Segue o verán, seguen os festivais. A nosa equipa festivaleira percorre o país na procura de festas e festis. O primeiro do mes de agosto achegámonos até Ponteareas para asistir á presentación da 4º edicion do Festival das Brétemas, e de paso encher o bandullo no Xantar-Presentación. Eis a crónica, as fotos e o vídeo de Lety GF

Lety GF foi até o Xantar-Presentación do FestiVal das Brétemas o pasado 1 de agosto en Ponteareas e tráenos este resumo en vídeo da xornada. A sesión vermú, cos Sesión Vermú, un petisquiño dos xogos populares e fragmentos do concerto dos Skalingrado, unha escolma do día de festa argallado polxs bretemosxs na casa da cultura de Angoares.

A pasada fin de semana os festivais multiplicáronse por todo o país. Nós andamos polo Festigal e o Antrospinos. Até este último festival foi o Cao de Mos -ademais de moitxs máis da grei festivaleira galega- e aquí vos deixamos a súa crónica dunha finde en Taragoña. Xa sabedes, xs que non fostes (coma moitas de nós) a rabear agora lendo que ben o montaron coma sempre os do FAP. 

A 45ª edición do Gouelioù Etrekeltiek An Oriant, ou Festival Interceltique de Lorient, hase desenvolver entre os vindeiros 7 e 16 de agosto na cidade bretoa de An Oriant -Lorient, en francés- que volverá encher as súas rúas e locais con música chegada de todas as nacións celtas. Na delegación galega xa está todo aquelado para comezar a viaxe, con nomes como Talabarte, Radio Cos, Rosa Cedrón ou Carlos Núñez entre os que han levar a nosa música ao berce do interceltismo.

Despois da pasada fin de semana, co Resurrection, Ortigueira e o PortAmérica, a temporada festivaleira entra nunha xeira frenética que non che vai dar descanso até setembro. Pardiñas, Castelo Rock, Vilariño ou Reperkusión xa presentaron os cartaces deste ano. Revenidas fixo público un primeiro avance impresionante. Embarca connosco nesta andaina virtual que comeza esta finde -co Festigal ou o Antrospinos, entre outros- e percorre os recunchos todos do país deica a fin do verán. Propoñémosche cinco paradas para as vindeiras cinco semanas en festivais de todo tipo, gratuítos e con entrada, tradicionais ou rock, na praia ou nunha carballeira...atréveste?

Vindeiro sábado, 11 de xullo, Outeiro de Rei volve acoller o Convivio da Cultura Galega. A Fundación Manuel María organiza por segundo ano este encontro, unha festa de e para o tecido cultural do país. Na carballeira de Santa Isabel, ao pé do Miño e do Ladra, con actividades desde as 12 da mañá até as 9 da noite. 

Chegou maio, chegaron os festivais de verán. Agás eses pequenos oasis -Taíña, Candeloria- que nos matan o ·"mono" na invernía, desde A Rebusca até a Treze Catorze, apenas hai festivais no país. Así que non podiamos faltar nesa primeira cita festivaleira, en Salceda de Caselas, que por tradición marca o comezo da temporada de festivais de verán. Até alí fomos para facer unha reportaxe con crónica, vídeo e fotos. Aquí a tedes!

A Asociación C.D.E.Treze Catorze presenta a 8ª edición da súa gran festa, que se celebrará os vindeiros 1 e 2 de maio. The Marveltons, Ulträqäns e Terrakota tocarán nos concertos do sábado, mais xa desde o día anterior hanse suceder as actividades en Salceda de Caselas, con Cantos de Taberna o venres ou Vermutalina -Terbutalina en sesión vermú- o propio sábado ao mediodía.