O SonRías Baixas organiza un concurso para bandas emerxentes

Os gañadores compartirán o cartel oficial e o escenario principal do Festival con bandas internacionais e nacionais de renome e optarán a premios en metálico por valor de 1.500 euros, máis a posibilidade de gravar unha maqueta na Radio Galega e de participar nun programa da TVG. O prazo para presentar propostas comeza hoxe mesmo e remata o próximo xoves, día 18. O público elixirá os finalistas e un xurado composto por produtores, críticos, xornalistas e músicos, aos gañadores.

Ler máis...

O SonRías Baixas celebrará a 12ª edición os días 2 e 3 de agosto

A Asociación Troula na Banda organiza un ano máis o Festival da vila de Bueu. Nas últimas edicións, milleiros de persoas gozaron coa súa particular mistura de música, praia e gastronomía nun contorno privilexiado. Ademais, este ano a organización e o Concello de Bueu preparan un Plan de Melloras conxunto para que o evento poida seguir medrando en calidade e comodidade para o público sen perder a súa identidade.

Ler máis...

Taíña, en Goián, primeira cita da temporada festivaleira 2013

Sábado 8 de febreiro, Goián acollerá a décima edición do Festival Taíña. Sozios a la fuerza, -banda tributo a La Polla-, desde Muros, Dakidarría desde o Val Miñor e Sherpah desde Cataluña, serán os encargados de armar a festa a partir das 22:30h. E de balde. O Festival Taíña abre a temporada de festivais galegos de música do 2013.


Ler máis...

NHió!!, Sem Resposta e The Brosas, confirmados para o Aversion Fest

O festival que se celebrará en Burela os vindeiros 29 e 30 de marzo pretende xuntar este ano na vila da Mariña bandas procedentes das catro provincias galegas, así como outras procedentes doutras zonas do estado e tamén de máis alá. Metaleiro e autoxestionado, o Aversion Fest xa confirmou 20 bandas pero aínda non dá por pechado o cartaz. Pode que caia algunha novidade máis nun cartaz que presenta un abano de grupos de calidade para gozar co metal na Mariña.

Ler máis...

Nace a Federación Galega de Festivais

O sábado 26 de xaneiro de 2013 constituíase en Santiago de Compostela a Federación Galega de Festivais. 15 asociacións sen ánimo de lucro, organizadoras todas elas de festivais de música na Galiza, deciden xuntar esforzos para optimizar os seus recursos e garantir a supervivencia da rede de festivais que ao longo de todo o ano serve de altofalante á música do país.

Ler máis...

1ª Xuntanza Festivaleira

Algo se move no tecido asociativo que rodea os festivais da música do país. Aproveitando a décima edición do Castañazo Rock en Chantada, varios festivais galegos convocan unha xuntanza aberta a todas asociacións e persoas que organizan festivais musicais. A idea é dar os primeiros pasos na creación dunha rede que permita dar a coñecer o traballo desinteresado das asociacións que manteñen aceso o facho da resistencia musical galega.

Ler máis...

As Artes da Fala, hoxe e mañá en Pontevedra

O Leverelem é o primeiro festival do mundo adicado ás artes da fala, á oralidade como medio artístico e de expresión, sen fronteiras estilísticas, sobre a tradición oral, a poesía, a comunicación, o teatro, a canción, o conto, a retórica, a expresión vocal, a regueifa, o cabaret, con música, radio, humor, verso, verbo, improvisación, mensaxe subliminal e lingua.


Ler máis...

Chega o FestiVal das Brétemas

Vídeo promocional do FestiVal das Brétemas. Sábado 29 de setembro, en Ponteareas. Máis información na nosa axenda.

Rastreros, Papaqueixos e Diplomáticos no Castañazo Rock de Chantada

Non, señora. Non é un deja vù. Simplemente é unha boa nova :-) A xente do Castañazo deu en pensar que non había mellor xeito de celebrar o décimo aniversario do seu festival ca cun concertazo que xuntará en Chantada o vindeiro 3 de novembro o melloriño da historia do rock galego. Os Rastreros de Chantada, Os Papaqueixos e Os Diplomáticos de Monte Alto quitaranlles o po ás vellas melodías que nos fixeron felices hai anos para nos facer tolear de vez este ano en Chantada. Xunto a eles Cuchufellos e os Liviao de Marrao completan un cartaz histórico.

Ler máis...

Vibra Balboa!

Balboa é un dos concellos do Bierzo onde se fala galego. Esta zona dos Ancares leoneses, para alén das arquetípicas pallozas, conta con varios festivais de música galega, o ReggaeBoa, o Balboa Jazz Festival,...contará este verán cun festival máis. Trátase do “Vibra Balboa”, un evento completamente autoxestionado que terá lugar esta fin de semana do 31 de agosto e 1 de setembro.

Ler máis...

Máis artigos...

Páxina 11 de 12

<< Inicio < Anterior 11 12 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto