Xa está aquí o San Froilán 2014

Quedan uns días para que comece o San Froilán. Durante 10 días, Lugo será a capital festeira e musical do país. Haberá moitísima música; desde a abertura, o día 3 co Festival de Noso que levará até a cidade ao Sonoro Maxín e Familia Caamagno, até os concertos de Susana Seivane e Murajazz Big Band o domingo 12 que fecharán a programación. E sobre todo, vai haber moita festa na rúa, con pasarrúas decote pola zona dos viños a cargo de formación tradicionais - Madia Leva, Devandoira,...- ou outras como a Fanfarria Taquikardia ou o Bloquinho de Xermolos. E moito máis: Sés, Marful, Festiclown, música clásica, jazz,...

Ler máis...

Á venda os bonos do Womex 2014

Saen á venda os bonos para o WOMEX 2014, que permitirán gozar de 45 concertos durante tres noites. O FEstival WOMEX desenvolverase do 22 ao 26 de outubro no Museo Centro Gaiás da Cidade da Cultura e en varios espazos de Santiago de Compostela. O Womex é unha grande feira profesional, mais os concertos de noite estarán abertos ao público. Iso si, apenas  á venda 200 bonos para 45 concertos en 3 días que terán lugar en espazos como a Praza da Quintana, o Auditorio Abanca, o Teatro Principal, o Salón Teatro ou a Sala Capitol.

Ler máis...

Vilelos prepara o seu Folión de Fachas

A parroquia de San Martiño de Vilelos, no concello do Saviñao, pon a punto o Folión das Fachas. Tradición con orixes milenarias, probablemente naceu como ritual de agradecemento aos deuses polas boas colleitas. Hoxe en día, perdidas xa esas connotacións, é un dos escasísimos "folións de véspera" que se conservan no país. O vindeiro venres 26 de setembro, en Vilelos, tes unha cita coa tradición e a boa música, que virá despois da procesión das fachas. Este ano, Abóbriga, Aires da Poxa e Sacha na Horta.

Ler máis...

Esta fin de semana: Revenidas, Terra Brava, Ponte Louco, Armadiña Rock e Festival do Castro

O verán non dá acougo. Esta fin de semana catro grandes festivais van levar boa música até Vilaxoán, O Incio, Castro Caldelas e Pantón. Revenidas, Terra Brava, Ponte Louco e Festival do Castro propoñen festa, música e un feixe de actividades para que non teñas descanso en toda a fin de semana. Os Diplomáticos, Heredeiros, Sés, Dakidarría, O Caimán do Río Tea, Cuchufellos, Nao,...mostrarán todo o potencial da nosa música nunha finde de loucura. Se aínda non tes claro onde ir ou se xa o decidiches pero non queres perderte nada, bótalle un ollo a isto!

Ler máis...

A Empolada, unha nova tolería para un Reper cargado de boa música

No Reper argallan o xogo máis salvaxe da historia do festival. E desta volta, se queres xogar, terás que andar polo lado máis bestia vestido con pico e plumas. Mestura o entroido ourensán, os xogos de verán e mais o liderado anárquico do Leo i Arremecághona e terás unha idea da que van montar en Bemposta. Ademais, participar ten premio. Non perdas a última tolería do Reper, a Empolada!!!

Ler máis...

Son do Barbansa, este sábado en Aguiño

O festival Son do Barbansa suporá á volta á casa dos Heredeiros, dez anos despois de tocar por última vez no Barbanza. Terbutalina, Familia Caamagno e Tevra tamén están nun cartaz que completará a banda gañadora do concurso ‘Querostar no Barbansa’, que celebra a súa final este mércores e que se coñecerá hoxe xoves ás 2 da tarde. Con máis de 3000 entradas vendidas a case unha semana do concerto e autobuses fletados desde 14 localidades galegas, o festival aspira a ser un dos eventos máis multitudinarios na historia recente do Barbanza.

Ler máis...

Os festivais do verán galego van confirmando os seus cartaces

Pasaron xa a Taíña en Goián, a Festa 13-14 en Salceda ou o Ao son do Masma en Celeiro de Mariñaos. Foron gorentosos aperitivos da temporada festivaleira que outro ano máis vai percorrer o país de punta a punta. Desde macrofestivais coma o Resurrection Fest até cousas ben máis pequenas coma o Arde Rande ou o Festival do Río Castro, a oferta é ampla e diversa en localización, estilos ou filosofía e abrangue todas as fins de semana dos vindeiros meses. Pégalle un repaso aos festivais deste verán!!

Ler máis...

Seivane e Junkera, no cartaz do XIX Asalto ao castelo de Vimianzo

A cita será o vindeiro 5 de xullo en Vimianzo. Malia ter previsto anunciar todo o programa en conxunto na Gala-Casting do 31 de maio, desde a organización do Asalto ao castelo adiantan xa que o acordeonista vasco Kepa Junkera e a gaiteira coruñesa Susana Seivane farán vibrar o campo da festa, facendo que o folk galaico sexa de novo o xénero predominante desta cita que chega este ano á súa décimo novena edición.

Ler máis...

9 e 10 de maio, volve o Freixo Rock!!

Hai 20 anos, había unha cita inexcusable para a mocidade de Vigo e bisbarras colindantes. Na derradeira aldea da cidade, moit@s descubriron/descubrimos o pracer polos festivais de música da man do Freixo Rock. Agora, despois de anos de intermitencia con edicións apenas no 2008 e no 2011 o Freixo Rock volve con folgos renovados a fin de semana do 9 e 10 de maio.

Ler máis...

Concerto por un Sáhara Libre, este sábado en Silleda

Este vindeiro sábado 26, na Bandeira -concello de Silleda-, terá lugar o segundo concerto Por Un Sáhara Libre!, dentro do marco do II Mes Cultural de Axuda ao Pobo Saharauí. Presentado por Xurxo Souto, no concerto actuarán as Pandereteiras da Carballeira de Cercio, Linho do Cuco Ensemble e Leilía. As entradas custan 8€ adiantadas e 10€ na billeteira e a recadación irá para o Programa Vacacións en Paz.

Ler máis...

Máis artigos...

Páxina 9 de 12

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto