O pasado 29 de xuño estreouse en Compostela o documental que repasa a escena death metal galega da década dos 90. Codirixido por Luis E. Froiz (Santiago, 1985) e Carlos Pensado (Camariñas, 1977), dous apaixonados do death galego que teñen tocado nalgunha banda do estilo, o documental dá a palabra a membros das formacións que encetaron con este xénero musical no país, algúns deles aínda en activo 20 anos despois.

A pasada fin de semana no Derrame Rock púxose á venda o DVD que os Heredeiros da Crus aquelaron co gallo da súa volta aos escenarios. O disco inclúe o concerto completo que a banda do Barbanza ofreceu en Ordes o pasado 3 de marzo. Unha mostra do que a banda vai dar si nas citas que ten pechadas no verán do seu retorno. En breve, o disco estará dispoñible tamén na rede e nos puntos de venda físicos.

O Clube da Lingua do IES Marco do Camballón de Vila de Cruces e o Festival Novo Cruceiro Rock apresentaron a pasada semana na vila dezá o libro-disco Sexo, lingua e rock'n'roll. O volume foi realizado por alumnado, exalumnado e profesorado do instituto e conta coa colaboración de xentes da cultura e da música do país.

Paseniño, o noso cartafol vai engadindo grupos á listaxe. Un dos últimos en sumarse foi Magritte. A banda ourensá e a súa música popvrinciana xa soan en GZmúsica!

Estes días volveu a ser actualidade na rede un documentario sobre o rock Bravú gravado hai 2 anos por uns estudantes de Comunicación Audiovisual da USC. No vídeo, de 20 minutos de duración, falan varios dos protagonistas daquel movemento. As opinións de xente dos Diplomáticos, dos Papaqueixos, dos Túzaros, dos Skornabois, etc. e algún concerto histórico onde se pode ver o Manu Chao compartindo escenario cos Diplomáticos en Compostela.

Artigo de Lavesedo para o Faro da Cultura. Repaso das novidades discográficas que saíron estes primeiros meses de 2012 no país. Ruxe Ruxe, O Sonoro Maxín, Camarada Nimoy, Terbutalina, Projecto Mourente,... unha ollada ao que ferve na música galega.

Non descubrimos nada se dicimos que o Xabarín Club fixo máis pola lingua, -e pola música-, do país que todos os programas de normalización lingüística que houbo, hai ou haberá neste recanto do mundo. Aínda se mantén en antena, na TVG2, pero o Clube da Galega está lonxe da actividade que tiña nos 90, cando foi pioneiro dos clubes infantís de TV en todo o estado. Tes saudade daquel tempo? Pois entra e coñece Xeración Xabarín.

Todxs habedes coñecer o anuncio da bebida enerxética onde os elefantes voan e unha nai ten que comer as súas palabras. Pois pasounos algo semellante. Un día dixemos que só falariamos ben de Madonna se ía de xira cun grupo de txalapartaris e cantaba en euskera. E aí a tedes, cos Kalakan acompañándoa na meirande xira da súa historia. Txalapartas sobre Open your heart e a diva americana botándolle unhas estrofas do Sagarra Jo, peza do trío de Iparralde. Vídeo no interior.