Eres punki i non o sabes, o segundo EP dos Vacalouras, dispoñible na rede

Os Vacalouras veñen de subir ao bandcamp o seu segundo traballo, o EP Eres punki i non o sabes. O disco foi gravado en xullo do ano pasado e para celebrar que levan vendido xa máis da metade da tirada física, agora soben á rede 5 dos seus temas, que podes escoitar e descargar de balde. Só hai que asistir a un dos seus concertos para entender que Os Vacalouras son unha banda de directo, mais paga moito a pena tamén escoitalos enlatados. Punk sen complexos, pingas de ska, irreverencia e un pouso moi rocanroleiro pairando por todo o disco. Puro Pataca'n'roll. Dálle unha escoita!


Ler máis...

N.O.M. presenta o seu segundo traballo

N.O.M., Nova Orde Mundial, é unha banda de Ordes formada hai algo máis dun ano por antigos membros de bandas coma Kastomä, Chícharo Psicótico ou Electróxeno. Neste novo proxecto manteñen a liña destas bandas, e preséntanse coma un cuarteto metaleiro con toques de punk-rock. Despois de sacar un EP de estrea no 2013, veñen de publicar os 6 temas que compoñen o seu segundo disco. Pégalle unha escoita!


Ler máis...

The Lost Omelette-Makers presentan EP

The Lost Omelette-Makers estrean disco. O novo traballo publicado polo selo Discos da Máquina, Cómo conocí a vuestra puta madre é un EP de 4 temas, un interludio e un epílogo, terceiro dos fai-tortillas perdidos. O disco foi gravado,mesturado e masterizado por Chukostyle Subversive en Lombardi Records, Compostela,  agás 1 tema gravado nas sesións en directo "Faiado de Ajromarín Club" por Daniel Santos. Pégalle unh escoita en GZmúsica e/ou báixao de balde no bandcamp de The Lost Omelette-Makers. 

Ler máis...

Invivo presenta Cárcavas

A sala TNT de Compostela acollerá o vindeiro sábado 24 de maio a presentación ao vivo do novo traballo de Invivo, Cárcavas. A banda metaleira publica este novo traballo despois de experimentar unha, nas súas propias palabras, metamorfose. Así, uns problemas na voz do grupo, Mario, fixo que o micro fose collido por Roberto Filgueira. Tamén entrou na banda Bruno Castro no baixo. A gravación fíxose nos estudios Pousada Son de Ames. Sube o volume e pégalle unha escoita ao traballo no interior deste artigo. Quedarás impresionad@!

Ler máis...

Dos fíos invisibles chegan as cores,

Jazz, rock e tradición. Todo sabiamente mesturado por Mónica de Nut no seu segundo disco, Dos fíos invisbles chegan as cores, presentado hai unhas semanas. Agora pasámolo pola peneira de GZmúsica, pero xa adiantamos que gostamos moito del. Escoita ademais no interior do artigo o disco, que está chamado a ser un dos traballos senlleiros da música galega neste 2014.


Ler máis...

Escoita 'Estamos aquí', o novo disco de Esquíos

Os Esquíos presentan o seu novo traballo, Estamos aquí. Despois dun ano 2013 terrible para a banda, -marcado polo falecemento de Miguel Ángel Castro, Moro- Esquíos volven cun traballo máis escuro, gravado ao vivo no estudio da Radio Galega. O novo disco contén 10 cancións, entre os que se atopa por vez primeira unha versión dun tema alleo, neste caso dos Dead Kennedys. Mais, o mellor é opinares ti. Pégalle unha escoita ao disco neste artigo e xa nos dirás...


Ler máis...

Escoita o novo de Terbutalina, 'A Muerte'.

O novo traballo dos de Muros bate no noso corpo sen contemplacións e sen acougo. Unha outra bomba punk de apenas quince minutos de duración. Temas curtos, guitarras omnipresentes e letras acedas. Terbutalina demostran co seu sexto traballo que seguen a atravesar un espléndido momento. Escoita aquí as 10 cancións do seu novo disco, publicado hoxe. Coidado, que aínda queiman!

Ler máis...

A Familia Caamagno presenta novo EP na Capitol

Chegou o día. Hoxe venres 7 de febreiro a Familia Caamagno -acompañada polos Yakuzas- presentará na Sala Capitol de Compostela o seu novo disco. Gravado en analóxico e co grupo tocando en conxunto, Hai que andar cos tempos!  é o resultado da busca deliberada do son do rock'n'roll dos 60 polos de Sigüeiro. Escóitao no interior do artigo e pasa se podes pola Capitol esta noite. Vaiche pagar a pena.


Ler máis...

Nelson Quinteiro presenta Orquesta Gharbo!

O vindeiro 7 de febreiro o Teatro Colón da Coruña acollerá a presentación oficial de Orquesta Gharbo! o disco de estrea do polifacético Nelson Quinteiro. Notable traballo que parte da tradición -o Nelson comezou ben novo de pandeireteiro- para mesturala con músicas de moitas partes do globo. O resultado final é un disco cun son excelente que nos convida a percorrer as xeografías musicais que foron deixando pegada na andaina do propio Quinteiro.


Ler máis...

Roger de Flor presenta a: Os Silvestres

Roger de Flor estreou disco este outono. Trátase do seu cuarto traballo, Roger de Flor presenta a: Os Silvestres, o primeiro no que emprega exclusivamente o galego e o primeiro tamén no que a banda coa que adoito se acompaña no directo, Os Silvestres, figura nos títulos de crédito do seu traballo. Cuarto traballo de Roger, primeiro dos Silvestres, o seu rock tinguido de blues, pop e swing pasa pola peneira de GZmúsica.

Ler máis...

Máis artigos...

Páxina 6 de 10

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto