Ruxe Ruxe presentou Némesis na Capitol

Diante dunha sala Capitol practicamente ateigada, Ruxe Ruxe presentou o seu novo traballo de estudio. 'Némesis' é (case) unha ópera rock, crúa como a situación que vivimos. Moito máis feros, moito máis duros, os Ruxe Ruxe celebraron o seu décimo oitavo aniversario encol dos escenarios nunha noite máxica. Houbo festa a esgalla na sala, co ambiente previamente caldeado por Biribirlocke e Josito Porto, e tamén a houbo despois polos bares da zona vella de Compostela. Eis a nosa visión do que aló aconteceu. Fotos, vídeos e crónica da presentación do novo dos Ruxe na Capitol.

Ler máis...

Som do Galpom e La Tarrancha no FindeKeFlipas(2)

O venres 5 de abril, a unidade móbil de GZmúsica volveu subir até a montaña ourensá para asistir de novo a unha das festas organizadas pola xente da A.C. A Rebusca de Manzaneda. Aló, na Maceda da Terra de Trives gozamos coa primeira xornada do FindeKeFlipas(2), segundo estalo da nova argallada dos da Rebusca. Aquí tedes crónica e vídeos dos concertos desa primeira xornada e fotos dos 2 días, cedidas xenerosamente polo Pelu de Mos.

Ler máis...

Sés na Reconquista de Vigo

Sábado 29 de marzo e dentro da Festa da Reconquista de Vigo, Sés achegouse por vez primeira até a cidade olívica. Nun concerto gratuíto, coa Praza do Berbés ateigada de xente, a cantante da Coruña deu un repaso aos seus 2 discos en máis de 2 horas de actuación. Aquí vos deixamos crónica e unhas fotos da "conquista" de Vigo por parte de Sés.

Ler máis...

5 horas de rock galego na Nasa

Xoves 20 de marzo. 10 da noite. Mentres o calendario dicía que encetaba a primavera do 2014 e o orballo e a friaxe caían sobre a rúa de San Lourenzo en Compostela, Barbitúricos, O Leo e Zënzar agasallábannos con 5 horas de música, amizade e paixón na Sala Nasa. Apañamos as cámaras e aló fomos. Eis a nosa crónica, fotos e vídeo.

Ler máis...

Gran noite metaleira cos Machina no Aturuxo

'A Síndrome de Nerón' aterrou o pasado sábado 22 de febreiro en Bueu. Machina chegaron até a vila do Morrazo para mostrarlle ao público do Aturuxo o seu novo disco. Deixaron un directo de hora e media, contundente, traballado, que satisfaceu e que veu demostrar que os de Cerceda manteñen o bo momento que os fixo merecentes do Premio 'Martín Códax' na categoría Metal no 2013. Aquí tedes resumo en vídeo, fotos e crónica.

Ler máis...

Dakidarría rebenta a Sala Máster no comezo da xira 2014

Dakidarría arrancou a xira de celebración dos seus 10 anos de vida, '10 anos na rúa', cun concerto en Vigo, na Sala Máster, o pasado 15 de febreiro. Para a ocasión, convidou a Los Kualkiera e a Liska a compartir escenario. Sala ateigada, con todo vendido en adiantada, e grande ambiente para unha boa noite de punk-rock e ska. Vídeos, crónica e fotos no interior.

Ler máis...

Os Novos e Os Barbituricos, ao vivo no Rockin'swing

O pasado sábado 8 de febreiro cruzamos a ría para nos achegar até Vigo. O motivo era a presentación de dúas bandas compostelás que prometían: Os Novos e mais Os Barbituricos. Punk, rock, Samesugas, Ruxe Ruxe, Xenreira,...as referencias de estilos e experiencias dos músicos que compoñen estes 2 tríos apuntaban a nunha noite de bo punk-rock do país. E así foi. Vídeos do concerto no interior.

Ler máis...

Narf Trío no Aturuxo. Crónica, fotos e vídeo

O pasado sábado 18 de xaneiro, o Aturuxo acolleu un dos concertos da xira de presentación de 'Nas tardes escuras', o último traballo de Narf Trío. Electricidade e rock para os versos de Rosalía de Castro, nun cóctel arriscado que remata deixando un gusto exquisito no padal. Crónica, vídeo e fotos da actuación de Narf Trío en Bueu.

Ler máis...

Crónica apresurada dun concerto no patio da prisión

O García Mc anda por Chiapas. Non é a primeira vez que o membro de DKTC visita a Selva Lacandona e de alí trouxo -alén de amizades e músicas como a de Lengua Alerta- o compromiso coa loita dos pobos indíxenas e do EZLN. Unha loita que pode semellar afastada de nós, e por moitos motivos, mais que no fondo é a única que existe. A d@s de abaixo contra os de arriba. Abaixo e a esquerda, aló sitúase de sempre o Mc de Ordes e desde ese mesmo lugar fixo esta crónica. Crónica apresurada dun concerto no patio da prisión, San Cristóbal de las Casas, Chiapas, México.

Ler máis...

Un anaquiño do Ventorock

A nosa reporteira festivaleira non ten paraxe! Despois de andar de troula por Chantada a comezos de mes, achegouse até o Vento Rock a pasada fin de semana. Unha outra cita festivaleira pola que pasaron entre outros Liska! e Trapos Sucios. Vento Rock 2013: Crónica e fotos de Lety GF para GZmúsica.


Ler máis...

Máis artigos...

Páxina 9 de 22

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto