NAO no Culturgal 2018

Achegámonos á que é a Feira das Industrias Culturais de Galiza -o Culturgal-. No sábado día 1 de Decembro puidemos falar cos NAO, tan só uns días antes da presentación en sala do seu derradeiro traballo "Ata que o lume se apague". Ao culturgal tamén foron presentar un petisco de dito disco xa que foron os encargados de pecha-lo espazo carpa, rematando o pequeno directo rodeados de amigos...

Ler máis

O sector musical será feminista ou non será

A asociación MIM créase no 2016 co obxectivo de dar visibilidade a todas as mulleres da industria musical. En dous anos de existencia a asociación pasou de 30 a máis de 300 asociadas e asociados, contribuíu a introducir mulleres en paneis, xurados, mesas de debate, profesorados, e tamén nalgúns escenarios. Xerou unha web de libre consulta que da visibilidade a artistas e profesionais do sector, e ...

Ler máis

Xa escoitamos o último de Ezetaerre "Pólvora e tormenta"

Falamos do novo traballo de Ezetaerre, “Pólvora e Tormenta”. Gravado, mesturado e masterizado por Iago Pico en Pousada Son Studios, é a confirmación de que este grupo de rapaces inda teñen moito que dicir no panorama da música galega e en galego. A presentación ao vivo deste disco, será este sábado 1 de decembro na sala Karma en Pontevedra, onde estarán acompañados dunha das, moitas, colaboracións...

Ler máis

Viaxamos a 1952

Tanxedoras presenta o seu 3° disco, 1952, no que homenaxean a Alan Lomax. Do legado deste etnomusicólogo, que percorreu infinidade de pobos do mundo recollendo as súas musicas tradicionais e que en novembro de 1952 (de aí o título do disco) estivo no noso país “rescatando” un patrimonio musical importantísimo, do que o trío Tanxedoras extraeu 18 xoias da música tradicional galega. Marabilladas por...

Ler máis

Unha noite no muíño non é nada, 15 anos si son muiñada.

E a roda do muíño segue a moer. Xs convidadxs pasaron pola carpa nas Lagoas en Bueu, para festexar o 15 aniversario da banda do "Bal Miñor", si con B escribían esta rapazada nos anos máis mozos como rebeldía. Rebeldía que non se detén se non que segue a crecer, inspira e xunta a milleiros de persoas ala por onde van. DKR é das bandas galegas que é capaz de pechar calquera festival, pois ...

Ler máis

Nuns días Ezetaerre virán cargados de "Pólvora e tormenta"

“Máis de mil tormentas despois, coa pólvora aínda no ar, seguimos tragando po. O mesmo po que erguemos cando organizamos a tempestade, brotando de cada un dos nosos corpos que bateu contra o chan, esvaecéndose entre os dedos dos puños que golpean o ceo.” Esta é a presentación que a banda galega Ezetaerre fai do seu novo disco. “Pólvora e tormenta (Letras para Woody Mellor)” (New Beats, 2018) que s...

Ler máis
012345

San Simón Fiddle

Interesante experiencia que se desenvolverá na illa de San Simón do 9 ao 15 de xullo. Un Fiddle Camp, un curso de violín tradicional, impartido nun lugar das características senlleiras de San Simón e dirixido a rapaces de 8 a 18 anos. Aulas de violín e outros instrumentos, actividades no mar, lectura, xogos,... unha alternativa interesante para as crianzas este verán.

Ler máis...

Os Cempés volven con Tentemozo

Luns 28 de maio. 19h. Na Casa das Crechas. Os Cempés apresentan nunha sesión pechada a medios e amizades o seu novo traballo. Tentemozo. Financiado mediante unha iniciativa de crowfunding, o novo traballo festexa os vinte anos da formación de Ferrolterra.

Ler máis...

A Pior, novo disco de Projecto Mourente

Pop de sinterizadores con salpicaduras punk. Letras que van da retroinspección ao panfletismo sutil. Retranca lusista e cancións de desamor no terceiro traballo do Projecto Mourente. Soubemos del na rede e decidímonos a escoitalo despois de ler a fermosa crónica que lle fixo Malas Músicas. Podes escoitar A Pior no interior do artigo.

Ler máis...

Falamos con Kiril Dzajkovski no Reperkusión2012

A pasada fin de semana en Bemposta, ademais de pasalo moi ben gravando vídeos perralleiros cos nosos festivaleiros, tamén tivemos tempo de facer algunha vídeo-entrevista. Coa axuda, coma sempre, de Borneira Audiovisual. Estivemos a falar con varios dos artistas que pasaron polo escenario grande do Reper. E como non queremos que a xente pense que estamos ensimesmados na música galega, comezamos esta xeira de entrevistas coa que lle fixemos a Kiril Dzajkovski. Vídeo no interior.

Ler máis...

GZmúsica convídate a ver O Sonoro Maxín

O Sonoro Maxín segue a xirar polo país presentando o seu disco de estrea. Esta semana, Compostela e A Coruña. Xoves e venres respectivamente. Nós temos entradas para os dous concertos. E TI podes conseguilas. Tan só tes que mandar un mail a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo co teu nome+apelidos e número de teléfono. Especifica tamén para onde queres as entradas, Compos ou A Coruña.

Ler máis...

Projecto Trepia na TVG

Martes 22 de maio. O Projecto Trepia estivo no programa A Solaina da TVG. Eis a súa intervención, cunha breve entrevista ao final.

II Raxada Ghaiteira

O domingo 27 de maio  no Alto de San Antoniño, na parroquia de Couso (Gondomar). O Colectivo Couso Sitio Distinto organiza a II Raxada Ghaiteira. 

Ler máis...

Fomos ver a Compañía do Ruído

A semana musical comezou xa o pasado mércores 16 de maio. Había varias opcións interesantes, mais GZmúsica escolleu a visita da Compañía do Ruído ao Aturuxo de Bueu. Os do Barbanza andan a armar de volta unha formación poderosa que promete dar tralla no verán. Viñeron presentar o seu último traballo, que podes escoitar no interior do artigo.

Ler máis...

Semana das Letras...e da música!

Seica este ano homenaxean a Valentín Paz Andrade no Día das Letras...muito ben! Nós faremos como o Faro de Vigo e La Voz de Galicia e publicaremos a nosa portada en galego :P E de paso, celebraremos o 17 de maio de troula. A Axenda desta semana vén cargadiña de cousas bonitas. Levanta o cú do computador e vaille botar unhas pezas!!!!!

Ler máis...

Crónica Resentida

Unha reviravolta no camiño levou a tribo toda até o recinto de Expourense. Volvían Os Resentidos 30 anos despois do Galicia Caníbal. Cun Reixa eleito hai pouco presidente da SGAE e uns teloneiros que apostan polo Creative Commons. Galicia, i don’t love you because i fuck you. A música do sitio distinto volveu soar e GZmúsica foi botar unha ollada.

Ler máis...

Zënzar ao vivo na Josfer

Ferveron os computadores estas noites aló polos Muíños. Nesa xunqueira onde Vigo deixa de ser Navia para ser Coruxo. Onde o Lagares xa non é máis río porque decide ser mar. Alá montaron un cuartel de inverno os de Borneira Audiovisual. Botáronlle horas e traballo a eito e aquelaron hora e media de resumo do que foi a grande festa do rock galego.

5 de maio. Meson do Bento. Zënzar apresentou Vaise Armar. GZmusica.com estivo presente. E aquí vos deixamos as entrevistas que aló fixemos e parte do concerto dos Zënzar. Graciñas Martín, Adrián, Xián e compaña polo gran traballo...e ti que fas que aínda non lle deches ao play???

NOTA: Se queres ver o vídeo a partir dun minuto deteminado, -sen ter que ver todo desde o comezo-, tes que miralo no google chrome e escoller a opción switch HTML5 debaixo do vídeo á dereita.

GZmúsica no Terra da Fraternidade

O Auditorio de Galiza encheuse totalmente para celebrar o 40º aniversario do Grândola, vila morena. Unha outra homenaxe ao Zeca Afonso das moitas que estes días se están a facer no país. Quizais a sobranceira, polo número e calidade dos artistas convidadxs e pola afluencia de público. Máis de mil persoas e o mellor da música galega para homenaxear o cantautor portugués. GZmúsica estivo aló.

Ler máis...

Máis artigos...

Páxina 33 de 34

<< Inicio < Anterior 31 32 33 34 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto