Tanxendo As arpas de Breogán

O 2012 foi un ano vizoso para a música do país. No panorama folk, os novos discos de Luar na Lubre, Quempallou ou Os Cempés son de referencia inexcusable, como tamén o son as estreas de, por exemplo, Os Irmandiños de Vincios ou Óscar Ibáñez. E habería que citar moitísimos máis. Precisamente desde a cerna mesma da música de raíz galega, chegounos contra final de ano un traballo que merece ser referenciado. Trátase da nova obra de Rodrigo Romaní, antigo compoñente dos históricos Milladoiro, que nos trouxo o seu terceiro disco, Arpas de Breogán, (Fol Música, 2012), cando estabamos a piques de arrincar a penúltima folla do almanaque do ano extinto. Pasado o entroido, en GZmúsica debullamos estas Arpas de Breogán.

Ler máis...

Miniaturas Musicais de Eugenio Granell

aCentral Folque en colaboración coa Fundación Granell presenta as Miniaturas Musicais de Eugenio Granell. Unha creación do cubano Alejandro Vargas sobre as anotacións musicais para violín, guitarra e gaita do propio Granell e que foron atopadas pola xente de aCentral Folque.

Ler máis...

Ritmo Serbio, novo disco de Terbutalina

Xa está dispoñíbel para escoitar e descargar o novo traballo de Terbutalina. Gravado no Estudio A Ponte de T. Ageitos en Roxos (Belgrado) e mesturado en Estudios Mandelson, tamén na Península Balcánica. Deseño de ArinsPunk por cortesía de Contrasurco. O traballo será presentado o vindeiro 7 de marzo na Capitol de Compostela, xunto aos Familia Caamagno. Ademais de a todos eles, Terbutalina non quere deixar de agradecerlle a Conde Roa a súa existencia vital. Sen el, probabelmente non bailariamos o ritmo serbio.

Ler máis...

Os Minhotos presentan Pinga d'auga

O grupo Os Minhotos presentou o pasado día 14 no Pazo das Pombas de Lugo o seu traballo discográfico Pinga d'auga. O disco contén doce temas nos que o grupo mestura gaitas en diferentes tonalidades, acordeón, zanfona e multitude de instrumentos de percusión tradicional. Pinga d'auga é o primeiro disco do quinteto formado por músicos de Lugo e da Terra Chá. Os integrantes dos Minhotos presentaron o cd “como non podía ser doutra maneira” na rúa do Minho, no Pazo das Pombas. Durante o acto de presentación, explicaron como fora o proceso de creación que deu como froito esta Pinga d'auga e interpretaron varios dos temas recollidos no disco.

Ler máis...

Escoita o último disco de Samesugas

Samesugas sobe á rede o seu último traballo, They are out there (Lixo Urbano, 2011). A edición física do traballo está a piques de se esgotar e a banda compostelá decidiu que é tempo de facer o traballo accesible na rede. Escoita aquí os 13 temas do seu terceiro disco longo.


Ler máis...

Calmante vitaminado, a estrea de Tira do Peito

Desde a parroquia de András, no Salnés, chegan os Tira do Peito. Tres mozos que din facer Gastro Punk Porno Punk e que traen a receita para podermos soportar a situación en que vivimos. Calmante vitaminado, e vaino facer falla a mancheas, para asistir ao colapso do sistema. Punk sinxelo e rabioso nun traballo que moi logo ha estar dispoñíbel. Polo de agora, subiron á rede un petisco: o video pornopunk de Xan.

Ler máis...

Milesios presenta Alén Mar

Milesios presenta a súa estrea discográfica, Alén mar. A formación chairega mostra no seu traballo a música celta que veñen practicando desde a súa creación no 2009. A banda xa tocou en diversos festivais (Pardiñas, no Runas de Ortigueira, San Froilán,etc.) e locais do país, e tamén ten saído fóra, foi finalista no 30º Festival Internacional de la Sierra en Estremadura (España), malia contar con apenas 3 anos de vida.

Ler máis...

Elektropandeiro, tradición pasada pola peneira electrónica

Elektropandeiro é un proxecto de Xandre Outeiro, membro da A.C. Trépia, que mistura a tradición coa música electrónica. Como el mesmo di "experimentos electro-acústicos partindo de sons e ideas presentes na música tradicional galega. Integración de gravacións de recolleita en directos con zanfona electroacústica, percusión tradicional e voz". Escóitao e opina ti.


A sorpresa de Rebeliom do Inframundo

Rebeliom do Inframundo apresenta novo traballo, A sorpresa. 15 temas de rap de corte clásico, de letras afiadas, rapeadas por O'Nervo, sobre unha base de bombo e caixa. Samplers e scratch da man de Dj Rapu. O disco está dispoñíbel por 5 €, podes conseguilo póndote en contacto por facebook co grupo. E se es dos que queres catar o xamón antes de o mercar, podes descargar un adianto con 3 temas no interior do artigo.


Ler máis...

Cristina Pato presenta Migrations

A gaiteira afincada en Nova York, -onde forma parte da Silk Road Ensemble de Yo Yo Ma-, presenta o seu novo traballo, onde mistura tradición e jazz. Pato toca a gaita e o piano no traballo, mostrando as dúas facetas da súa carreira musical, acompañada por unha longa listaxe de grandes músicos, tanto da terra coma internacionais. Aquí tedes o vídeo promocional.



Máis artigos...

Páxina 8 de 11

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto