El grupo de rock fusión da Bandeira, TU MUJER NOS ENGAÑA, presentou onte mércores o seu novo disco. Trátase dun traballo cuádruplo que foi estreado na sede da SGAE en Compostela. O traballo conta coa colaboración de destacados membros da escena musical galaica como Xurxo Souto, Vituco Neira, Bocixa ou Alberto Cereijo, entre outros. 40 cancións que prometen non deixar ninguén indiferente nun traballo cantado en galego, castelán e mais inglés.

O vindeiro xoves 11 de xuño, ás 21h no Salón Teatro de Compostela, Roberto Sobrado festexa os seus vinte anos facendo cancións coa estrea do seu novo disco.  Para a presentación de "Atlas de Anatomía" contará coa compaña dos REsentidos, aBe Rábade ou O Leo i Arremecághona entre outros. Este novo traballo protagonizou unha exitosa campaña de crowfounding, na que perto de 100 mecenas colaboraron na produción deste concerto-presentación que se ha desenvolver quinta feira en Compostela.

Nao anuncia a súa retirada. Non vai ser de hoxe para mañá, mais semella que a decisión está tomada de vez. Porén, non vos preocupedes, aínda habedes ter seguro a ocasión de volver ver ao vivo aos Nao, pois este verán van estar en moitos dos escenarios festivaleiros do pais. Van ir contándonolo através do documental que estiveron a gravar nos primeiros meses de 2015. O filme vánnolo ir facendo chegar en pequenas doses, concretamente tres, onde nos abren a porta ao interior dunha das bandas máis importantes no noso panorama roqueiro nos últimos 10 anos. Eis o primeiro estalo.

O grupo compostelán The Homens dará o día 12 de xuño na Sala Capitol de Santiago de Compostela un único concerto, o primeiro desde a súa marcha dos escenarios hai catro anos. A banda estará acompañada polo grupo de Porto do Son The Lost Omelette Makers. As entradas (a 8 euros a anticipada e 10 na billeteira) poden comprarse xa nos establecementos composteláns Miranda - Cultura para levar e A Reixa Tenda. Ademais, aínda estás a tempo de participar na escolla do repertorio que a banda vai tocar no concerto. Dálle ao link que hai no interior do artigo e fai a túa contribución. Ti pica e eles tocan!!

Déixao Andar é o segundo traballo discográfico deste grupo de música tradicional compostelán, e sairá á venda o día da súa presentación, o 16 de maio, na Sala Capitol de Santiago de Compostela. Entrada de balde para ollar unha das bandas tradicionais que máis sorprendeu nos últimos tempos. E seguirá a facelo, pois promete máis sorpresas xa o día da presentación deste novo disco, gravado no estudio A Ponte de Tomás Ageitos.

Moitas novidades para Chotokoeu. Veñen de rematar a gravación en Pau (Francia) do seu segundo disco, "Saír a voar", e de facer unha intensa xira por España, da que vos falaremos dentro de pouco. Ademais, teñen concerto solidario en Uxes este sábado e anuncian presentación do novo disco o 21 de maio na Sala Garufa,

Roberto Sobrado e a súa banda preparan o quinto disco na andaina do músico e mais unha presentación moi especial do traballo, acompañados dos Resentidos o 11 de xuño no Salón Teatro compostelán. Campaña de crowfounding aberta e algunha novidade deste Atlas de Anatomía xa na rede. Entérate de todo neste artigo!

Little Rock comprácese en anunciar a saída do último álbum de Esquíos A diana somos tod@s, dispoñíbel a partir do 1 de maio. A diana somos tod@s é un conxunto de 11 cortes de punk-rock autoproducido e gravado ao unísono, nos estudios Bonhan da Coruña. Esquíos definen este traballo coma unha foto fixa dun intre concreto. Aínda miña mente fala é o tema escollido para lle gravar un videoclip, que axiña verá tamén a luz. Escoita os dous adiantos do disco dispoñíbeis xa na rede!