Chega o IV Encontro de Coros Tradicionais "Cantares no Miñor"

Os encontros de coros tradicionais, CANTARES NO MIÑOR, que anualmente organiza Cantares do Brión, o coro radicado en Vincios (Gondomar), celébranse desde o ano 2012 para potenciar e dar a coñecer a música galega de raíz popular na súa expresión coral. Nesta ocasión, a agrupación invitada é o Real Coro Toxos e Froles, de Ferrol, que neste ano de 2015 conmemora o seu Centenario, motivo polo que lle será feita unha especial Homenaxe.

Ler máis...

I Concurso de bandas en galego do Novo Cruceiro Rock

A Asociación Cultural​ Novo Cruceiro​ de Vila de Cruces​ leva organizando desde hai sete anos dun pequeno festival cuxo obxectivo esencial é o de promover a música en galego. Este ano presentan un novo proxecto co que pretenden motivar aquelas bandas que teñen gañas de tocar no seu festival ademais de reforzar a súa idea de promover música na nosa lingua e achegala á comarca do Deza. Tedes unha banda e cantades en GALEGO? Pois esta é a vosa oportunidade, le as bases!

Ler máis...

A FEGAFE celebra asemblea en Compostela

A Federación Galega de Festivais de música vai celebrar unha importante asemblea o vindeiro sábado 21 de febreiro en Compostela. A Federación das Asociacións que organizan festivais independentes no país vai escoller nova directiva e trazar as liñas mestras de traballo para este 2015. Desde a FEGAFE animan as asociacións organizadoras de festis que aínda non están federadas a pasar por Compostela para coñecelos e unirse ao proxecto.

Ler máis...

VIII Concurso de Maquetas do Milllo Verde

O festival redondelán botou a andar a oitava edición do seu concurso de maquetas. O prazo para presentar propostas abriuse o pasado 1 de xaneiro. As bandas terán até o vindeiro 1 de marzo para presentarse. Pódense presentar formacións que non teñan un disco editado por contrato discográfico. A final será o 27 de marzo.

Ler máis...

Apoia o crowfounding do Festival Taíña!

O vindeiro 14 de febreiro vaise celebrar en Goián a 12ª edición do Festival Taíña. Coma todos os anos, a vila fronteiriza dá a saída da tempada de festivais galegos. Mais este ano, a organización decidiu crear un proxecto de micromecenado en Verkami para levar o festival avante. Quedan apenas 5 días e aínda non deron acadado o obxectivo. Precisan do teu apoio!

Ler máis...

Curtametraxes e Cantos de Taberna na Candeloria

O festival A Candeloria vén de anunciar as bases para o Certame de Curtas e Videoclips e para o Concurso de Cantos de Taberna. Aparte dos 10 grupos xa anunciados para o festival, desde a organización pretenden facer actividades paralelas á música e estos dous anuncios son os primeiros exemplos. As demais actividades así como os horarios verán a luz durante as próximas semanas. Consulta polo miúdo as bases dos concursos e anímate a participar!

Ler máis...

Ningunha festa sen música galega!!

Os d'Abaixo comezan unha campaña de concienciación cidadá para que a música galega estea presente en todas as festas do país. Formulan unha serie de medidas a realizar entre músic@s, programador@s e cidadanía en xeral para traballar en colocar de volta a música galega no sitio que merece en todos os torreiros das festas. A páxina que abriron no Facebook para publicitar a campaña superou as mil cincocentas adhesións en apenas 24 horas. Le aquí o comunicado colgado nas redes sociais.

Ler máis...

Boal acolle unha nova edición do Outono Cultural

Boal é unha pequena vila do occidente asturiano. Aló falan a variedade máis oriental da nosa lingua, o galego de Asturias ou gallego-asturiano. Desde esta vila da montaña, a Asociación Xuvenil Mezá leva anos removendo a pousada vida cultural da vila, cun outono cultural cheo de actividades e música. Este ano volven contar con bandas galegas e asturianas para pór a vertente musical e festivaleira do outono. Desta banda do Eo, Carricobanda e Chotokoeu irán até aló para mostrarlles aos veciños e visitantes o seu traballo. Esta fin de semana, venres 5 e sábado 6, Outono Cultural en Bual...nosoutros taremos alló!

Ler máis...

A Candeloria 2015 vai collendo xeito

A Candeloria xa adiantou parte do cartaz da súa segunda edición, que se celebrará o 27 e 28 de febreiro do vindeiro ano en Lugo. O cartaz aínda non está pechado, pero polo de agora xa sabemos que Ruxe-Ruxe, Arrhythmia, Terbutalina e Liviao de Marrao, para alén dos españois Los Chikos del Maíz e Habeas Corpus, pasarán pola cidade do San Froilán. Á falta das últimas confirmacións, a Candeloria aposta nesta segunda edición por un gran cartaz, co melloriño da música do país e o engadido dalgunha moi boa banda foránea.

Ler máis...

Carta aberta do Castañazo de Chantada a prol dunha Liga de Cantos de Taberna

A Asociación Cultural O Castañazo de Chantada fai pública unha carta dirixida a todos os colectivos e asociacións que organizan Concursos de Cantos de Taberna no país. Os organizadores do Castañazo Rock formulan a posibilidade da creación dunha Liga Galega de Cantos de Taberna. Trátase dunha proposta aberta, un convite ao diálogo co obxectivo de poder artellar esa Liga de cantos tabernarios.

Ler máis...

Máis artigos...

Páxina 8 de 12

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto