Reperkusión 2014, primeiras cousas

Aínda co corpiño moído despois de 3 días de troula en Bemposta, achegámosvos as primeiras impresións da grande festa que foi o Reper 2014. E para comezar, sinalar que gostamos moito do grande papel das bandas do país no escenario grande. Cuchufellos o venres e Terbutalina o sábado brillaron con luz propia nun festival onde, para alén do Manu Chao, o resto de propostas non deron superado o grande nivel marcado polas bandas galegas. Deixámosvos fotos do concerto dos Cuchufellos e un vídeo do fin de festa de Manu Chao coa colaboración de Ico do Sonoro Maxín.

Ler máis...

Camarada Nimoy, ao vivo nun concerto moi especial

Os Camarada Nimoy lanzaron un concurso pola rede hai uns días. Simplemente tiñas que lles contar para que empregarías unha nave espacial e entrabas no sorteo das 15 entradas dun concerto exclusivo, con petiscos e "nun lugar diferente, único e secreto". Un dos cámaras gzmusiqueiros probou sorte e conseguiu entrada. Velaquí tedes un temiña que gravou o Martín deste concerto peculiar.

Ler máis...

Falperrys e Skandalo GZ no Freixo Rock 2014

Hai agora un mes achegámonos até o Freixo para asistir á segunda xornada do Freixo Rock 2014. Despois dunha época de intermitencias, semella que o festival do Freixo -no seu día, referente imprescindible no sur do país- volve con folgos. Éxito de público, cando menos na segunda xornada, bo ambiente e boas bandas para o rexurdimento do Freixo Rock. Aquí tedes vídeos, fotos é crónica dos concertos de Falperrys e Skándalo GZ

Ler máis...

Estivemos no Millo Verde 2014!

A primeira fin de semana de xuño tocou coller de vehículo, para achegarse até Redondela á edición deste ano do Millo Verde. Aló enviamos a nosa reporteira máis festivaleira, Lety GF, -xa van sete anos repetindo festival sen fallar nunca-. Como ela di, o Millo Verde é un dos festivais indispensables da Galiza. Non tanto pola representación galega, senón pola variedade de propostas alternativas que se congregan eses días en Redondela. Aquí vos quedan a súa crónica, fotos e vídeos, ademais dun vídeo de Martín Rodas, outro GZmusiqueiro que andou por aló na xornada do venres.

Ler máis...

DKTC ao vivo na Sala Máster

Hai 15 días fomos até a Sala Máster de Vigo para asistir ao concerto dos DKTC. A banda de hip-hop de Ordes deu 2 concertos no país en maio, Vigo e A Coruña, rachando uns meses de silencio derriba dos escenarios. Porén, a crew non perdeu unha miga da súa potencia e frescura ao vivo. Vídeo, crónica e fotos no interior deste artigo.

Ler máis...

Presentación do novo disco de Zamaramandi no Aturuxo

O Aturuxo de Bueu, templo da música dominical galega, sempre ofrece propostas ben interesantes para rematar a fin de semana. Por riba, a nós quédanos moi a man, así que non perdemos ocasión de ir botarlle unha escoita ás súas propostas. Desta volta, Lety GF e Xabicas -fixo en todos os concertos da sala-, achégannos as súas sensacións sobre o concerto de Zamaramandi o 18 de maio. A banda de reggae roots viguesa cruzou a ría para presentar o seu novo disco, Mesopelagic.

Ler máis...

Kepa, Caxade e Taquikardia en Cans 2014

Seguimos subindo á rede material gravado no Festival de Cans 2014. Pola aldea do Porriño pasaron este ano moitos representantes da música do país. Entre eles, Caxade que foi presentar os vídeos do seu proxecto en solitario, a Fanfarria Takicardia, que animou o torreiro o sábado pola tarde e Kepa Junkera, que foi até Cans para presentar o seu novo disco, Galiza. Estivemos con todos eles.

Ler máis...

A 13/14 volveu encher Salceda de música

Os pasados 2 e 3 de maio, Salceda de Caselas acolleu a sétima edición da Festa 13/14. Estivemos aló o segundo día, para asistir aos concertos da noite. Chegamos un chisquiño tarde, polo que perdemos o concerto de Patxaranga, e só poidemos ver a The Lákazans, Muyayo Rif e Cuchufellos. Aquí vos deixamos crónica, vídeo e fotos do que alí vivimos. Que vos preste!

Ler máis...

Transilvanians e Machina, no Galegote Rock 2014

A pasada fin de semana, e cunha programación ampla e variada, celebrouse a edición deste ano, terceira, do Galegote Rock. Na sala Karma e en El Pequeño Karma houbo ocasión de ver bandas recoñecidas, novas formacións e DJs. Todo centrado ao 100% na música feita en galego. Lety GF estivo aló o venres e achéganos fotos e vídeos dos concertos que Transilvanians e Machina ofreceron ese día na Karma.

Ler máis...

Rock and Roll en Corrubedo

Aproveitando o festivo en Cangas, a Unidade Móbil de GZmúsica fixo noite na praia da Ladeira de Corrubedo o pasado venres 11 de abril para estar ben cedo de mañá, fresquiñ@s coma rosas, na primeira parada da Festa da Chuvia 2014. O Benboa, unha fermosa cetárea/tenda/restaurante, acolleu o concerto de The Lákazans, comezo da troula que durante a fin de semana percorreu as parroquias de Ribeira.

Ler máis...

Máis artigos...

Páxina 8 de 22

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto