Lixo Urbano sobe á rede "O neno carburador", de Fame Neghra

No ano 1998, Fame Neghra sacaba o seu primeiro LP, O neno carburador, gravado a comezos dese ano nos estudios Fussión de Vigo. 15 temas que camiñan entre o punk-rock que practicaba a banda na altura, o power pop e o garage cara ao que camiñarían despois os seus integrantes noutros proxectos como Samesugas e The Homens e o hardcore das primeiras maquetas dos propios Fame Neghra. Agora, 15 anos despois, Lixo Urbano subiu ao seu bandcamp este disco, referencia inexcusable do rock galego de finais do século XX. Escóitao no interior do artigo.

Ler máis...

Porcocan, o novo de Esquíos

Informabámosvos a comezos deste ano do proxecto de micromecenado que Esquíos botara a andar para lle dar xeito ao seu novo traballo, Porcocan. Conseguírono e agora xa están dispoñíbeis na rede para escoitar os 12 temas que compoñen o disco e o videoclip de O baile do parado. Escoita no interior deste artigo o traballo íntegro, unha boa posta de rock'n'roll sen imposturas de ningunha caste.

Ler máis...

Radio Cos

Radio Cos presentan o vindeiro sábado 20 de abril na Coruña o seu disco de estrea. No auditorio do Centro Socio Cultural Ágora, os cinco integrantes tocarán os temas do traballo que sae hoxe á venda en tendas e plataformas dixitais. Melodías coñecidas de tod@s, con arrecendos novos, aromas da música de rúa e da foliada, nunha interesante proposta.

Ler máis...

John Deeres, Losto Kynski, Tira do Peito,...novidades no Toxo Rabudo NetLabel

Capa do disco de Losto KinskyNos primeiros 3 meses de 2013, o sempre activo catálogo do Toxo Rabudo incorporou varias novidades. Traballos de hai un par de anos, como o de The Brosas, e outros actuais, como a estrea de Losto Kynski e Tira do Peito. Tamén novos discos dos Narvais ou os John Deeres. Degustamos a primeira colleita deste 2013 no NetLabel de referencia da música libre galega.

Ler máis...

Linho do cuco ten novo disco: “As Alegrías”

Hoxe sábado, o Auditorio da Estrada acollerá a presentación do novo disco de Linho do Cuco, As Alegrías. A cita é as dez da noite, cunha entrada de cinco euros, e polo escenario do auditorio pasarán @s músic@s tod@s que colaboraron no traballo. Haberá máis sorpresas nesta estrea, que será tamén punto de partida dunha Xira das Alegrías que levará a música tribal galega a todo o país.

Ler máis...

Tanxendo As arpas de Breogán

O 2012 foi un ano vizoso para a música do país. No panorama folk, os novos discos de Luar na Lubre, Quempallou ou Os Cempés son de referencia inexcusable, como tamén o son as estreas de, por exemplo, Os Irmandiños de Vincios ou Óscar Ibáñez. E habería que citar moitísimos máis. Precisamente desde a cerna mesma da música de raíz galega, chegounos contra final de ano un traballo que merece ser referenciado. Trátase da nova obra de Rodrigo Romaní, antigo compoñente dos históricos Milladoiro, que nos trouxo o seu terceiro disco, Arpas de Breogán, (Fol Música, 2012), cando estabamos a piques de arrincar a penúltima folla do almanaque do ano extinto. Pasado o entroido, en GZmúsica debullamos estas Arpas de Breogán.

Ler máis...

Miniaturas Musicais de Eugenio Granell

aCentral Folque en colaboración coa Fundación Granell presenta as Miniaturas Musicais de Eugenio Granell. Unha creación do cubano Alejandro Vargas sobre as anotacións musicais para violín, guitarra e gaita do propio Granell e que foron atopadas pola xente de aCentral Folque.

Ler máis...

Ritmo Serbio, novo disco de Terbutalina

Xa está dispoñíbel para escoitar e descargar o novo traballo de Terbutalina. Gravado no Estudio A Ponte de T. Ageitos en Roxos (Belgrado) e mesturado en Estudios Mandelson, tamén na Península Balcánica. Deseño de ArinsPunk por cortesía de Contrasurco. O traballo será presentado o vindeiro 7 de marzo na Capitol de Compostela, xunto aos Familia Caamagno. Ademais de a todos eles, Terbutalina non quere deixar de agradecerlle a Conde Roa a súa existencia vital. Sen el, probabelmente non bailariamos o ritmo serbio.

Ler máis...

Os Minhotos presentan Pinga d'auga

O grupo Os Minhotos presentou o pasado día 14 no Pazo das Pombas de Lugo o seu traballo discográfico Pinga d'auga. O disco contén doce temas nos que o grupo mestura gaitas en diferentes tonalidades, acordeón, zanfona e multitude de instrumentos de percusión tradicional. Pinga d'auga é o primeiro disco do quinteto formado por músicos de Lugo e da Terra Chá. Os integrantes dos Minhotos presentaron o cd “como non podía ser doutra maneira” na rúa do Minho, no Pazo das Pombas. Durante o acto de presentación, explicaron como fora o proceso de creación que deu como froito esta Pinga d'auga e interpretaron varios dos temas recollidos no disco.

Ler máis...

Escoita o último disco de Samesugas

Samesugas sobe á rede o seu último traballo, They are out there (Lixo Urbano, 2011). A edición física do traballo está a piques de se esgotar e a banda compostelá decidiu que é tempo de facer o traballo accesible na rede. Escoita aquí os 13 temas do seu terceiro disco longo.


Ler máis...

Máis artigos...

Páxina 7 de 10

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto