Voodoo e Habelas Hainas na Sala Rebullón do centro cultural As Pedriñas.

O 10 de marzo, Lety GF e Xabicas cruzaron a ría para se achegar até o Rebullón. As do Morrazo non lles temos medo ás cicloxéneses, sobre todo cando da outra banda do mar agardan por nós dúas bandazas como Habelas Hainas e VooDoo. Pequena crónica, fotos e vídeo dos concertos neste artigo.

Ler máis...

Poesía para cantar. Os Diplomáticos na casa de Manuel María


Sábado 17 de marzo, a Casa Museo de Manuel María será o escenario dunha xornada inédita, onde os Diplomáticos nos convidan a cantar versos de Celso Emilio, Teresa Ramiro, Manuel Rivas e tamén, claro, Manuel María. Será ás 20h, en Outeiro de Rei e podes reservar billete por 5 euros.

Ler máis...

MJ Pérez por triplicado esta semana


Mañá, mércores 14 de marzo, venres 16 e sábado 17, a cantautora arzuá subirá aos escenarios do país para seguir a presentar "Casandra", terceiro disco da súa carreira, primeiro de estudio. Carballo, Laxe e Moaña gozarán co directo de MJ Pérez, acompañada de toda a súa banda esta cuarta-feira en Carballo, en formato reducido nas outras dúas datas.

Ler máis...

O grupo melidense Cuarta Xusta presenta o seu primeiro disco

Cuarta Xusta é un grupo de rock que naceu en 2016 da man de Aida, Marta, Lúa, Alberto e Alba, pero é agora cando nos veñen presentar o seu primeiro disco. Será o próximo 10 de marzo no Pub Gatos de Melide. O álbum, que leva por título “Un novo espertar” sairá ao mercado xusto o día despois da presentación.

Ler máis...

10 de marzo: A Casa da Tolemia da Terbutalina

A sala Capitol acollerá o vindeiro 10 de marzo a presentación da nova formación da banda, nunha festa que leva por nome A Casa da Tolemia. Alén de ser o pistoletazo de saída da xira 2018 coa nova formación do grupo, na festa tamén actuarán Boyanka Kostova e Copa Turbo. Señora, señor, xa o sabe, se vostede quere entrar na Casa da Tolemia, non dubide en seguir as aventuras e desventuras da Terbutalina. 

Ler máis...

Escoitamos Prólogo, o primeiro disco de Samarúas

Samarúas estréase cun traballo autoeditado publicado en xaneiro. Apresentados no 2013, Samarúas é unha proposta folk que plasma neste disco de debut os vieiros que actualmente transita a banda. Folk eminentemente instrumental, aínda que con cabida para a poesía nalgún das súas cancións, nun traballo que comeza cos palabras de Man, o alemán de Camelle, e transita maino, arrecendendo a mar, ao longo dos 7 temas que o compoñen. Dálle unha escoita ao disco e mergúllate no universo destes camaradas.

Ler máis...

Pre Candeloria 2018 no Clavicémbalo

Ruxe, Rebeliom e Arrhythmia estiveron o venres pasado dando tralla no Clavicémbalo de Lugo. A organización do Festival da Candeloria, que comeza este xoves, argallou unha festa "Pre Candeloria" para ir quentando o ambiente en Lugo nas vésperas dun festi que este ano pasa de 2 a 3 días por vez primeira. GZmúsica andará máis un ano pola Candeloria pero xa fomos enviando unha cabesa de ponte para recoñecer a zona a pasada semana e contarnos como foi esta festa Pre Candeloria. Velaquí as fotos e vídeos do Miguel Grandío da que se montou no Clavi este venres.

Ler máis...

Tiruleque lanza 'Outro que tal baila' e inicia xira de presentación o 17 en Compostela


A banda coruñesa publica o seu terceiro álbum de estudio cun total de dez cancións, entre composicións propias e versións do cancioneiro popular. As entradas para o concerto en Compostela, 17 de febreiro na Sala Capitol, pódense adquirir xa na web da sala. Ademais, a xira continúa 23 de febreiro na Fundación de Melide e o 9 de marzo no coruñés Club Garufa.

Ler máis...

Xinzo e Compostela festexan os 10 anos do Sonoro Maxín

Venres 9 de febreiro e martes 13 do mesmo mes, Xinzo e Compostela acollerán, respectivamente, os concertos cos que a banda ourensá celebra os 10 anos sobre os escenarios. Foi o 30 de decembro de 2007 cando subiron por vez primeira, como Sonoro Maxín, a un escenario na súa cidade natal despois duns meses de ensaios e queren festexalo con todas e todos nós neste entroido.

Ler máis...

The Lákazans presentan hoxe Sandwina na Capitol

The Lákazans presentaron onte o seu primeiro videoclip, "My darling", e hoxe xoves 8 de febreiro abren o Sandwina Tour, que fará paraxe en Compostela, hoxe na Capitol, e mais en Vigo, mañá na Fábrica de Chocolate, para despois levalos a Ferrol o vindeiro 16 de febreiro, Sala Super 8, Vila do Conde (Portugal), o 25 dese mes e, polo de agora, á Pousada das Ánimas do seu Boiro natal o 24 de marzo. Ocasións inmellorables para gozar ao vivo co terceiro disco do septeto do Barbanza, Sandwina, publicado a comezos de ano e que che convidamos a escoitar.

Ler máis...

García Mc & Nación Quilombo

A pesar do pulo de Ponteareas nos últimos tempos, para falar de hip hop na Galiza hai que falar de Ordes. A vila coruñesa viu nacer a Dios Ke Te Crew, a banda de rap máis grande que ten dado este país, e moitísimos outros proxectos que naceron ou nacen, as máis das veces, ao acubillo da crew DKTC ou dalgún dos seus membros. Este é o caso da Nación Quilombo de García Mc, nova banda da que nos fala o Vituco Neira neste artigo, e que prepara xira por salas do país esta primavera.

Ler máis...

Oh Ayatollah trae de volta a canción protesta

Mañá sexta feira 2 de febreiro preséntase na Sala Capitol de Santiago de Compostela o primeiro LP desta nova banda do pop galego, Volve a canción protesta. O grupo estará acompañado por bandas amigas da escena galega, coma Atrás Tigre, Ataque Escampe, The Homens ou Familia Caamagno. O novo disco xa está dispoñible en distintas plataformas dixitais. Botámoslle unha escoita neste artigo, para sabermos mañá ben as cancións na Capitol.

Ler máis...

Máis artigos...

Páxina 5 de 37

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto