Rockin'Vila 2015 (06/08/15)

O pasado xoves 6 de agosto celebrouse a segunda edición do Rockin' Vila. Grande ambiente para ser xoves, mais o cartaz merecíao. Doen, Biribirlocke -aos que non chegamos mirar- mais Nao, Aspergillus e Terbutalina, todo de balde e todo grazas ao traballo da rapazada da vila, que leva un par de anos turrando por sacar adiante este festi. Até Vilanova de Arousa desprazouse a sección televisiva de GZmúsica e achéganos un feixe de vídeos para vos enterardes do que aconteceu na vila do Salnés. 

Ler máis...

Xabier Díaz & Adufeiras de Salitre (22/07/15)

Mércores 22 de xullo, Xabier Díaz e as Adufeiras de Salitre fixeron a súa presentación na praza da Quintana de Compostela. Única ocasión de ollar ao vivo este novo proxecto até que no outono publiquen o seu disco de estrea e fagan xira polos teatros do país. Aló estivo o Miguel Duarte, que agora nos achega crónica do primeiro estalo dun proxecto que de certo vai ser unha das grandes novidades deste ano na música galega.

Ler máis...

PortAmérica 2015 (17/07/2015)

Por vez primeira nos 3 anos de vida deste webzine achegámonos até o Festival PortAmérica. Alén do esquecemento conxénito da música -e do idioma- do país no festival, nunca tivo un cartaz moi atractivo para os nosos gustos. Porén este ano, a presenza de Calle 13 e Vetusta Morla nun mesmo día convenceu o máis hipster dos nosos reporteiros para se achegar até Porto do Molle e ver que se coce nun festi destas características, ben afastado dos que adoitamos cubrir neste webzine. Eis a súa experiencia.

Ler máis...

Bouzas-A Guarda-Zamáns. Crónica dunha andaina musical

No verán, as fins de semanas dan para ver moita música ao vivo. Concertos de balde ou de pago, á beira do mar ou no medio do monte. Festivais, feiras ou concertos en chiringos da praia. De todo hai e iso ben o sabe un dos nosos colabordores, o Cao de Mos. Despois de moitos meses -anos??- volve enviar crónica dunha tourné canfurneira polo país -con paraxes en Bouzas, na Guarda e Zamáns- só ao alcance de veteráns festivaleiros coma el. Pasen e lean, paga a pena.

Ler máis...

A Última Trasnada no Aturuxo (Bueu, 04/07/15)

O pasado sábado 4 o Aturuxo de Bueu acolleu o que semella o derradeiro acto festivaleiro das Mozas e Mozos de Beluso. A Asociación Cultural que organizou durante anos A Noite do Trasno en cabo Udra e antes a Festa das Mozos e Mozos en Beluso quixo despedirse de toda a xente que gozou dalgunha daquelas máxicas noites de agosto. Trampoline, Xenderal, Furious Monkey House e Camarada Nimoy puxeron a música nunha xornada que comezou xa de mañá e se prolongou até a noitiña.

Ler máis...

ATAQUE ESCAMPE – SALA CAPITOL (Compostela, 19/06/15)

Ataque Escampe deu en Compostela, o pasado 19 de xuño, un concerto inesquecible. Foi a presentación en sociedade dos Relatos Americanos pero tamén a despedida de Alex Charlón e incluso a primeira ocasión en Santiago de escoitar ao vivo e en plenitude o Disco Vermello. Ocasión inmellorable para a estrea dun novo colaborador de GZmúsica, o Miguel Duarte. E tamén por vez primeira na nosa web, fotos de Gloria López para nos ilustrar o que deu de si o paso pola Capitol das Ataque Escampe.

Ler máis...

The Movement+Keltoi: Mod&Oi! en Vigo

O pasado venres 12 de xuño os Lavesedo Brothers, parte do núcleo duro do brazo tecnolóxico-social de GZmúsica, cruzaron a ría para ir ao concerto de The Movement e Keltoi na Sala Máster. Primeira visita dos dinamarqueses a Galiza e engadido de última hora dos Keltoi para completar un cartaz que non se podía deixar pasar. Moitas ganas na xente de volver ver os Keltoi na súa cidade e moita curiosidade por uns The Movement de aires clásicos e brutais sobre o escenario.

Ler máis...

Festa do dezassete na Gentalha

Lety GF segue a nos mandar as súas crónicas capitalinas. A nosa compañeira -morrasense coma case todxs nós- anda por Compostela e non perde ocasión de se achegar até algún dos concertos que hai pola capital. Porque malia as poucas miras e moita incultura con que algúns quixeron -e queren- calar a música en Compostela, esta segue. Eis un exemplo, na súa crónica da Festa do dezassete na Gentalha do Pichel, con fotos de Lucía Mallo.

Ler máis...

Davide Salvado levou os seus Lobos a Cans

O Davide Salvado tamén andou a pasada fin de semana polo Festival de Cans. Tocou no Jaliñeiro e alí soaron xa algúns dos temas do seu novo traballo, Lobos, que se publicará o vindeiro 16 de xuño pero do que xa hai tamén algún adianto na rede. Aquí vos deixamos a entrevistas que lle fixemos ao pé de Jaliñeiro e un extracto do seu concerto en Cans.

Ler máis...

Poetarras en Cans

Cans viviu a décimo segunda edición do seu Festival de cine. E como vén sendo costume, a música tamén non falta na meca do agroglamour. Moita e moi variada. Reivindicativa, ghamberra e alegre, como ten que ser. Ben sabedes que isto é un webzine musical e non adoitamos meternos na política, mais desta volta non podemos deixar de dicir que gustamos do sopro de ar novo que percorreu Galiza e o Estado este domingo. Así, parvadas como querer sacar tallada da presenza en Cans de Def Con Dos -tras a vergoñenta detención por unhas horas do C. Strawberry por apoloxía do terrorismo- e xuntala coa dos Poetarras para axitar pantasmas e inventar andrómenas quedan reducidas ao que son, parvadas. Soños escuros daquelxs que non entenden a liberdade, a diversidade ou a ironía. Pesadelos que non imos deixar que fagan realidade.

Máis artigos...

Páxina 5 de 22

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto