Música a esgalla no comezo de agosto

Comezamos o mes de agosto e os festivais de música amoréanse ao longo da xeografía galega. Desde grandes festivais con entrada de pago deica pequenas iniciativas autoxestionadas. Do punk-rock ao pop ou á música tradicional. A oferta é ampla e para todos os gustos. Dámoslle un repaso ao mellor desta primeira fin de semana e engadimos o Mapa Festivaleiro de agosto actualizado a 04/08/16. Pasen e escollan!

Ler máis...

Segunda xornada das Músicas de Sofá no Carballiño

Tras o éxito do ano pasado, volta a segunda edición do ciclo de “Músicas de Sofá” como primeira cita musical para os máis de 150.000 visitantes que se agardan para a festa do Polbo do Carballiño. Os concertos comezaron onte, mais aínda estás a tempo de gozar coa música de sofá no CArballiño. Ao longo do día de hoxe, 4 de agosto de 2016, desenvolvera a segunda xornada deste singular festival, na que estarán, entre outros, os Transilvanians.

Ler máis...

Sons da Lameira (02/07/16)

Hai agora exactamente un mes, andamos por Matamá para asistir ao Sons da Lameira. Festival de referencia na bisbarra viguesa, o evento organizado pola xente do colectivo Malaherba da parroquia de Matamá trouxo até o escenario da Lameira bandas galegas, portuguesas e españolas. Deixámosvos aquí crónica e fotos de Lavesedo.

Ler máis...

Os uruguaios Once Tiros, no Festival do Castro

Estamos a chegar ao ecuador do verán e a axenda festivaleira galega segue chea de grandes propostas. Unha das citas a non perder no mes de agosto é o Festival do Castro, que celebrará en Pantón a súa undécima edición. Á espera da confirmación de todo o cartaz deste ano, desde a organización informan da presenza do grupo uruguaio Once Tiros neste 2016.

Ler máis...

O Puto Coro do Exército Froilanista presenta o seu Black Álbum

Onte, 17 de xullo de 2016, fixo 18 anos Filipe Xoán Froilán de Todos os Santos de Marichalar e Borbón. O Froilán, fillo da duquesa de Lugo, Helena de Borbón, e do grande Marichalar. O enfant terrible da terrible monarquía mais para moitas e moitos -do Partido Froilanista- único e lexítimo herdeiro da coroa do reino de Galiza. Para celebrar a maioría de idade -nominal, das súas capacidades e madurez reais non podemos dar constancia-, o Puto Coro do Exército Froilanista presenta a súa estrea discográfica. O seu Black Álbum, un disco mouro que fará as delicias de punks e republicanos mais do que se deben afastar as mentes delicadas, ben pensantes e monárquicas, que tamén as hai. Pasen e escoiten, antes de que algún xuíz ocioso decida prohibilo.

Ler máis...

Rapasons 2016 (01/07/16)

O pasado venres 1 de xullo estivemos en Sabucedo, a gravar no Rapasons o que vai ser o cuarto programa desta 3ª temporada de GZmúsica TV. Volvía o festival de Sabucedo despois duns anos de parón, cun cartaz ben atractivo: Xabierz Díaz&Adufeiras, Sés, Ataque Escampe e Cuchufellos. Para alén de entrevistar as bandas e gravar un pouquiño tivemos tempo para bailar, comer churrasco a fartar e de paso tirar unhas fotiños -o Lavesedo- e facer esta pequena crónica -a S. Murias- do que por aló houbo. Pasen, lean...e miren!

Ler máis...

O verán é tempo de Festicultores Troupe

Festicultores Troupe estrea 'Cobra', gravada en colaboración coa banda francesa Funky Style Brass. Ritmos festeiros, sons frenéticos e letras con gags de humor seguen sendo os principais trazos identificativos deste grupo. O novo tema xa soou esta fin de semana no Festival da Mocidade de Palas e no Larouco Fest e ha facelo en Boimorto ou As Pontes no mes de xullo e mais nun montonazo de lugares durante o resto do verán.

Ler máis...

Soñar e Crear cos Nao

Hai dous meses, Nao presentou novo material. Dous EPs, Soñar e Crear, que supoñen probablemente o penúltimo paso polos estudios da banda da Estrada, inmersa na derradeira etapa da súa prolífica historia. Afortunadamente, haberá moitas ocasións de ollalos ao vivo este verán. A primeira, este sábado 8 en Ordes, no Xiana Festival, e posteriormente o 24 de xullo, por partida dobre -á tarde e mais á noite- dentro dos distintos actos que se organizan en Compostela polo Día da Patria. Mentres facedes tempos por estes concertos, non deixedes de escoitar os novos discos e ler a nosa crítica.

Ler máis...

Revenidas presenta a súa 13ª edición

A praia do Preguntoiro acolleu onte a presentación da décimo terceira edición do Revenidas. Sobre a area na que descansarán as festivaleiras entre noite e noite de concertos, organización e autoridades debullaron a que vai ser sen dúbida a edición máis ambiciosa do festival de Vilaxoán. Reafirmándose na aposta polo mellor da música galega e na súa condición de festival das linguas, este ano poderemos gozar no Revenidas con Malandrómeda, Familia Caamagno, Falperrys, Ezetaerre ou Os Tres Trebóns e mais bandas internacionais da calidade de Fanfaria Ciocarlia, Gabriel O Pensador, Russkaja ou La Raíz.

Ler máis...

As branquias absurdas de Oh Ayatollah!

Oh! Ayatollah estreáronse en abril deste ano cun EP cargado de punk, nihilismo, berridos e impotencia. O Brais Arroutado escribiu esta fantástica crónica un día de Breixit calquera, bo momento seguro para falar de algo tan british como Cancións por se non te quere xa e de paso facer coma os Lannister e saldar a súa débeda. Non deixes de ler a súa crónica e darlle unha escoita a estes cinco temas de OAh! Non te has arrepentir!

Ler máis...

Deserto de Centos, a estrea de Sonia Lebedynski

Sonia Lebedynski vén de apresentar o seu primeiro disco en solitario, unha outra interesante proposta da música popular galega, que soou o pasado venres 26 de maio no Teatro Principal de Compostela, despois da première en Boiro, onde a artista mora, o pasado 8 de maio.

Ler máis...

II, o novo disco de Arrhythmia

Quentiño do forno, aquí chega o novo traballo de Arrhythmia, "II". Oito temas dos que non vos podemos dicir moito aínda, pois estamos a escoitalo á vez que volo compartimos na web. Pero, visto o nivel que mostrou o avance en forma de videoclip, a cousa promete. Escoita o novo de Arrhythmia e opina ti!


Ler máis...

Máis artigos...

Páxina 9 de 37

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto