Escoita "Inflamable" de Samuel L. París

Poesía e música. Espírito punk e o salseiro que ghabea polas abas do Monte Louro, todo misturado pero con xeito. Non o imos negar, gostamos moito de "Inflamable", a nova creación de Samuel L. París, o baixista de Terbutalina. E ti???


Ler máis...

Morreu o Maestro Reverendo

O pianista español faleceu na súa casa de Madrid aos 57 anos. Compañeiro de El Gran Wyoming durante máis de 20 anos, participara no Xabarín Club da man de Siniestro Total, banda á que lle fixo os arranxos de varios dos seus discos. Colaborou tamén con algunha outra banda galega como Ruxe Ruxe.


O gaiteiro nipón

Koji Koji Moheji, nome artístico de Yuki Kojima, é un músico que probabelmente pase á historia como o primeiro gaiteiro xaponés. A semana pasada foi noticia, pois vén de estar no país, concretamente no obradoiro de gaitas Gil en Ponteareas para recoller a encarga que fixera hai un ano por e-mail desde o Xapón: unha gaita cuspidiña á de X.M. Budiño e Carlos Núñez. Vídeo de Moheji tocando a gaita na voda duns amigos no Xapón no artigo.


Ler máis...

Festicultores apresentan disco en Las Vegas

Sae á rúa, despois de 7 anos de troula polos escenarios do mundo, o primeiro traballo dos Festicultores. "Os sadomusiquistas, unha festa dolorosamente pracenteira" contén 10 temas novos e 4 lategazos extras escollidos entre os hits da banda. Axiña achegarémosvos máis información, polo de agora aquí tedes a apresentación oficial en Las Vegas.

Samuel L. Paris ponlle música a "Inflamables"

A literatura pode debe arder. Ou polo menos así o entende Samuel L. Paris. O escritor e músico muradán estreará no seu bandcamp o vindeiro 6 de setembro unha pequena compilación de textos do seu último libro musicados e recitados.

Samuel L. París nace en 1984 en Muros. En 2008 publica Manual da destrución n’A Regueifa Plataforma. En 2012 publica Inflamable en Edicións Positivas. Na actualidade toca o baixo na Terbutalina e come ovos con tomate, salchichas e arroz. Para máis información, pódese visitar e consultar o seu blogue.



Falece en Vigo Fito Domínguez, membro da Roda

Un dos fundadores do histórico grupo vigués, o cantante das barbas longas e a voz tronante, apareceu morto no seu domicilio este domingo. Adolfo Domínguez, Fito, é peza imprescindíbel no nacemento do grupo na década dos 70 no barrio operario de Teis, na cidade de Vigo. Precisamente nas tabernas da zona, onde se reunían a cantar os obreiros do metal, foi onde xurdiu o xérmolo do que despois sería A Roda. O propio Fito foi soldador nos asteleiros para dedicar despois toda a súa vida á difusión e recoñecemento da nosa música tradicional.

Ler máis...

Ausculta et Labora (I)

Escoitas música no choio? Seguro que nunca deches en pensar se a música que escoitas é a axeitada para o teu traballo. Vai ben o hardcore para unha carpinteira? Pode un percebeiro escoitar Milladoiro mentres apaña crustáceos? Nós, que tamén escoitamos música mentres traballamos, estudamos o tema e traémosvos algunha suxestión.

Ler máis...

Un outro selo de jazz galego

Free Code Jazz Records, "o novo selo de jazz feito en Galiza", leva en realidade xa 6 anos a traballar na promoción do jazz do país. Creado por Paco Charlín, o selo ten xa no seu catálogo unha ampla mostra da música jazz galega.


Ler máis...

Roger de Flor: Naturalidade Silvestre

Vén de se publicar na rede Roger de Flor: Naturalidade Silvestre, unha longametraxe documental en torno a figura deste cantante e compositor fenés, na que coa excusa de facer un seguimento da xira de presentación do seu último disco,analízase a situación actual de tantos artistas de locais de pequeno aforo no noso país, e profundizar nas motivacións deste creador bohemio, autodidacta e independente. A vida é breve pero a arte é longa.


Rodrigo Romaní prepara novo disco

O músico está a traballar arreo no seu novo traballo, que levará por nome As Arpas de Breogán. Rodrigo Romaní prepara o novo disco no seu estudio de gravación en Noia, onde leva máis de dous anos investigando na sonoridade destas novas cancións. As arpas son o eixo das novas composicións, unha proposta nova e diferente na música galega.

As Arpas de Breogán sairá á rúa contra o inverno deste ano, da man de Fol Música, apenas unhas semanas antes do 35º aniversario da publicación con Antón Seoane do disco Milladoiro, (Zafiro/Novola, 1978), xerme do que posteriormente, co engadido dos membros de Faíscas do Xiabre, se convertiría no grupo máis influínte do folc galego.

Máis artigos...

Páxina 23 de 25

<< Inicio < Anterior 21 22 23 24 25 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto