Cé Orquestra Pantasma falounos do seu novo libro-disco "A Voar", no que conta a historia da pequena Xoana quen, movida pola curiosidade e o desexo de voar, emprenderá unha longa viaxe que mudará a súa vida.
A presentación foi no espazo Deleite dentro do Culturgal.

Saiu o novo libro CD de Chuches Amil, Editorial Galaxia, no que se segue o camiño de “Un mundo ao revés”, de cantar contos ou soños. Fran Amil senlleiro músico, compositor e produtor galego, que nos máis de 25 anos que leva de carreira formou parte de bandas moi importantes da música en galego coma os Papaqueixos ou Os Diplomáticos de Monte, vólvese a introducir na música para a cativada, conducindo ou guiando Chuches Amil, no que se rodea de grandes músicos e amigos.

Con este disco a banda celebra o seu 10º aniversario e presenta a súa nova formación. E por se fora pouco xa se pode reservar un dos cen packs da edición limitada do disco en vinilo vermello, con serigrafía numerada e máis un parche. Así que se aínda non teñades a carta de agasallos escrita, este pode ser un bo comezo.

O grupo musical Dios Ke Te Crew, un dos referentes musicais galegos dos últimos 15 anos, publicará un novo traballo discográfico na primavera de 2019, tras deixar a súa pegada cos Lp´s “Xénese” (2006) e “Humanose” (2011).

Achegámonos á que é a Feira das Industrias Culturais de Galiza -o Culturgal-. No sábado día 1 de Decembro puidemos falar cos NAO, tan só uns días antes da presentación en sala do seu derradeiro traballo "Ata que o lume se apague". Ao culturgal tamén foron presentar un petisco de dito disco xa que foron os encargados de pecha-lo espazo carpa, rematando o pequeno directo rodeados de amigos.

Falamos do novo traballo de Ezetaerre, “Pólvora e Tormenta”. Gravado, mesturado e masterizado por Iago Pico en Pousada Son Studios, é a confirmación de que este grupo de rapaces inda teñen moito que dicir no panorama da música galega e en galego. A presentación ao vivo deste disco, será este sábado 1 de decembro na sala Karma en Pontevedra, onde estarán acompañados dunha das, moitas, colaboracións que aparecen neste traballo, High Paw.

Tanxedoras presenta o seu 3° disco, 1952, no que homenaxean a Alan Lomax. Do legado deste etnomusicólogo, que percorreu infinidade de pobos do mundo recollendo as súas musicas tradicionais e que en novembro de 1952 (de aí o título do disco) estivo no noso país “rescatando” un patrimonio musical importantísimo, do que o trío Tanxedoras extraeu 18 xoias da música tradicional galega. Marabilladas por este impresionante arquivo lánzanse a gravar un bo lote de cancións preservando a súa identidade e engadindo pequenas pinceladas persoais.

E a roda do muíño segue a moer. Xs convidadxs pasaron pola carpa nas Lagoas en Bueu, para festexar o 15 aniversario da banda do "Bal Miñor", si con B escribían esta rapazada nos anos máis mozos como rebeldía. Rebeldía que non se detén se non que segue a crecer, inspira e xunta a milleiros de persoas ala por onde van. DKR é das bandas galegas que é capaz de pechar calquera festival, pois poden ser as 6 da maña que manteñen o campo da festa cheo.

“Máis de mil tormentas despois, coa pólvora aínda no ar, seguimos tragando po. O mesmo po que erguemos cando organizamos a tempestade, brotando de cada un dos nosos corpos que bateu contra o chan, esvaecéndose entre os dedos dos puños que golpean o ceo.” Esta é a presentación que a banda galega Ezetaerre fai do seu novo disco. “Pólvora e tormenta (Letras para Woody Mellor)” (New Beats, 2018) que sairá a venda este próximo 16 de Novembro. Formado por Garchu, Pirola e Petrowski, o grupo comezou a súa andaina compartindo loitas e estudos na universidade, chegando a ser en só tres anos un dos grupos revelación do panorama galego.

Outro ano máis que fomos gozar do Castañazo Rock a Chantada, a quitar o frío bailando no mercado gandeiro. De principio botamos en falta máis presenza de grupos galegos no cartaz deste ano, só tres grupos, ou catro contando as actividades de rúa, e dous deles pechando as xornadas do venres e do sábado.