Por méritos propios e a base de bo traballo, o OurenRock está a se afianzar como unha interesante proposta no saturadísimo verán festivaleiro galego. A aposta por unha data moi temperá, a presenza nos cartaces das 4 edicións celebradas de bandas consolidadas tanto do panorama galego coma do estatal, o idóneo da localización en Bemposta,... todo suma para armar este gran festival ao que volvemos ir máis unha vez. Crónica de S. Murias e vídeo de Martín Rodas para vos traer un petisquiño do que alí aconteceu.

Susana Seivane, Tanxugueiras ou Dakidarría, principais propostas deste ano no veterán festival das Terras de Soneira. Korrontzi ou Celtic Social Club porán a nota internacional nunha festa que segue a apostar por unha oferta para todas as idades, a prezo case irrisorio, centrada na música de noso.

Entre os pasados 22 e 25 de maio a aldea de Cans, no Porriño, volveu celebrar o seu festival de cinema. 16 edicións xa para unha proposta orixinal, que busca desde o comezo fusionar o rural coa cultura cinematográfica. Máis un ano houbo chimpíns, cans nos balcóns, veciños satisfeitos ao veren actores do panorama galego e estatal na aldea e moitísimo público. E tamén un ano máis GZmúsica estivo aló, na xornada do sábado 25. Eis a nosa visión do XVI Festival de Cans.

A aldea do Couto, en Ponteceso, acolleu entre os pasados 12 e 19 de maio a trixésimo sétima edición do Festiletras. Baixo a filosofía -intelixente e imprescindíbel- de que a cultura non é patrimonio exclusivo do mundo urbano e coa defensa da nosa lingua como bandeira, esta aldea de Bergantiños leva anos organizando un dos festivais senlleiros do panorama galego. E este ano, máis unha vez, GZmúsica estivo alá.

Sábado 11 de maio, Couso acolleu a terceira edición do Churrasconcerto. Polo escenario montado no eido do local social desta parroquia estradense pasaron Pauliña, os John Deeres, Bastardos de Rivera e mais Impulsos Criminais. Noite de concertos e churrasco que acabou con selección musical de Lor Xanadú Picadiscos. Ambiente estupendo nunha noite á beira do Ulla da que vos traemos uns vídeos.

Sés, Som do Galpom, Dubioza Kolektiv, Iseo & Dodosound, Hakuna Tanaka e Nius de Nit son as 6 novas bandas anunciadas pola organización. Completan un cartaz en que xa estaban Nao, Dakidarría, Zoo, Boikot ou La Pegatina e para o que a organización anuncia algunha sorpresa máis. O festival volverá encher Bueu de música, gastronomía e cultura na primeira fin de semana de agosto.

O folk na tradición máis celta de Luar na Lubre e mais o ska-reggae eúscaro de Esne Beltza son as primeiras confirmacións para a vixésimo cuarta edición do Asalto ao Castelo de Vimianzo. O festival, con entrada de balde e organizado por asociacións sen ánimo de lucro da vila soneirá, lembra o asalto ao castelo de Vimianzo que o pobo das Terras de Soneira realizou hai 550 anos no marco das Guerras Irmandiñas.

A sardiña, protagonista de cada edición, aparece esta vez caracterizada como unha serea, tal e como ocore co escudo heráldico dos Mariño de Vilaxoán ou coa proposta do escudo de Galicia de Castelao. O festival convertirá un ano máis o porto de Vilaxoán en Vilagarcía de Arousa en punto de encontro multicultural os días 9, 10 e 11 de agosto.