Segunda edición do Arrechéghate ao Fento

O Festival que se celebra no parque forestal de Bembrive, Vigo, chega a súa segunda edición cun cartaz que segue a liña marcada na súa primeira edición, celebrada en setembro do ano pasado. Bandas decididamente festeiras ao vivo e presenza tanto de grupos do país como foráneos. Unha outra opción para esta fin de semana.



Ler máis...

A Rebusca: música e festa na alta montaña

Sábado 16 de xuño. A Alta Montaña galega argalla o seu festival. A Rebusca volve con forza na súa cuarta edición, cun cartaz interesante e unha xornada chea de actividades. Circo, música, natureza...e todo de balde, acampada incluída!



Ler máis...

Novidades do Rock Galego

Artigo de Lavesedo para o Faro da Cultura. Repaso das novidades discográficas que saíron estes primeiros meses de 2012 no país. Ruxe Ruxe, O Sonoro Maxín, Camarada Nimoy, Terbutalina, Projecto Mourente,... unha ollada ao que ferve na música galega.


Ler máis...

Aí vén o primeiro festival Ao Son do Masma

Unha finca á beira do Masma, -na parroquia de Celeiro de Mariñaos, na Mariña-, vai ser o epicentro musical da comarca este sábado 16 de xuño. O Colectivo Cultural Ollomao e mais os Tumba e Dálle, -grupo local-, están atrás desta iniciativa que nace co obxectivo de se converter en referente dos afeccionadxs á música galega da comarca da Mariña. Feira de artesanía, roteiro cultural, billarda...e música! Ao son do Masma.


Ler máis...

Xeración Xabarín, a web do noso clube

Non descubrimos nada se dicimos que o Xabarín Club fixo máis pola lingua, -e pola música-, do país que todos os programas de normalización lingüística que houbo, hai ou haberá neste recanto do mundo. Aínda se mantén en antena, na TVG2, pero o Clube da Galega está lonxe da actividade que tiña nos 90, cando foi pioneiro dos clubes infantís de TV en todo o estado. Tes saudade daquel tempo? Pois entra e coñece Xeración Xabarín.


Ler máis...

Pequena crónica do Arrente ó Toxo

A chuva non puido coas e cos 400 seareiros que se xuntaron onte nas Visueiras, no Hío, para gozar coa segunda edición do Arrente ó Toxo. Malia as dificultades engadidas polo mal tempo, todo discorreu con éxito e finalmente os asistentes marcharon para as súas casas despois de ouvir 5 horas do mellor rock duro que se fai arredor da ría de Vigo.


Ler máis...

Camarada Nimoy estréase cun EP instrumental

De novo O Toxo Rabudo NetLabel achéganos unha proposta interesante. Trátase da estrea dos Camarada Nimoy, nova banda da cidade de Vigo. Surf, swing e jazz da man destes seareiros do Leonard Nimoy. Podes escoitar os 4 temas do EP de estrea do grupo no interior do artigo.


Ler máis...

Oso ondo, Madonna

Todxs habedes coñecer o anuncio da bebida enerxética onde os elefantes voan e unha nai ten que comer as súas palabras. Pois pasounos algo semellante. Un día dixemos que só falariamos ben de Madonna se ía de xira cun grupo de txalapartaris e cantaba en euskera. E aí a tedes, cos Kalakan acompañándoa na meirande xira da súa historia. Txalapartas sobre Open your heart e a diva americana botándolle unhas estrofas do Sagarra Jo, peza do trío de Iparralde. Vídeo no interior.


Ler máis...

Xa están os horarios do Derrame Rock

A web do festival vén de publicar os horarios dos concertos do XVII Derrame Rock. O 28, 29 e 30 de xuño Ourense será a capital do rock estatal. Un amplo cartaz traerá até a cidade paragüeira unha variada representación do rock estatal, con algún engadido de sona e unha aceptable porcentaxe de bandas nacionais. E no tocante ao rock do país, o xoves vai ser o día senlleiro. Entre as 21:00h e a 01:00h, Kambotes, Cuchufellos, Ulträqäns, Festicultores e O Sonoro Maxín pasarán polos dous escenarios habilitados. Pero na programación tamén hai oco para Zënzar, Heredeiros da Crus ou Dakidarría. Bótalle unha ollada!


Ler máis...

Estréase en Irlanda o documentario sobre a De Cuellar Suite

O Celtic Fringe Festival de 2012, -que se ha celebrar do 20 ao 24 de xuño en Sligo, Irlanda- acollerá a estrea. David Ramos apresenta o film sobre a experiencia que hai 1 ano levou 15 músicos da Escola Livre da MPG até a edición do 2011 do festival de Sligo para participar na estrea da De Cuellar Suite. Aló compartiron escenario con 40 músicos irlandeses dunha escola homóloga. E todo para dar a coñecer as andainas por Irlanda e Escocia do capitán castelán Francisco de Cuéllar, ao mando dun dos barcos da armada invencíbel no 1588. Vídeo promocional do documentario no interior.

Ler máis...

Mini e Mero cantáronlle ao país en Marín

O pasado venres 1 de xuño, estiveron pola banda de Marín Xosé Luis Rivas e Baldomero Iglesias. Mini e Mero. Os músicos chairegos, fundadores de Fuxan os Ventos e A Quenlla, falaron na vila do Morrazo de música, tradición, lingua e poesía. E botaron man do seu repertorio para acompañar as súas palabras. Deixámosvos aquí o seu Irmán, nun vídeo gravado por XoánArcodaVella. Se queres ver máis vídeos do recital, vai a súa conta de youtube.


Analizamos a presenza galega nos Premios da Música Independente

Igual é porque os premios son patrocinados por unha cervexa galega. Mais o certo é que a música do país ten presenza en varias das candidaturas na cuarte edición dos Premios da Música Independente. Non é que na redacción de GZmúsica sexamos moi amigos deste tipo de telderetes, mais rechamounos a aparición de Das Kapital entre os candidatos a mellor álbum de música electrónica. Por iso botamos unha ollada.

Ler máis...

Máis artigos...

Páxina 35 de 37

<< Inicio < Anterior 31 32 33 34 35 36 37 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto