Así nos foi no Rebumbio 2013

Volveu o Rebumbio. Desde a autoxestión e o traballo en man común, a xente máis bulideira de Mos volveu encher o monte do Rebullón de boa música. Este ano, o Rebumbio celebrouse conxuntamente coa Festa do Monte dos comuneiros da parroquia de Tameiga, e desde o venres 30 de agosto até o domingo 1 de setembro houbo música e festa no Parque Forestal. Estivemos alá a sexta-feira, a ollar os concertos de Chotokoeu, Ulträqäns e Os Vacalouras. Aquí tedes crónica, fotos e vídeo do que alí houbo.

Ler máis...

Dous días de 'troula' da man do SonRías Baixas

Música, baile, gastronomía e, sobre todo, troula, foron os grandes protagonistas da XII edición do SonRías Baixas. Aínda que non se cumpriron as expectativas de éxito do ano pasado, o festival logrou reunir entre os dous días unhas 10.000 persoas e tivo un importante impacto económico sobre a vila de Bueu. Velaquí a nosa impresión do festival morracense.

Ler máis...

Antrospinos 2013: fotos e vídeos

A fin de semana do 26 e 27 de xullo, a parroquia de Taragoña, en Rianxo, acolleu unha nova edición do Festival AntrosPinos. A máis dura, segundo os organizadores e organizadoras, polo contexto social que se vivía eses días no país e por riba co engadido dunha segunda xornada pasada por auga. Porén, o FAP resistiu e resistirá, pois ha poder sempre máis o agarimo e a paixón dos que parten o lombo montando festivais na Galiza ca os atrancos que atopen no camiño. Desde aquí, todo o noso apoio e a nosa visión do FAP 2013: Fotos e vídeos de Lety GF.

Ler máis...

Revenidas 2013: + vídeos

Sen tempo non era, pero seguimos coa nosa ollada ao Revenidas 2013. Aquí tedes os vídeos que os nosos Reporteiros Festivaleiros gravaron, cámara en man, a pé de escenario. Fermín Muguruza, Zuloak, Martelo, A Compañía do Ruído, Narf e o comunicado das traballadoras da conserveira Cuca, que recibiron unha homenaxe o primeiro día do festival. E lembrade que o venres 9, emitiremos o Especial Revenidas en GZmúsica TV.

Ler máis...

III Oubeade. Crónica e fotos

En GZmúsica seguimos a percorrer festivais polo país adiante. No último mes estivemos no Sons da Lameira, OuBeade, no Revenidas e no AntrosPinos. Do festival de Vilaxoán xa vos adiantamos algúns vídeos e esta semana haberá crónica. Tamén do AntrosPinos. Pero antes deixámosvos a nosa experiencia no OuBeade, que transcorreu entre o 11 e o 13 de xullo no parque forestal da parroquia viguesa de Beade.  Até alí subiu Lety GF o sábado e aquí tedes as súas fotos e a súa crónica.

Ler máis...

Revenidas 2013: Primeiras impresións e un par de vídeos

Vilaxoán de Arousa foi a capital da música do país. Do 18 ao 20 de xuño, o Revenidas 2013 celebrou o seu décimo aniversario cunha proposta protagonizada pola música galega (Diplomáticos, Ruxe Ruxe, Martelo, A Compañía do Ruído, Narf,...) e adobiada con interesantes propostas foráneas (Zuloak, Obrint Pas,...). Estivemos aló e ao longo dos seguintes día iremos subindo cousas sobre o festival á web. Velaquí as primeiras impresións e un par de videos: Leo coas traballadoras de Cuca e mais O Caimán do Río Tea.

Ler máis...

Vivindo un "Momento Coruñento"

O pasado venres 12 de xuño cruzamos o país de sul a norte para nos achegar até o Momento Coruñento, xuntanza argallada no Club do Mar de San Amaro arredor do concerto de Trapallada, Os Diplomáticos e Bastards on Parade. O mellor do rock coruñés xunto nunha xornada emotiva. Camisolas do Dépor, polbo do Fiúza e cántigas a San Amaro e Monte-Alto. Na Coruña de rachí nunha noite máxica.

Ler máis...

Crónica do Sons da Lameira 2013

Fomos até a parroquia viguesa de Matamá, para asistir ao festival Sons da Lameira. Este ano só un día, o primeiro sábado de xullo xa que non se celebrou a xornada de folc, mais con moita afluencia de xente e cun cartaz variado que permitiu gozar as e os asistentes dunha calorosa e longa noite de música.

Ler máis...

Derrame Rock 2013. Crónica e fotos

GZmúsica enviou Unidade Móbil ao Derrame Rock. Lety GF estivo aló disparando a súa cámara para nos achegar dous centos de fotos que son un bo resumo do que aconteceu en Bemposta. Aquí tedes slideshows cunhas 10 fotos cada unha das bandas que foi ver a nosa reporteira.

Ler máis...

A volta da Tuna Rastafari

Apenas unhas horas antes de lles prender lume as cacharelas de San Xoán, A Tuna Rastafari subía de novo a un escenario cangueiro, despois de dous anos de parón. Fixérano un par de días antes, o xoves 20 de xuño, en Vigo. Moi bo concerto, contaban os que alí estiveran, mais a cousa "seria" era a daquela noite. Máis de 2.000 persoas ateigaban o recinto das Naves de Ojea, desexosos de asistir ao retorno dunha das bandas máis populares do Morrazo. GZmúsica estivo tamén alí.

Ler máis...

Máis artigos...

Páxina 11 de 22

<< Inicio < Anterior 11 12 13 14 15 16 17 18 19 20 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto