock e o metal en galego. Jasper, Gus, Amós e Torroncho subirán por derradeira vez xuntos a un escenario en Amio, nun concerto con numerosos convidados e tres bandas abrindo unha noite que vai ser histórica. SondaRúa, Rebeliom do Inframundo e Odolaren Mintzoa quecerán o ambiente do Recinto Feiral para dar paso despois ás máis de 3 horas de concerto nas que os Nao repasarán a súa discografía.

Ler máis...

Arrythmia escolle o Verkami para I, o seu terceiro disco


A banda lucense escolle a fórmula do micromecenado para o seu terceiro disco, que verá a luz na primavera do vindeiro ano. Despois de III e II chega, non quedaba outra, I. Primeiro traballo en cuarteto tras a entrada de Miguel Duarte na banda. En apenas 4 días xa están por volta do 40% do seu obxectivo que culminará coa presentación oficial de I o 24 de abril de 2020 na Sala Malatesta de Compostela.

Ler máis...

XXV anos de Bravú


Volve o rock Bravú, se é que algunha vez marchara. Este ano cumpríronse 25 anos do banquete inaugural daquel movemento xerminal da música en galego, que naceu o 1 de novembro de 1994 en Chantada, na véspera do II Castañazo Rock e dediante dunha boas postas de cocido. Igual que fixeran hai 5 anos co gallo do 20º aniversario, varias actividades e concertos reinvidicarán a importancia do Bravú, nunha xeira que comezou xa na Coruña a pasada fin de semana.

Ler máis...

Primeiras confirmacións do Castelo Rock 2020


Hoxe mesmo, mércores día 27 de novembro ás 12h tivo lugar o primeiro adianto do cartaz dun dos eventos máis sonados da vila de Muros, o Festival Castelo Rock. Esta XVII edición terá lugar os días 24 e 25 de xullo, coincidindo ca ponte de Santiago Apóstolo. Logo de romper con todos os esquemas na edición do ano pasado, o Festival Castelo Rock de Muros volve coas pilas cargadas.

Ler máis...

Xabier Díaz inicia xira pola Arxentina e o Uruguai e anuncia novo disco para marzo de 2020


A xira comeza hoxe en Montevideo e visitará Bos Aires, onde fará dobrete despois de esgotar as entradas do primeiro concerto, Lago Puelo, Bariloche e Córdoba. O músico tamén impartirá aulas maxistrais e obradoiros para diferentes colectividades galegas tanto na Arxentina como no Uruguai. O autor de “The Tambourine Man” xirará acompañado dos irmáns Álvarez, os músicos cos que comparte proxecto xunto coas Adufeiras de Salitre.

Ler máis...

Novos vídeos, EP para o 2020 e confirmados no Resu. Disque volven os Machina


Hai uns anos que o metal galego quedou coxo co parón dos Machina. O tempo pasaba e unha paraxe motivada polas diferentes circunstancias vitais dos seus compoñentes alongábase até facer temer que o que era temporal acabase por ser definitivo. Porén, en apenas unha semana os de Cerceda apresentan unha arroiada de boas novas, comezando pola súa volta. Estabamos a escribir unha nova sobre o seu novo disco e o "Machina Desenchufados e Amighos", un proxecto en acústico co que quixeron festexar o seu regreso á actividade, cando limos o seu nome -xunto a Acidproyect, Aphonnic, Golpe Radikal ou Skontra- nas novas confirmacións do Resurrection Fest 2020. Xa aproveitamos e contámosvolo todo polo miudo... disque volven os Machina.

Ler máis...

Marcelo DoBode presenta Turoqua en Pontevedra... e nas redes


O pasado domingo 17 de novembro Turoqua cobraba vida no Teatro Principal de Pontevedra que presentou unha entrada excelente para o debut do polifacético artista Marcelo Dobode. O seu novo traballo está xa dispoñible para a escoita online e nós aproveitamos a ocasión para nos deixar arrolar polo agarimo sonoro deste Turoqua. 

Ler máis...

Máis artigos...

Páxina 1 de 37

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto