Hai uns días presentouse a quinta edición deste festival, cun cartaz no que atopamos ao Sonoro Maxín, Esteban y Manuel, Marem Ladson, Bifannah, Pardo e Baiuca. Trátase dunha das propostas máis orixinais do verán galega, xa que unirá o vindeiro 14 de xullo catas de vino da D.O. Ribeiro con música en directo no fermoso contorno da playa da Barrosa, en San Vicente do Mar.

O Festival volverá encher Bueu de festivaleiros os días 2, 3 e 4 de agosto coa súa particular mistura de música, praia e gastronomía nunha contorna privilexiada. Despois de esgotar en menos de 12h os primeiros 200 abonos, as entradas están á venda na web do festival, cun prezo especial de 25 € máis gastos, coa acampada incluída.

O Revenidas 18 vai tomando forma. Nesta décimoquinta edición volverá haber máis de 30 actuacións e máis de 40 espectáculos, moitos deles de balde, coa combinación de propostas do país e foráneas tan típica do festival de Vilaxoán. Polo de agora, e en exclusiva de GZmúsica, podemos confirmarvos que a Banda Xangai vai estar no Revenidas deste ano. E as negociacións están tamén moi avanzadas cun grandísimo grupo de ska, internacional, que daría o seu primeiro concerto en Galiza no Revenidas.

O festival que reúne o mellor do panorama underground estatal celebrarase os días 2 e 3 de marzo en Sarria, Lugo.  WAS, Nudozurdo ou Disco las Palmeras entre as 15 bandas que van formar parte desta edición.

Desde o 15 de decembro e até o 15 de febreiro permanecerá aberto o prazo para se inscribir na undécima edición deste concurso ligado ao festival redondelán. A banda gañadora levará 300 € e a posibilidade de formar parte do cartaz da duodécima edición do festival Millo Verde, que se celebrará en xuño de 2018.

A pasada fin de semana non todo foi Castañazo Rock. Aínda que a cita de Chatanda congregou a maioría da tribo musiqueira galega, houbo moitas outras alternativas. E malia que tamén a maioría da equipa GZmúsica andou por Chantada, houbo quen estivo en Cerceda, no magosto da AC Lucerna, como Lety GF, vendo á Banda de Balbina, os do Xalo, Embruxo ou Os atrevidos da Barcala.

Este domingo 22 de outubro a Casa das Crechas acolle un concerto de Sumrrá, que continúa a temporada de concertos os domingos neste local que comezou o pasado día 15. Recuncarán o 29, sempre ás 20:30h. Este trío, o grupo de jazz galego máis lonxevo e internacional, está formado polo pianista Manuel Gutiérrez, o contrabaixista Xacobe Martínez Antelo e o batería L.A.R. Legido.

O Ateneu Popular de Nou Barris, en Catalunya, celebra esta fin de semana a súa foliada. Desde hoxe até o domingo 8 de outubro as culturas galega, canaria e catalá convivirán nas rúas de Nou Barris.