Lamprea Explosiva + Terbutalina (10/03/17)

Lamprea Explosiva e Terbutalina deron unha boa posta de punk o pasado venres 10 de marzo en La Iguana Club de Vigo. Público entregadísimo e potencia e actitude no escenario para unha velada punk das que fan historia. Fer e Víctor, os nosos reporteiros especializados en concertos de alto risco estiveron alá e saíron vivos para contalo. Eis as súas fotos e crónica.

Desde que os Terbutalina anunciaron as datas da súa xira para os meses de marzo, abril e maio, marcamos en vermello a cita do 10 de marzo. Ía ser a primeira parada e era en Vigo, na Iguana Club, como quen di na “casa”. Ademais iamos ter tamén a oportunidade de ver a Lamprea Explosiva, dous rapaces novos de Vigo que fan punk e aos que tiñamos ganas de ver en directo.

Chegou o día do concerto, venres de calor que axudou a ter máis ganas de festa. Antes de entrar na sala coincidimos con Terbutalina e, como bos grupis que somos, estivemos falando con eles un anaco (sobre croques, berberechos para os de Muros e Esteiro, e esas cousas que teñen os artistas, con veladas referencias a non sei que crónica do seu anterior concerto en Vigo).

Pouco antes da hora do concerto, a Iguana abriu as súas portas e foise enchendo de xente. Boa entrada, coa parte de abaixo da sala chea de xente animosa. Con algo de retraso empezaron a soar os primeiros acordes dos vigueses Lamprea Explosiva e o público entrou rapidamente no concerto, bailando e cantando as súas cancións. Soaron ben os seus temas curtos e directos durante a hora escasa que estiveron no escenario. Se tedes a ocasión de velos, non o dubidedes, o seu punk promete.

Despois dun pequeno descanso apareceron no escenario os Terbutalina e comezou unha tolemia de baile en toda a sala. Coñecemos ben os intensos directos de Terbutalina e desta volta a conexión co público foi total e instantánea. Incluso cos temas novos que tocaron a xente non deixaba de bailar, non baixaba nin un chisco a festa. Estivemos en moitos concertos do grupo, pero este foi diferente en gran parte porque o público deuno absolutamente todo. É difícil de explicar se non estiveches aí (pero hai vídeos que vos axudarán a facervos unha idea).

Un tema tras outro o concerto foi arrasando coa sala, subindo en intensidade ata chegar á catarse colectiva cos grande ghits dos de Esteiro (o público aghatuñaba, literalmente, pola sala). Foi deses concertos que non queres que remate nunca, creo que inda hai xente bailando na Iguana. Agora seguirán coa súa xira, e ti vas buscar onde ir a velos, porque sempre poden montar unha tremenda festa e vas queres participar nela xa sexa en Vigo, Lugo, Coruña ou Ourense.

Lembrade, Terbutalina NUNCA DEFRAUDA!

Podes ver AQUÍ TODAS AS FOTOS.

Texto: Fer

Fotos: Víctor Moby

Comentarios  

 
0 #1 Karina 29/04/2017 09:32
I'd charge this A5 star sometime... Till an improved chance
is of obtaining a famous card from perhaps a silver chest or the free.


Also visit my homepage - clash
royale hack: http://3tricheclashroyalegratuit.kinja.com/un-jeu-interessant-clash-royale-1793415136
Citar
 
 
0 #2 Alethea 08/07/2017 12:45
Hello guys! Who wants to chat with me? I'm live at HotBabesCams.co m, we can chat, you can watch
me live for free, my nickname is Anemonalove: https://3.bp.blogspot.com/-u5pGYuGNsSo/WVixiO8RBUI/AAAAAAAAAFA/JWa2LHHFI2AkHParQa3fwwHhVijolmq8QCLcBGAs/s1600/hottest%2Bwebcam%2Bgirl%2B-%2BAnemonalove.jpg ,
here is my pic:

https://3.bp.blogspot.com/-u5pGYuGNsSo/WVixiO8RBUI/AAAAAAAAAFA/JWa2LHHFI2AkHParQa3fwwHhVijolmq8QCLcBGAs/s1600/hottest%2Bwebcam%2Bgirl%2B-%2BAnemonalove.jpg
Citar
 

Engadir un comentario


Código de seguridade
Recarregar

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto