GZmúsica no IV OurenRock

Por méritos propios e a base de bo traballo, o OurenRock está a se afianzar como unha interesante proposta no saturadísimo verán festivaleiro galego. A aposta por unha data moi temperá, a presenza nos cartaces das 4 edicións celebradas de bandas consolidadas tanto do panorama galego coma do estatal, o idóneo da localización en Bemposta,... todo suma para armar este gran festival ao que volvemos ir...

Ler máis

A Carballeira de Zas presenta o cartaz da súa 36ª edición

Susana Seivane, Tanxugueiras ou Dakidarría, principais propostas deste ano no veterán festival das Terras de Soneira. Korrontzi ou Celtic Social Club porán a nota internacional nunha festa que segue a apostar por unha oferta para todas as idades, a prezo case irrisorio, centrada na música de noso.

Ler máis

Os Resentidos no Gaiás para festexar o Día da Música

A Cidade da Cultura de Galicia festexará o Día Internacional da Música, que se celebra o 21 de xuño, cun concerto da banda galega Os Resentidos, na Praza Central do Gaiás, nunha actuación de entrada libre e de balde. A icónica banda repasará os seus 30 ano de carreira e tamén tocará algún dos temas de nova composición.

Ler máis

Cinema, música e cultura un ano máis en Cans

Entre os pasados 22 e 25 de maio a aldea de Cans, no Porriño, volveu celebrar o seu festival de cinema. 16 edicións xa para unha proposta orixinal, que busca desde o comezo fusionar o rural coa cultura cinematográfica. Máis un ano houbo chimpíns, cans nos balcóns, veciños satisfeitos ao veren actores do panorama galego e estatal na aldea e moitísimo público. E tamén un ano máis GZmúsica estivo aló...

Ler máis

Estivemos na 37ª edición do Festiletras

A aldea do Couto, en Ponteceso, acolleu entre os pasados 12 e 19 de maio a trixésimo sétima edición do Festiletras. Baixo a filosofía -intelixente e imprescindíbel- de que a cultura non é patrimonio exclusivo do mundo urbano e coa defensa da nosa lingua como bandeira, esta aldea de Bergantiños leva anos organizando un dos festivais senlleiros do panorama galego. E este ano, máis unha vez, GZmúsica...

Ler máis

Música e costela a varrer en Couso: Churrasconcerto 2019

Sábado 11 de maio, Couso acolleu a terceira edición do Churrasconcerto. Polo escenario montado no eido do local social desta parroquia estradense pasaron Pauliña, os John Deeres, Bastardos de Rivera e mais Impulsos Criminais. Noite de concertos e churrasco que acabou con selección musical de Lor Xanadú Picadiscos. Ambiente estupendo nunha noite á beira do Ulla da que vos traemos uns vídeos.

Ler máis
012345

Xa están os horarios do Derrame Rock

A web do festival vén de publicar os horarios dos concertos do XVII Derrame Rock. O 28, 29 e 30 de xuño Ourense será a capital do rock estatal. Un amplo cartaz traerá até a cidade paragüeira unha variada representación do rock estatal, con algún engadido de sona e unha aceptable porcentaxe de bandas nacionais. E no tocante ao rock do país, o xoves vai ser o día senlleiro. Entre as 21:00h e a 01:00h, Kambotes, Cuchufellos, Ulträqäns, Festicultores e O Sonoro Maxín pasarán polos dous escenarios habilitados. Pero na programación tamén hai oco para Zënzar, Heredeiros da Crus ou Dakidarría. Bótalle unha ollada!


Ler máis...

Estréase en Irlanda o documentario sobre a De Cuellar Suite

O Celtic Fringe Festival de 2012, -que se ha celebrar do 20 ao 24 de xuño en Sligo, Irlanda- acollerá a estrea. David Ramos apresenta o film sobre a experiencia que hai 1 ano levou 15 músicos da Escola Livre da MPG até a edición do 2011 do festival de Sligo para participar na estrea da De Cuellar Suite. Aló compartiron escenario con 40 músicos irlandeses dunha escola homóloga. E todo para dar a coñecer as andainas por Irlanda e Escocia do capitán castelán Francisco de Cuéllar, ao mando dun dos barcos da armada invencíbel no 1588. Vídeo promocional do documentario no interior.

Ler máis...

Mini e Mero cantáronlle ao país en Marín

O pasado venres 1 de xuño, estiveron pola banda de Marín Xosé Luis Rivas e Baldomero Iglesias. Mini e Mero. Os músicos chairegos, fundadores de Fuxan os Ventos e A Quenlla, falaron na vila do Morrazo de música, tradición, lingua e poesía. E botaron man do seu repertorio para acompañar as súas palabras. Deixámosvos aquí o seu Irmán, nun vídeo gravado por XoánArcodaVella. Se queres ver máis vídeos do recital, vai a súa conta de youtube.


Analizamos a presenza galega nos Premios da Música Independente

Igual é porque os premios son patrocinados por unha cervexa galega. Mais o certo é que a música do país ten presenza en varias das candidaturas na cuarte edición dos Premios da Música Independente. Non é que na redacción de GZmúsica sexamos moi amigos deste tipo de telderetes, mais rechamounos a aparición de Das Kapital entre os candidatos a mellor álbum de música electrónica. Por iso botamos unha ollada.

Ler máis...

De concerto cos Zurrumalla

Domingo 27 de maio, volvemos ao Aturuxo. Desta volta, visitaban a sala de Bueu os Zurrumalla.A banda, formada contra o ano 2000, mantén desde os seus comezos o gusto pola música tradicional. Nomeadamente, pola vertente máis festeira do repertorio da nosa tradición, que é tamén a cerna do seu novo disco.


Ler máis...

Os Tres Trebóns no Reperkusión

Sen tempo non era, pero aquí tedes o derradeiro vídeo que gravamos no Reperkusión. E claro, para o final había que deixar o mellor. Os Tres Trebóns, a banda galega que abriu os concertos do primeiro día de festival. Falamos con eles e contáronnos cousas ben interesantes. Entrevista coa big band da música galega e tres pezas do directo do xoves 17 de maio en Bemposta. Aquí o tedes.

Ler máis...

Dubioza Kolektiv fala con GZmúsica

A pasada fin de semana falamos un pedazo cos Dubioza Kolektiv, uns dos participantes no Reperkusión. A banda bosnia, -un auténtico fenómeno de masas nos Balcáns-, visitou o país para nos achegar a súa mistura de ska, hip hop e música balcánica. Cancións moi bailables, letras comprometidas, -en bosnio e inglés-, para unha das sorpresas do festival deste ano. No interior, a vídeo entrevista con dous dos compoñentes deste colectivo. Non estamos totalmente certos, pero probablemente sexa a primeira entrevista feita en galego e bosnio da historia. E isto non tería sido posible sen a colaboración de Eva, unha galega do Morrazo que vive en Novi Sad. Graciñas pola axuda e a paciencia.

Ler máis...

San Simón Fiddle

Interesante experiencia que se desenvolverá na illa de San Simón do 9 ao 15 de xullo. Un Fiddle Camp, un curso de violín tradicional, impartido nun lugar das características senlleiras de San Simón e dirixido a rapaces de 8 a 18 anos. Aulas de violín e outros instrumentos, actividades no mar, lectura, xogos,... unha alternativa interesante para as crianzas este verán.

Ler máis...

Os Cempés volven con Tentemozo

Luns 28 de maio. 19h. Na Casa das Crechas. Os Cempés apresentan nunha sesión pechada a medios e amizades o seu novo traballo. Tentemozo. Financiado mediante unha iniciativa de crowfunding, o novo traballo festexa os vinte anos da formación de Ferrolterra.

Ler máis...

A Pior, novo disco de Projecto Mourente

Pop de sinterizadores con salpicaduras punk. Letras que van da retroinspección ao panfletismo sutil. Retranca lusista e cancións de desamor no terceiro traballo do Projecto Mourente. Soubemos del na rede e decidímonos a escoitalo despois de ler a fermosa crónica que lle fixo Malas Músicas. Podes escoitar A Pior no interior do artigo.

Ler máis...

Falamos con Kiril Dzajkovski no Reperkusión2012

A pasada fin de semana en Bemposta, ademais de pasalo moi ben gravando vídeos perralleiros cos nosos festivaleiros, tamén tivemos tempo de facer algunha vídeo-entrevista. Coa axuda, coma sempre, de Borneira Audiovisual. Estivemos a falar con varios dos artistas que pasaron polo escenario grande do Reper. E como non queremos que a xente pense que estamos ensimesmados na música galega, comezamos esta xeira de entrevistas coa que lle fixemos a Kiril Dzajkovski. Vídeo no interior.

Ler máis...

GZmúsica convídate a ver O Sonoro Maxín

O Sonoro Maxín segue a xirar polo país presentando o seu disco de estrea. Esta semana, Compostela e A Coruña. Xoves e venres respectivamente. Nós temos entradas para os dous concertos. E TI podes conseguilas. Tan só tes que mandar un mail a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo co teu nome+apelidos e número de teléfono. Especifica tamén para onde queres as entradas, Compos ou A Coruña.

Ler máis...

Máis artigos...

Páxina 34 de 36

<< Inicio < Anterior 31 32 33 34 35 36 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto