A próxima fin de semana camiñando “Nos Seus Pés”

Non sabemos se vós  coñecedes este festival, a verdade é que nós vimos de coñecelo vai pouquiño, pero vémolo con ilusión e esperanza, porque máis cousas así tiña que haber na terriña, pois se non axudamos as que podemos… quen o vai facer?

Ler máis

Xa está a chegar a IV Muiñada de Vimianzo

Primeiramente comezar pedindo desculpas, por ter tan parada a web estes últimos meses. Pouquiño a pouco tentaremos ir retomando a actividade normal.O Próximo sábado 20 de Outubro Vimianzo volta á época da infancia de moitas veciñas e veciños, ou inclusive das súas nais e avoas. Un pasado labrego que se lembra con foliada, concertos, magosto, teatro, gastronomía, xogos, obradoiros e unha morea de a...

Ler máis

Os Caamagnos nos Países Baixos (Fotocrónica)

A Caamagnada toda marchou para as Netherlands hai uns días. Foron representar, xunto a Nastasia Zürcher, o noso país no Liet Int, o festival de música das línguas minorizadas que se celebrou en Leeuwarden. E para unha vez que alguén marcha para aló e non se vai buscar a vida ou perdela polos coffee shops, decidimos pedirlle emprestada ao Antonio Pazos a fotocrónica que fixo da viaxe, a ver como ll...

Ler máis

Primeira edición do The Dub Yard Festival

Hai agora un mes a Sala Rebullón acolleu a primeira edición do The Dub Yard Festival. O evento serviu tamén como presentación do novo selo discográfico galego, centrado no reggae e con sede en Vigo, The Dub Yard Records, que nace da man de Javier Vicente. Aquí vos quedan crónica e vídeo de Lety GF e fotos de Andrea Meraki daquela longa noite de reggae.

Ler máis

O Carballiño e Ourense abren a ruta festivaleira deste ano

A Romería Rock Arenteiro e o OurenRock Sound, a última fin de semana de maio e a segunda de xuño respectivamente, serán as primeiras citas -aínda nesta primavera- dun verán festivaleiro que volverá encher de música todos os recantos do país. Dakidarría, Ezetaerre ou Rebeliom do Inframundo, dentro das propostas nacionais, e El Drogas, El Último Ke Zierre, 13 BATS, Riot Propaganda ou Xavi Sarriá, ch...

Ler máis

Malandrómeda no Aturuxo (06/05/18)

Máis unha vez, pasamos o alto da Portela para nos achegar até o Aturuxo de Bueu. Desta volta a razón era o concerto de Malandrómeda, que volvía por terras do Morrazo coa súa flamante banda a nos mostrar como lle aquelaban saxo, teclado e batería aos seus temas. O Xabicas, coma sempre que hai música no Atu, e mais o Lavesedo estiveron aló e armaron esta reportaxe ben curiosa. Non deixes de ler, ver...

Ler máis
012345

Rebeliom do Inframundo, en formato audiovisual

O grupo grava estes días o videoclip co que presentará o seu novo traballo, "Lume e rebeliom" en localizacións do sur do país. A presentación deste novo disco será o vindeiro 30 de abril na sala A Farándula de Vigo mais hoxe tamén será posíbel ver en acción a crew do Condado pois estarán esta noite ás 22:30h abrindo o concerto de Dakidarría na Sala Masterclub tamén da cidade olívica.

Ler máis...

Chotokoeu, Vendetta, Gold&Colt e La Gran Pegatina, o SonRías pecha o cartaz da edición 2016

Os galegos Chotokoeu e Gold&Colt; os foráneos Vendetta e La Gran Pegatina. Catro novas formacións súmanse ás xa anunciadas: Soziedad Alkoholika, La Vela Puerca, Heredeiros da Crus, Lendakaris Muertos, Boikot, La Sra. Tomasa, The Skarnivals e Poetarras. En total, unha ducia de bandas galegas, españolas e internacionais pasarán polo escenario do Festival, que converterá a vila de Bueu nunha gran festa a primeira fin de semana de agosto. As entradas están a 29,50€ máis gastos en adiantada.

Ler máis...

A Terbualdea vai ser unha realidade

Terbutalina levaban anos dándolle voltas a un proxecto, do que apenas quixeron contarnos nada -como por outra banda adoitan facer con nós- mais do que por fin sabemos algo máis. Preguntámosllelo hai dous anos no Revenidas e non arriaron nada pero agora podemos afirmar que a Terbualdea vai ser unha realidade. A banda de Muros con algún membro de Esteiro vai comezar mañá mesmo un VERKAMI para poder adquirir unha propiedade para reformar na Costa da Morte. O vello proxecto dos punks da Barbanza, un lugar con prohibición do sexo indoor e un concerto de Terbutalina a diario axiña será unha realidade.

Ler máis...

Fran Amil e a Tribo incomprensíbel presentan "A voz do vento"

A cita será este venres 1 de abril na sala MalaTesta de Compostela. A banda dirixida por Amil presentará ao vivo o traballo que realizou a requerimento da Mesa pola Normalización Lingüística, musicando en clave de rock, funk, folk e blues once poemas de Manuel María. Ademais de Amil e a Tribo incomprensíbel polo escenario da MalaTesta pasarán os colaboradores do traballo, Xurxo Souto, MJ Pérez, Antón Díaz, Belén Tajes, Bocixa, Paula Romero ou O Leo. Alén de homenaxear o autor das Letras Galegas 2016, a Mesa festexa o seu 30 aniversario con este concerto, ocasión probablemente irrepetible de poder gozar ao completo de todos os músicos que participaron no proxecto. As entradas están á venda en adiantada por 10 € na web da Mesa -8€ para persoas asociadas a esta organización- e custarán 12 € na billeteira da sala o día do concerto.  

Ler máis...

Donicelas ten novo disco

Donicelas presentou o pasado 23 de xaneiro o seu novo disco, homónimo, despois de dez anos de Que nunca fora abalada. Con nova formación, na que inclúen agora gaita e acordeón de xeito permanente, mais continuando cunha proposta baseada na parte vocal, con melodías maioritariamente tradicionais. Tivemos a oportunidade de velas ao vivo no Aturuxo de Bueu o 21 de febreiro, nun dos concertos que están a dar para presentar o traballo. Falámosvos delas -Donicelas- e do seu novo disco.

Ler máis...

Ivy Moon gaña o Imagine Festival Spain

A banda, única representante galega no festival, representará o Estado na final internacional do Imagine Festival, o vindeiro mes de decembro en Croacia. Ao se impoñeren na final española, Ivy Moon gaña tamén o dereito a gravar unha maqueta nun estudio profesional e dará unha xira polo Estado. Esta será a primeira edición deste festival dirixido a bandas con compoñentes entre os 13 e os 21 anos na que España terá representación.

Ler máis...

Cool Funeral + Familia Caamagno na Capitol (04/03/16)

Hai un par de fins de semana achegámonos a Compostela para irlle á estrea do novo disco da Familia Caamagno, Para unha vez que saímos. Noite de rock e chaquetas vermellas, nunha Capitol con bo ambiente que gozou cos concertos de Cool Funeral primeiro e Familia Caamagno despois. Aquí vos queda unha pequena crónica e unhas fotos do concerto, todo feito por Lavesedo.

Ler máis...

A voz do vento, libro-CD homenaxe da Mesa a Manuel María

A Casa Museo de Manuel María en Outeiro de Rei, acolle mañá sábado 12 de marzo ás doce do mediodía, a primeira presentación pública do libro - CD "A voz do vento", editado pola Mesa pola Normalización Lingüística, con poemas de Manuel María, música de Fran Amil e a tribo incomprensíbel -Aarón Bouzón, Álex Bardanca, Fran Amil, Paco Cerdeira e Ricardo Casás- e ilustracións de Jano.

Ler máis...

Apelón, o novo de Roger de Flor comeza a xirar en Pontevedra

A sala Karma de Pontevedra mañá venres 11 de marzo e Jamartes - Arte e Cultura en Pontecaldelas o sábado serán os primeiros lugares onde se poida gozar da xira do novo disco de Roger de Flor, que tamén estará este mes na Coruña, concretamente na sala Garufa o 23, para continuar a mostrar no país Apelón. Un traballo con temas cantados en galego, italiano, castelán e inglés, escritos ao pé do lume nunha casa da rúa Apelón, de Mugardos, onde o Roger viviu unha temporada.

Ler máis...

Xa está aquí a Festa da Chuvia 2016

O 19 de marzo chega a Festa da Chuvia. Interportuaria e diferente, a Festa da Chuvia é unha rareza entre os festivais galegos. A xoldra ármase abordo dun barco que este ano fará porto en Ribeira e Rianxo e no que actuarán Quempallou, A Magnifique Band dos Homes sen Medo ou The Dog Rose. Por 40€ pódeste enrolar e asistir aos concertos no barco ademais de ter comida e bebida abordo. 

Ler máis...

Pantis publica "Pranto", o seu primeiro álbum

Pantis presenta "Pranto", un trabalo dacabalo entre o pop e o kraut, coa electrónica como base. A estrea do proxecto en solitario do músico grovense Rubén Domínguez, membro de Chicharrón, foi gravada no Estudio Terraforma de Cangas e vaise presentar a partir de marzo polo país. Bótalle unha escoita a esta viaxe por descricións oníricas e paisaxes interiores levadas polos ritmos frenéticos dos sintetizadores.

Ler máis...

Para unha vez que saímos, o novo da Familia Caamagno

A Familia Caamagno arrumba no faiado os traxes do exitoso Hai que andar cos tempos! e aquela as novas chaquetas vermellas. Para unha vez que saímos, o novo da Familia Caamagno, preséntase mañá venres 4 de marzo na sala Capitol de Compostela e os de Sigüeiro han estrear tamén a nova vestimenta. Escoita os temas xa dispoñibles na rede e aprende os retrousos para berrarllelos mañá en Santiago.

Ler máis...

Máis artigos...

Páxina 7 de 34

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto