O Puto Coro do Exército Froilanista presenta o seu Black Álbum

Onte, 17 de xullo de 2016, fixo 18 anos Filipe Xoán Froilán de Todos os Santos de Marichalar e Borbón. O Froilán, fillo da duquesa de Lugo, Helena de Borbón, e do grande Marichalar. O enfant terrible da terrible monarquía mais para moitas e moitos -do Partido Froilanista- único e lexítimo herdeiro da coroa do reino de Galiza. Para celebrar a maioría de idade -nominal, das súas capacidades e madurez reais non podemos dar constancia-, o Puto Coro do Exército Froilanista presenta a súa estrea discográfica. O seu Black Álbum, un disco mouro que fará as delicias de punks e republicanos mais do que se deben afastar as mentes delicadas, ben pensantes e monárquicas, que tamén as hai. Pasen e escoiten, antes de que algún xuíz ocioso decida prohibilo.

Ler máis...

Soñar e Crear cos Nao

Hai dous meses, Nao presentou novo material. Dous EPs, Soñar e Crear, que supoñen probablemente o penúltimo paso polos estudios da banda da Estrada, inmersa na derradeira etapa da súa prolífica historia. Afortunadamente, haberá moitas ocasións de ollalos ao vivo este verán. A primeira, este sábado 8 en Ordes, no Xiana Festival, e posteriormente o 24 de xullo, por partida dobre -á tarde e mais á noite- dentro dos distintos actos que se organizan en Compostela polo Día da Patria. Mentres facedes tempos por estes concertos, non deixedes de escoitar os novos discos e ler a nosa crítica.

Ler máis...

Deserto de Centos, a estrea de Sonia Lebedynski

Sonia Lebedynski vén de apresentar o seu primeiro disco en solitario, unha outra interesante proposta da música popular galega, que soou o pasado venres 26 de maio no Teatro Principal de Compostela, despois da première en Boiro, onde a artista mora, o pasado 8 de maio.

Ler máis...

II, o novo disco de Arrhythmia

Quentiño do forno, aquí chega o novo traballo de Arrhythmia, "II". Oito temas dos que non vos podemos dicir moito aínda, pois estamos a escoitalo á vez que volo compartimos na web. Pero, visto o nivel que mostrou o avance en forma de videoclip, a cousa promete. Escoita o novo de Arrhythmia e opina ti!


Ler máis...

O novo de Chicharrón, 12 postais desde un camiño novo

Hai agora 3 meses a vila de Carballo acolleu a estrea do novo disco de Chicharrón, Postal. A banda carballesa ateigou o Pazo da Cultura da súa vila para debullar diante dos presentes a súa nova proposta. De 3 a 5 membros, do acústico ao eléctrico, da escuridade á luz, do castelán ao galego. É moita a evolución que supuxo para Chicharrón este seu segundo traballo, que está a ter moi boa acollida nos medios independentes estatais. Escóitao e opina ti!

Ler máis...

E isto é o amor, segundo disco de Caxade

O segundo traballo de Caxade vén de ser publicado en maio. Falámosvos de "E isto é o amor" un paso adiante no indie-folk singular desta banda, que mantén os sinais de identidade de Caxade combinados con novos matices, máis peso das percusións e a inclusión dos sintetizadores. Escoitade o disco e apuntade na axenda as datas da xira de presentación; a vindeira, este sábado 11 de xuño no Aturuxo de Bueu.

Ler máis...

Donicelas ten novo disco

Donicelas presentou o pasado 23 de xaneiro o seu novo disco, homónimo, despois de dez anos de Que nunca fora abalada. Con nova formación, na que inclúen agora gaita e acordeón de xeito permanente, mais continuando cunha proposta baseada na parte vocal, con melodías maioritariamente tradicionais. Tivemos a oportunidade de velas ao vivo no Aturuxo de Bueu o 21 de febreiro, nun dos concertos que están a dar para presentar o traballo. Falámosvos delas -Donicelas- e do seu novo disco.

Ler máis...

Pantis publica "Pranto", o seu primeiro álbum

Pantis presenta "Pranto", un trabalo dacabalo entre o pop e o kraut, coa electrónica como base. A estrea do proxecto en solitario do músico grovense Rubén Domínguez, membro de Chicharrón, foi gravada no Estudio Terraforma de Cangas e vaise presentar a partir de marzo polo país. Bótalle unha escoita a esta viaxe por descricións oníricas e paisaxes interiores levadas polos ritmos frenéticos dos sintetizadores.

Ler máis...

Para unha vez que saímos, o novo da Familia Caamagno

A Familia Caamagno arrumba no faiado os traxes do exitoso Hai que andar cos tempos! e aquela as novas chaquetas vermellas. Para unha vez que saímos, o novo da Familia Caamagno, preséntase mañá venres 4 de marzo na sala Capitol de Compostela e os de Sigüeiro han estrear tamén a nova vestimenta. Escoita os temas xa dispoñibles na rede e aprende os retrousos para berrarllelos mañá en Santiago.

Ler máis...

Xabier Díaz, o home da pandeireta

Debullamos The Tambourine Man, o novo disco de Xabier Díaz e as Adufeiras de Salitre. O noso home da pandeireta fai unha viaxe ás orixes percutivas case tribais da música popular neste seu terceiro disco en solitario, coma sempre cunha escolma de temas recollidos por el no seu traballo de campo. Un artigo de Lavesedo para GZmúsica.

Ler máis...

Máis artigos...

Páxina 4 de 10

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto