MJ Pérez e ITH, sexta-feira no Garufa

A cantante tocará en primicia con banda mañá venres 4 de marzo en Coruña, na Sala Garufa, estreando o novo directo con banda. Polo escenario da sala coruñesa tamén pasará ITH. , dentro da xira de presentación do seu novo disco, Forte.


Ler máis...

MJ Pérez leva o seu "Guerrilleira" até Compostela

Xoves 18 de febreiro, ás 20h, a libraría Lila de Lilith acollerá a presentación en Santiago do segundo disco de MJ Pérez. A cantante arzuá é unha das novas voces da música galega que veñen pegando forte. Inicia o seu camiño en 2014 e acumula xa máis de 30 concertos ás súas costas, pasando por diversas salas e incluso festivais como o Noroeste Pop Rock en 2015, ano en que publicou Guerrilleira.

Ler máis...

VHS do futuro, novo videoclip de Malandrómeda

Xa falta menos para gozarmos cos dous novos discos de Malandrómeda, a última fin de semana de febreiro será o momento. Polo de agora, podemos matar o mono con este seu novo videoclip, VHS do futuro, que veñen de presentar hai apenas un par de días.



"Marchou sen min", o novo videoclip da Terbutalina

Todas as imaxes deste novo vídeo foron gravadas durante a festa de presentación do disco AL OTOMANO MANO SE LE VA LA MANO, nunha Sala Capitol na que se colgou o letreiro de "ENTRADAS ESGOTADAS", chea ata arriba con 800 persoas. Como no seu anterior vídeo, volven contar coa xente de Producciones Mutantes para a súa elaboración.

Ler máis...

A volta de Nani García, este xoves nas Crechas

Nani García volve aos escenarios esta quinta feira co seu emblemático trío de jazz. Será ás 21h cando a Casa das Crechas acolla un concerto de Nani García Trío, que volve á primeira liña da escena musical contemporánea recuperando o seu emblemático trío de jazz, un proxecto co que xa nos anos 80 conseguiu anovar o panorama jazzístico galego.

Ler máis...

Novos temas e xira de Malandrómeda

Malandrómeda volve á carga. Hevi e Caldeirada anuncian novos temas para 2016 e unha xira que pasará por varias cidades e vilas do país. E non presentan un novo disco, senón dous, que publicarán simultaneamente o vindeiro 26 de febreiro. Farano no selo Matapadre, que engade os de Compostela a un catálogo que xa conta con traballos de bandas como Telephones Rouges, Disco Las Palmeras! ou Bala, que precisamente tocan por vez primeira en Inglaterra esta semana.

Ler máis...

Chotokoeu sae a voar

A banda con epicentro en Uxes colle os instrumentos, as mochilas e a furgoneta para presentar o seu novo disco en seis países. Despois de máis de 300 concertos ás costas en apenas 5 anos e 6 xiras por toda Europa, Chotokoeu é sen dúbida un dos grupos do país con maior proxección en Europa. Por todo o continente teñen levado o Balkan, o Rock, o Swing, o Drum&Bass e tamén a súa festa. E agora fano de volta. Le e escoita o motivo.

Ler máis...

Caxade representará Galiza no SUNS Europe

Caxade representará a Galiza no SUNS Europe. O Festival Europeo de Linguas Minorizadas hase celebrar na localidade friulana de Udin -Udine en italiano- o vindeiro 11 de decembro. O SUNS Europe toma o relevo do Liet Internacional que se viña celebrando desde o 2002 en diversas localidades europeas, Ljouwert, An Orient, Luleju ou Xixón, e polo que pasaron grupos como Narf, Mafia Galega ou Uxía. Alén da súa participación no SUNS, Caxade presenta o vindeiro 5 de decembro o DVD+CD que gravou ao vivo coa Banda de Música de Bandeira e prepara disco novo para o vindeiro ano.

Ler máis...

Xabier Díaz leva o seu Tambourine Man até Vigo

Xabier Díaz estrea o 21 de novembro en Vigo o seu novo disco, ‘The Tambourine Man’, coas Adufeiras de Salitre. A cita será ás 20:30h no Auditorio Municipal. The Tambourine Man’ xa está nas tendas e Vigo será o segundo lugar onde o presente. Despois estará en Madrid, o 4, e Barcelona, o 5 de decembro.

Ler máis...

Radio Cos celebra o seu décimo aniversario cun concerto nas Crechas o vindeiro xoves

Compostela, 6 de novembro de 2015. Radio Cos, a banda tradicional de Quique Peón e Xurxo Fernandes, celebran este ano dez anos e queren compartilo co público compostelán. Será o vindeiro xoves 12 de novembro na Casa das Crechas. O concerto será ás 23h e as entradas están á venda a un prezo de 8 euros.

Ler máis...

Máis artigos...

Páxina 6 de 24

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto