Roger de Flor estreou disco este outono. Trátase do seu cuarto traballo, Roger de Flor presenta a: Os Silvestres, o primeiro no que emprega exclusivamente o galego e o primeiro tamén no que a banda coa que adoito se acompaña no directo, Os Silvestres, figura nos títulos de crédito do seu traballo. Cuarto traballo de Roger, primeiro dos Silvestres, o seu rock tinguido de blues, pop e swing pasa pola peneira de GZmúsica.

Sés publicou neste 2013 o seu segundo traballo, Co xenio destrozado. O novo traballo da coruñesa navega a través das músicas americanas, do rock dos USA ás milongas do sur, María Xosé Silvar alicerza con este disco unha traxectoria que xa a converteu nunha referencia ineludible na canción de autora nacional.

Xosé Manuel Budiño presentou na primavera de 2013 o que xa é o seu sexto traballo, Sotaque. O novo disco do de Moaña afonda nas liñas abertas por el en traballos anteriores, coa mistura de tradición e modernidade que caracteriza toda a súa obra. Para este disco, Budiño contou coa colaboración de António Zambujo, Michael McGoldrick e os Cantareiros do Fiadeiro. Agora o Sotaque pasa pola peneira de GZmúsica.

No ano 1998, Fame Neghra sacaba o seu primeiro LP, O neno carburador, gravado a comezos dese ano nos estudios Fussión de Vigo. 15 temas que camiñan entre o punk-rock que practicaba a banda na altura, o power pop e o garage cara ao que camiñarían despois os seus integrantes noutros proxectos como Samesugas e The Homens e o hardcore das primeiras maquetas dos propios Fame Neghra. Agora, 15 anos despois, Lixo Urbano subiu ao seu bandcamp este disco, referencia inexcusable do rock galego de finais do século XX. Escóitao no interior do artigo.

Informabámosvos a comezos deste ano do proxecto de micromecenado que Esquíos botara a andar para lle dar xeito ao seu novo traballo, Porcocan. Conseguírono e agora xa están dispoñíbeis na rede para escoitar os 12 temas que compoñen o disco e o videoclip de O baile do parado. Escoita no interior deste artigo o traballo íntegro, unha boa posta de rock'n'roll sen imposturas de ningunha caste.

Radio Cos presentan o vindeiro sábado 20 de abril na Coruña o seu disco de estrea. No auditorio do Centro Socio Cultural Ágora, os cinco integrantes tocarán os temas do traballo que sae hoxe á venda en tendas e plataformas dixitais. Melodías coñecidas de tod@s, con arrecendos novos, aromas da música de rúa e da foliada, nunha interesante proposta.

Nos primeiros 3 meses de 2013, o sempre activo catálogo do Toxo Rabudo incorporou varias novidades. Traballos de hai un par de anos, como o de The Brosas, e outros actuais, como a estrea de Losto Kynski e Tira do Peito. Tamén novos discos dos Narvais ou os John Deeres. Degustamos a primeira colleita deste 2013 no NetLabel de referencia da música libre galega.

Hoxe sábado, o Auditorio da Estrada acollerá a presentación do novo disco de Linho do Cuco, As Alegrías. A cita é as dez da noite, cunha entrada de cinco euros, e polo escenario do auditorio pasarán @s músic@s tod@s que colaboraron no traballo. Haberá máis sorpresas nesta estrea, que será tamén punto de partida dunha Xira das Alegrías que levará a música tribal galega a todo o país.