O 24 de xaneiro houbo noite metaleira na Capitol. Até alí foi Lucía Mallo a tirar unhas fotos e velaquí está o resultado. Os Invivo, acompañados no escenario esa noite por 2Sisters e A New Heaven Arise, tiveron ocasión de mostrarlle á parroquia do metal galego os temas do seu último disco, Cárcavas

A pasada fin de semana SOKRAM presentou en o seu primeiro disco en sociedade. Arroupado por varios membros da súa crew e por un feixazo de bos músicos do país, o rapeiro de Ordes debullou Chuvia Ácida, o seu primeiro disco en solitario. Até alí foi Lucía Mallo, que nos fixo de correspondente compostelá e agasallounos con estas mágnificas fotos.

Os festivais asociados a FEGAFE, cando menos os pertencentes á "confederación suroeste", xuntáronse o pasado sábado no CC As Pedriñas de Mos para festexar o remate do ano festivaleiro. Foi unha noite de encontros entre organizador@s de festivais e amig@s, unha "cuchipanda sonora" que contou coa actuación da Orquestra Chumeiras, Noite Fechada, A.P.I.S.A., DJ öne e o Leo. Velaquí un resumo en vídeo:

A primeira fin de semana de setembro celebrouse en Valboa, no Bierzo, o Vibra Balboa 2014. 4 días de convivencia, na marabillosa aldea berciá, con moita música, obradoiros, espectáculos de todo tipo e a sensación de acougo que dá parar uns días a carreira tola en que andamos decote para se misturar co ambiente. Aquí vos queda un vídeo resumo e un bo feixe de fotos de Lety GF, que andou por aló.

A pasada fin de semana fomos até Tameiga, en Mos, para ver o concerto de Blues do país. No Centro Cultural As Pedriñas, novo local que aposta pola música ao vivo na comarca de Vigo. Ao pé do Rebullón, no máis alto da Louriña, asistimos ao concerto -ateigado- deste dúo vigués-ourensán. E quen veñen sendo? Cortamos e colamos do seu perfil nas redes sociais: "Blues do país é o dúo formado por Pepe King e Bieitta James, no que os clásicos do blues e do soul soan en galego e cargadiños de retranca." Pois é. Sorprendeunos -positivamente- ver a Iseo, aka Bieitta James, de Sacha na Horta nun rexistro diferente ao que adoita practicar coa banda. E tamén gostamos moito dos clásicos que versionan en galego, moitos presentes no Bateas no Mississipi, disco de estrea que están a presentar este outono polo país. Esta vindeira fin de semana, en Ourense e Sandiás. Aquí vos queda unha mostra do que aquilo foi.

{fcomments}

Despois dun verán tolo, gravando, tirando fotos, bailando e festexando polo país adiante, retomamos de vez o traballo na web. E recuperamos cousas que foron quedando atrás, como este estupendo vídeo resumo de Carlos Gende e Lety GF do festival de Pardiñas. Tamén estivemos por alí gravando un programa de GZmúsica TV, que se está a emitir estes días en varias teles locais e que axiña, como o resto de programas, estará dispoñible na rede. Mais estoutro vídeo de Gende e Lety achégase máis de perto ao espírito de Pardiñas e convértese nunha boa maneira de cando menos albiscar todo o que implica este festival, que vai moito máis alá da música.

Hai máis dun mes andamos por Compostela, no magnífico concerto que A Candeloria organizou na Sala Capitol. Dakidarría, Arrhythmia e Labreg@s. Aquí vos queda un resumiño en vídeo do concerto destes últimos, os Labregh@s do Tempo dos Sputniks, pondo música e emoción a poemas de Celso Emilio e Lois Pereiro. Para rematar, unha versión de Fuxan os Ventos dedicada aos grandes Mini e Mero (Fuxan, A Quenlla), únicos pais musicais que recoñecen @s Labregh@s.

{fcomments}

O Festival Reperkusión 2014 xa é historia. Mudanza de datas -de maio a xullo- mais non de emprazamento para un Reper que se vai afacendo á Bemposta e que sobreviviu mellor do esperado á calor do mes de Santiago nas terras de Ourense. A terceira presenza consecutiva de Manu Chao en Bemposta -a mellor para moit@s- e as bandas do país foron o máis destacado dunha edición que transcorreu cun pouquiño menos de público no seu primeiro día pero que volveu encher o recinto da Cidade dos Muchachos o sábado. Demostrando que terceiras partes poden ser boas.