40 anos de “Fonte do Araño” (1977-2017)

O pasado xoves 2 de novembro na Fundación Luis Seoane da Coruña tivo lugar a presentación da reedición de Fonte do Araño, o histórico disco de Emilio Cao do que agora PolyRock reedita 300 copias en vinilo co gallo do 40 aniversario da súa publicación en 1977.

O acto consistiu nunha audición completa do LP seguida dunha conversa aberta entre Emilio Cao e o público. Esta edición limitada de “Fonte do Araño” – 300 unidades - con motivo do seu 40 Aniversario, conserva a mesma capa deseñada por Xosé Díaz para a edición orixinal e no seu interior o limiar feito por Alan Stivell acreditando a existencia dun mito cultural chamado celtismo do que Galicia forma parte. Foron os dias 18,19 e 20 de abril de 1977 cando Emilio Cao, Bernardo Martínez, Xose Ferreirós, Antón Seoane e Xoan Piñón se reuniron nos Estudios Audiofilm para plasmar en dez cancións a chegada dun tempo novo. O que alí aconteceu quedou rexistrado nun disco transgresor onde se atopamos sons acústicos de zanfonas, arpas, cítolas, gaitas e percusión, xunto a electricidade dos micros e da guitarra eléctrica. Co tempo, este traballo converteuse nunha referencia histórica que abriu o camiño para a música celta na península ibérica- Todo isto posiblemente non tivese acontecido sen a implicación de Nonito Pereira Revuelta, quen, con esta producción, inauguraba o selo discográfico Abrente, no que tamén gravarían despois Seoane e Romaní antes de formar Milladoiro, Xosé Quintas Canella, NHU, Xoan Rubia, María Manoela e Xocaloma.

Os músicos durante a gravación no estudio Audifilm

Parte dos músicos implicados na gravación viñan de formar parte do chamado Movemento Popular da Canción Galega, e compartían ademáis do gusto pola música anglófila, portuguesa, bretoa e os cantores sudamericanos, unha mesma visión respecto a necesidade de renovar a música galega engadindo novos matices, principalmente no referido a unha maior presenza de elementos da nosa cultura. O repertorio seleccionado incluíu tres pezas populares – Pandeirada de Nebra, Arrieiros de Moraña, Romance de Bernardino e Sabeliña -, e sete composicións firmadas por Emilio Cao, quen tamén se encargaría dos arranxos xunto a Bernardo Martínez e Xoan Piñón. Entre elas cabería destacar Fonte do Araño, que dá nome ao disco e presenta unha enfeitizante mistura tecida co son da arpa céltica, gaita e unhas segundas voces anxelicais, Na noite de San Xoan, ou como a zanfona e unha sentida interpretación de Cao serven de guía nunha treboada, Chegando ao Caurel coa pegada do birimbao, e as improvisacións de As gaivotas sobor do nós, sen olvidar Baixaron as fadiñas ou No campo da festa, todas cancións con cadansúas cualidades únicas e inéditas nas gravacións feitas na altura no estado, pero que na escoita en conxunto ofrecen unha experiencia sublime, da que te convidamos a gozar.


Comentarios  

 
0 #1 Isidra 15/08/2018 04:35
Hello. I see that you don't update your page too often.
I know that writing articles is boring and time consuming.
But did you know that there is a tool that allows you to create
new posts using existing content (from article directories or
other blogs from your niche)? And it does it very well.

The new articles are unique and pass the copyscape test.
You should try miftolo's tools

Also visit my web-site - AshtonJuicy: https://DexterBad.blogspot.com
Citar
 
 
0 #2 Mack 17/10/2018 14:32
Hi. I see that you don't update your page too often. I know that writing posts is
boring and time consuming. But did you know that there is
a tool that allows you to create new articles using
existing content (from article directories or other pages from your niche)?
And it does it very well. The new articles are unique and pass the copyscape
test. Search in google and try: miftolo's tools

Here is my site :: CandidaJuicy: https://QuintonSee.wix.com
Citar
 

Engadir un comentario


Código de seguridade
Recarregar

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto