Chotokoeu, os galegos do leste e Joe Strummer

Chotokoeu comezan esta noite xira por toda Europa. Fano na casa, no Garufa ás 10 da noite. Andarán despois por Holanda, Bélxica, Inglaterra, Alemaña,... e volverán o 11 de xullo, ao Festival da Chaira. Mais esta non é a primeira xira no 2015 dos Chotokoeu. A banda máis viaxeira do panorama galego xa estivo polo sur da península Ibérica hai unhas semanas. Até Granada -nada menos!- fomos velos. Eis a crónica do Brais Arroutado do concerto que os de Uxes se marcaron na capital andaluza.

Ler máis...

2 de Maio en Santiago. Da Feira da Primavera a Rozalén

Aí vén o maio, de música e troula cuberto. En Salceda, co comezo dos festivais de verán ou en Compostela, coa Feira de Primavera no barrio de San Pedro. Algo ten este bairro, que tanto lle cantan as bandas galegas. Algo terá, que ten poder e lle dá medo aos do concello. Tanto medo, que non lle deron á Asociación de Veciños -organizadora- literalmente, coma ao inimigo, nin auga. Nin luz. Nin nada. Por aló andou Lety GF e despois aínda se achegou ao concerto de Rozalén, no Principal. Eis a crónica de como lle foi nese dous de maio compostelán.

Ler máis...

Tripitindo cos Ruxe na Capitol

Hai 15 días, Ruxe Ruxe presentou o seu décimo disco na Capitol. O Brais Arroutado xa nos debullou Un mundo perfecto na súa estrea como colaborador deste webzine. Mais, alén de escoitar -e moito- a novidade dos Ruxe tamén lle fomos até a sala compostelá para ver como se desenvolvían alí de novo, na terceira presentación consecutiva dun disco en apenas 3 anos. E outra volta, coma en 2014, acompañados dos Biribirlocke. Crónica, fotos e un pequeno vídeo resumo do que alí houbo.

Ler máis...

Sés tronzou valos en Vigo

Vai por volta dun mes enviamos até o Teatro Afundación de Vigo dous dos nosos máis valiosos correspondentes. Lety GF e Lavesedo adentráronse en territorio inimigo -somos do Morrazo e Vigo, concretamente os dominios de Abanca, sempre serán terra hóstil- para asistir á presentación na cidade olívica do novo disco de Sés. A ocasión ben pagou a pena. Eis crónica e unhas fotos do concerto.

Ler máis...

Así foi o concerto de Dakidarría e Nao na Capitol

O venres 13 de marzo, dúas das mellores bandas de rock galegas do momento, Dakidarría e Nao, deron un concerto na Capitol. Dentro do seu GZ Tour De cuncas e de mar, os do Val Miñor convidaron os Nao para ofrecer un concerto memorable. Até aló foron Lety GF e C. Gende, para nos traer este resumo. Fotos, vídeo e crónica do que alí aconteceu.

Ler máis...

Seivane presentou Fiz na Capitol

Despois de asistirmos hai 10 días -entre concerto e concerto da Candeloria- a un petisquiño do concerto de Seivane no Clavi, quedamos con ganas de máis. E a menos folqui da crew de GZmúsica foi até a Capitol o sábado 7 de marzo para ver a presentación alí de "Fiz", novo disco da gaiteira. Esta é a súa impresión

Ler máis...

Fomos ver Blues do País na Gentalha do Pichel

Venres 6 de marzo Blues do País deu un concerto na Gentalha do Pichel compostelá. A nosa compañeira Lety GF, que nos marchou de correspondente para a capital do país, dubidaba entre baixar para O Morrazo ou quedar alá e ir ao concerto... obviamente alá foi e velaquí tedes agora fotos, vídeo e crónica do concerto.

Ler máis...

Fotos e crónica da Candeloria 2015

En Lugo nunca hai nada, disque. Ou nunca había, pois despois desta edición da Candeloria na cidade das murallas xa non se pode dicir que a capital do interior sexa un lugar onde nunca acontece nada. O responsable desta metamorfose foi un festival que deitou 48 horas de música, festa e un moi bo ambiente pola cidade. O melloriño da música nacional e estatal xuntos no Pazo de Feiras e Exposicións. Rock, hip hop, metal, pop. Sesión vermú, Cantos de Taberna vespertinos e troula nocturna. De todo e todo bon na Candeloria 2015. Aquí tedes a nosa visión e unha fotiños. Ah! E lembrade que MAÑÁ venres 6 de marzo, estará online o Especial GZmúsica TV A Candeloria 2015.

Ler máis...

Seivane no Clavicémbalo

Este sábado, aproveitando o noso paso polo festival da Candeloria en Lugo, deixámonos caer polo club Clavicémbalo ao concerto de Susana Seivane. A gaiteira presentaba o seu novo traballo, Fiz. O do sábado foi o primeiro concerto dunha xira que no seu día fora cancelada pola maternidade da gaiteira. Agora estamos á espreita para coñecer o resto de datas desta xira de presentación. No concerto o público gozou cos temas do novo disco e con pezas clásicas da música tradicional. Aquí tedes un vídeo cun anaco do concerto.


Ataque Escampe pasou polo Salason

O pasado 7 de febreiro o Salason de Cangas acolleu o directo das Ataque Escampe. Moitos anos despois da súa anterior visita ao Morrazo, con algún cambio na formación, máis calvas pero moito más elegantes. Así o vivimos nós, misturadxs entre adolescentes que cantaban os temas en primeira fila e señoras que escoitaban condescendentes mentres remexían o gin tonic.

Ler máis...

Máis artigos...

Páxina 6 de 22

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto