Esquíos entran a gravar novo disco en abril

Chega a primavera e a Esquíos ademais de se lles alterar o sangue, entráronlles unhas ganas tolas de gravar un novo disco. Trátase dunha nova colección de cancións que capturen o seu momento vital actual e que reflictan a súa carraxe co que está

a pasar, o seu lado máis combativo tanto a nivel lírico coma musical...e coma as cousas e mellor botalas fora que calalas, a comezos de abril hanse pechar dous días nos Bonham estudos da Coruña para gravar ao unísono, coma adoitamos facer, dez novas pezas que incorporaran novos elementos coma retazos de música surf, hip-hop, rock industrial..., vellos xa coñocidos…e o que se lles ocorra alá.

O título : A DIANA SOMOS TOD@S. Estades avisad@s!

Novo tema de The Lákazans

The Lákazans andan ás voltas co seu novo disco, Homegrown. Aquí tedes un dos temas deste novo traballo, Wonderland Words, gravado ao vivo no estudio Casa de Tolos. En marzo e abril The Lákazans estarán presentando o disco, con paraxes na Pousada das Ánimas de Boiro o sábado 21, en Sarria o 28, na Iguana de Vigo o 10 de abril e na Coruña o 24 dese mes.

Concurso 10º aniversario BellónMaceiras

Queres escoller un tema do novo disco de BellónMaceiras? Pois até o 22 de marzo podes facelo, por diversas vías e participar deste xeito no novo traballo do dúo. Un disco moi especial, pois conmemora o 10º aniversario da formación. Simplemente tes que lles enviar o título, unha partitura ou mesmo unha gravación do tema que queiras que inclúan no disco...se gañas, estarás no novo disco!

Ler máis...

Á venda a estrea de Rústica

A novidade máis rechamante no eido folk do país neste 2015 vai tomando corpo. Desde onte, 10 de febreiro, está xa á venda o disco de estrea de Rústica. Anxo Pintos, Davide Salvado, Cristina Pato e Roberto Comesaña únense neste proxecto singular. Catro grandes personalidades da música galega que presentan un disco moi especial, da man de Fol Música, co que pretenden mostrar o seu amor inquebrantable polo patrimonio cultural do noso país.

Ler máis...

O gaiteiro Pablo Devigo publica Bría

Tras varios meses de intenso traballo, o xoven compositor e gaiteiro Pablo Devigo, a través da Asociación Cultural A Píntega Marela, inicia a edición das súas obras para gaita galega coa publicación da súa obra máis recoñecida, Bría.

Ler máis...

O novo disco dos Zënzar estará na rúa nun par de meses

O grupo formado en Meirama está na fase final de gravación do seu décimo disco. Zënzar leva 27 anos en activo con todos os membros fundadores excepto o guitarrista e colaborador manuel Silveira. O 2013 foron homenaxeados co cd de versións "Vai polos Padriños" no que participaron 20 bandas galegas convertíndose así nos padriños do rock galego.

Ler máis...

Samarúas comeza o ano sen límites

Mañá venres tocan na Cova Céltica, logo gravan na Fundación SGAE e van a Teruel. Unha das compoñentes, Antía Ameixeiras, xirará con Carlos Núñez por Estados Unidos como gañadora da bolsa de Afundación. Despois dun 2014 onde gañaron o Querostar do Son do Barbansa e o 2º premio do Música Xove, comezan este ano con concertos, gravación e máis premios.

Ler máis...

Bicos con luvas, crowfounding de Coanhadeira

Coanhadeira precisa de ti. A banda ourensá anda embarcada nun proxecto de micromecenado para publicar o seu novo traballo, Bicos con luvas. Cando faltan máis de 15 días para o prazo rematar, o seu proxecto atinxiu máis do 60% do diñeiro preciso para ser levado a cabo. Aínda estás a tempo de colaborar na súa teima de facer bailable calquera lugar e de ateigar os nosos camiños de adornos do país e anacos do seu mundo.

Ler máis...

Sokram estréase en solitario con Chuvia Ácida

SOKRAM presenta “Chuvia Ácida”, o seu primeiro LP en solitario, o 16 de xaneiro na Sala Capitol de Compostela. O día anterior sairá á venda en distintas plataformas on-line, mais xa está dispoñible para escoita. Aquí tes a estrea en solitario do SOKRAM!

Ler máis...

"Nunca choveu", estrea planetaria de Bolboreta

Bolboreta, o proxecto liderado por Lydia Botana, fixo a súa presentación onte na Coruña. Non puidemos estar aló, polo que quedamos coas ganas de coñecer polo miúdo a estrea. Teremos que nos conformar co seu primeiro videoclip, "Nunca choveu". Velaquí o tedes!

Máis artigos...

Páxina 10 de 25

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto