Os Caamagnos nos Países Baixos (Fotocrónica)

A Caamagnada toda marchou para as Netherlands hai uns días. Foron representar, xunto a Nastasia Zürcher, o noso país no Liet Int, o festival de música das línguas minorizadas que se celebrou en Leeuwarden. E para unha vez que alguén marcha para aló e non se vai buscar a vida ou perdela polos coffee shops, decidimos pedirlle emprestada ao Antonio Pazos a fotocrónica que fixo da viaxe, a ver como ll...

Ler máis

Primeira edición do The Dub Yard Festival

Hai agora un mes a Sala Rebullón acolleu a primeira edición do The Dub Yard Festival. O evento serviu tamén como presentación do novo selo discográfico galego, centrado no reggae e con sede en Vigo, The Dub Yard Records, que nace da man de Javier Vicente. Aquí vos quedan crónica e vídeo de Lety GF e fotos de Andrea Meraki daquela longa noite de reggae.

Ler máis

O Carballiño e Ourense abren a ruta festivaleira deste ano

A Romería Rock Arenteiro e o OurenRock Sound, a última fin de semana de maio e a segunda de xuño respectivamente, serán as primeiras citas -aínda nesta primavera- dun verán festivaleiro que volverá encher de música todos os recantos do país. Dakidarría, Ezetaerre ou Rebeliom do Inframundo, dentro das propostas nacionais, e El Drogas, El Último Ke Zierre, 13 BATS, Riot Propaganda ou Xavi Sarriá, ch...

Ler máis

Malandrómeda no Aturuxo (06/05/18)

Máis unha vez, pasamos o alto da Portela para nos achegar até o Aturuxo de Bueu. Desta volta a razón era o concerto de Malandrómeda, que volvía por terras do Morrazo coa súa flamante banda a nos mostrar como lle aquelaban saxo, teclado e batería aos seus temas. O Xabicas, coma sempre que hai música no Atu, e mais o Lavesedo estiveron aló e armaron esta reportaxe ben curiosa. Non deixes de ler, ver...

Ler máis

Artistas lanzan un manifesto de apoio ao Festigal

Desde GZmúsica apoiamos o manifesto Festigal, festa da liberdade publicado por artistas galegas. Contra a involución democrática, a represión e mais a censura. Pola liberdade de poder berrar ben forte as miserias do estado que nos oprime e aínda pretende que quedemos caladas. Súmate ao manifesto!

Ler máis

Tanxugueiras presenta o seu primeiro disco na Capitol o 3 de xuño

Tanxugueiras son Olaia Maneiro, Aida Tarrío e Sabela Maneiro. Descubrímolas -as que estamos fóra dos circuítos trad e folkie- a raíz dun vídeo caseiro dos cameríns do Celtic Connections de Glasgow que moi logo se fixo viral, onde coa compaña percutiva dunha simple mesa sorprenderon a centos de milleiros de usuarias das redes. Porén, estas pandereteiras, naturais de Luou e Aguiño son moitísimo máis...

Ler máis
012345

GZmúsica no Terra da Fraternidade

O Auditorio de Galiza encheuse totalmente para celebrar o 40º aniversario do Grândola, vila morena. Unha outra homenaxe ao Zeca Afonso das moitas que estes días se están a facer no país. Quizais a sobranceira, polo número e calidade dos artistas convidadxs e pola afluencia de público. Máis de mil persoas e o mellor da música galega para homenaxear o cantautor portugués. GZmúsica estivo aló.

Ler máis...

Os Campaneiros de Vilagarcía contra o 1980

Reportaxe que formou parte do CD-DVD adicado a Os Campaneiros de Vilagarcía de ed. do Cumio. Hai un par de anos, os autores da recompilación decidiron rescatar o vídeo do fondo escuro da memoria dun disco duro. Descoñécese a autoría da reportaxe, así como a data en que foi gravada. Porén, semella realizada a finais dos setenta ou comezos dos oitenta. Interesante ver os irmáns Valiñas do Sixto, en activo xa nos anos 20 do século pasado.


A estrea dos Nhió!

O Netlabel máis activo da música galega, -isto é, O Toxo Rabudo Netlabel-, é a plataforma escollida polos Nhió! para presentar a súa estrea discográfica. A maqueta foi gravada en agosto de 2011 no propio local de ensaio da banda. Porén, non a acabaron de misturar até hai pouco. Música punk que cada vez lle sae e lle soa máis roqueira ao grupo xurdido das cinzas dos Retobato.


Ler máis...

Zënzar presentou "Vaise armar" no Mesón do Bento

Íase armar. Xa o avisaran. E armouse de vez. GZmúsica estivo na apresentación do novo traballo de Zënzar, sábado 5 de maio no Mesón do Bento. 3 horas da furia precisa, do encontro coas amizades, do orgullo de levar moitos anos a cuspir letras desde Cerceda. Da satisfacción íntima de se saber queridos pola rapazada toda da comarca de Ordes e fondamente respectados pola parroquia roqueira do país.

Ler máis...

Manifesto Mareante

Non tes nada que facer este venres? Pois vai á Coruña de rachí. Ofrenda a Curros, homenaxe ao historiador Santiago Daviña e concerto na Cova Céltica, Orzán 82, cos Vicentes de Elviña, -gaiteiros residentes-, e os Tres Trebóns. E todo para lles lembrar aos repunantes que na Coruña tamén lle falan o galego. Facíano no tempo en que o Gremio de Mareantes lle danzaba ao seu patrón. E cando Curros atopou conforto alí. E fano agora.


Ler máis...

Alberto Vilas Quinteto comezou xira para presentar o seu novo disco

O selo galego Azos Jazz, baixo a dirección artística de Abe Rábade, presenta estes días os seus dous últimos traballos, 'Experianza' de Alberto Vilas Quinteto e 'Bill Goodwin Quartet Live in Santiago'. No caso do quinteto do pianista redondelán, a presentación vén acompañada dunha pequena xira con actuacións na Sala Clavicémbalo en Lugo o 27 abril, na Sala Liceum no Porriño, en Vigo, o 30 de abril, na sala Jazz Filloa da Coruña o 2 de maio e no Náutico do Grove o 5 de maio.

Ler máis...

Mortos en Vida, ao vivo

Os Mortos en Vida son unha banda da aldea de Liméns, parroquia do Hío, no Morrazo. Se che gusta o punk e o hardcore, hache gustar o son desta formación, que descarga sen piedade trallazos contundentes. A voz e mais a potente base rítmica levan a música dos MeV cara ao hardcore, indubidablemente. Tamén o fai a guitarra cando colle protagonismo, porén actitude, versións interpretadas, etc deixan o pouso punk que lle acaba de dar o selo de identidade á formación.


Ler máis...

Recompilatorio do Hip Hop Ateneu

Vén de se publicar o disco recompilatorio  do Hip Hop Ateneu, unha crew compostelá con xa máis de dez anos de historia. Despois dunha época de pouca actividade, o colectivo santiagués volve con folgos. E faino porque sente a necesidade de facer unha reflexión crítica sobre o seu labor o que os leva a nos ofrecer unha interesante mostra do traballo musical que se xera arredor do colectivo. Hip Hop anticomercial, -segundo eles mesmos din- que será moi do agrado dos amantes do xénero. Bases homoxéneas que ceden o protagonismo a unhas letras afiadas que percorren sen desmaio o universo do propio colectivo. Unha boa mostra de que a autoxestión pode dar froitos máis que apetecibles que rachen coa uniformidade ditada pola industria.


Ler máis...

"Quen se achegue á música de Machina sen complexos poderá desfrutar dela"

A pasada fin de semana os Machina apresentaron o seu novo traballo, Ensaio sobre o silencio, no Salón Parroquial de Meirama. GZmúsica non puido estar aló, pero cóntannos os que si foron que houbo máis de dúas horas de rock sen concesións. Arroupados polos amigos de Kastomä, O Leo e Supahcan Selectah, a banda de Cerceda ofreceu un directo bestial que os coloca entre as bandas de referencia do rock-metal do país. Aquí tedes unha pequena entrevista que lles fixemos hai pouquiños días, por mor deste novo lanzamento discográfico.


Ler máis...

As Ataque Escampe celebran o décimo aniversario

As Ataque Escampe celebran os seus dez violentos anos (sic) e van quentando a cousa cun video á altura das circunstancias.

Será este venres 20 de abril na sala Moon de Compostela. Ao longo da semana ampliaremos información!

Quempallou no Aturuxo, presentando "Vellas novas"

Xa vos falamos o outro día do novo traballo dos Quempallou. Esta fin de semana de abril tocaba comezar coa apresentación do novo traballo e o Aturuxo de Bueu foi o lugar escolleito para continuar cunha xira que encetaran o día anterior no Liceum do Porriño. Non se encheu a sala como outras veces para ollar este grupo, -o día non habitual para o Atu e a "competencia" con outros 4 concertos á mesma hora entre Cangas e Bueu non axudaron moito-, mais o ambiente era festeiro. Presentaron tamén o Xornal Quempallou onde GZmúsica puxo o seu graíño de area. 

No interior deste artigo poderás ver algunha foto do concerto.

Ler máis...

O Sonoro Maxín ao vivo no Auriense

Todas as entradas vendidas para o primeiro dos concertos que O Sonoro Maxín vai dar estes días en Ourense. Gzmúsica estivo aló e gravou este video.

Coidado que aínda queima!


Ler máis...

Máis artigos...

Páxina 33 de 34

<< Inicio < Anterior 31 32 33 34 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto