Nuns días Ezetaerre virán cargados de "Pólvora e tormenta"


“Máis de mil tormentas despois, coa pólvora aínda no ar, seguimos tragando po. O mesmo po que erguemos cando organizamos a tempestade, brotando de cada un dos nosos corpos que bateu contra o chan, esvaecéndose entre os dedos dos puños que golpean o ceo.” Esta é a presentación que a banda galega Ezetaerre fai do seu novo disco. “Pólvora e tormenta (Letras para Woody Mellor)” (New Beats, 2018) que sairá a venda este próximo 16 de Novembro. Formado por Garchu, Pirola e Petrowski, o grupo comezou a súa andaina compartindo loitas e estudos na universidade, chegando a ser en só tres anos un dos grupos revelación do panorama galego.

Ler máis...

A banda Nao anuncia a saída do seu derradeiro disco ATA QUE O LUME SE APAGUE


O grupo de música galega NAO anuncia a saída do seu derradeiro disco o vindeiro 20 de novembro. Arrinca así mesmo a derradeira xira da banda, cun primeiro concerto de presentación o 5 de decembro do 2018 na compostelana Sala Capitol poñendo así o punto e final, como xa anunciaran no seu momento, a unha traxectoria que deu comezo no ano 2005.

Ler máis...

Dakidarría cumpren 15 anos e preparan festa de aniversario


O vindeiro sábado 10 de novembro Bueu acollerá o concerto celebración do XV aniversario de Dakidarría. A banda miñorana propón unha velada na que non han faltar as grandes figuras do rock galego e estatal. O xardín das Lagoas de Bueu unha festa de aniversario por todo o alto.

Ler máis...

Tanxugueiras presenta o seu primeiro disco na Capitol o 3 de xuño

Tanxugueiras son Olaia Maneiro, Aida Tarrío e Sabela Maneiro. Descubrímolas -as que estamos fóra dos circuítos trad e folkie- a raíz dun vídeo caseiro dos cameríns do Celtic Connections de Glasgow que moi logo se fixo viral, onde coa compaña percutiva dunha simple mesa sorprenderon a centos de milleiros de usuarias das redes. Porén, estas pandereteiras, naturais de Luou e Aguiño son moitísimo máis ca un vídeo viral das redes como van deixar ben claro o vindeiro día 3 de xuño en Compostela.

Ler máis...

Roberto Sobrado grupo presenta “Proletarios do rock 'n' roll”


Roberto sobrado presentará o seu novo disco este sábado 14 de abril no Dadó Dadá de Santiago de Compostela. Proletarios do rock'n'roll supón a volta de Sobrado a camiños máis roqueiros neste seu sexto disco de estudio. As entradas para o concerto xa están á venda, con prezo reducido para persoas no paro, xubiladas ou estudantes.

Ler máis...

A forza do tradicional presenta “No Mato do desespero”, o novo de Brais Morán

Brais Morán presenta novo disco, segundo, o vindeiro 29 de abril na Capitol. No Mato do desespero, homenaxe ao Narf do que se albiscan tamén pegadas na carta de presentación, Cando imos para ese lugar. Vídeo gravado ao vivo, cunha banda de caras coñecidas na escena musical galega e mais colaboracións para o clipe das Tanxugueiras, Xiana Lastra e tamén de Carminha do Porrinho e Chus de Moalde no baile. A canción aglutina o rock, a pegada africana, brasileira e sobre todo a forza do tradicional na que afonda Morán neste seu segundo disco en solitario. Escoita -e ve- este adianto, Cando imos para ese sitio.   

Ler máis...

Mercedes Peón publicará novo disco o 27 de abril

Mercedes Peón anuncia a data de presentación do seu quinto traballo, Déixaas, que verá a luz definitivamente o 27 de abril. Esta sexta feira, 6 de abril, hase estrear Plataforma, a xeito de single, canción que nos permitirá albiscar cara a onde se moveu o universo sonoro de Peón. Acompañada de banda, na que están Ana García e Mónica de Nut, fará presentacións no país deste seu quinto disco, do que xa deixou petiscos nalgúns concertos en festivais europeos do pasado verán.

Ler máis...

Primeiro videoclip de Habelas Hainas

Habelas Hainas presenta o seu primeiro videoclip, "Marmuradoras", un dos temas incluídos no seu disco Livres e loucas. Realizado por Antía Ameixeiras. O vídeo foi presentado no Gramola de Compostela o pasado 24 de marzo e é un chanzo máis no traballo arredor do novo disco, que están a presentar estes meses polo país. Gaiteiras e bravas, despois dunha intensa traxectoria como músicas ao vivo Habelas son unha perfecta mostra da nova formada do trad e folk galego, onde as mulleres cobran cada vez máis protagonismo. Vídeo no interior do artigo.

Ler máis...

Poesía para cantar. Os Diplomáticos na casa de Manuel María


Sábado 17 de marzo, a Casa Museo de Manuel María será o escenario dunha xornada inédita, onde os Diplomáticos nos convidan a cantar versos de Celso Emilio, Teresa Ramiro, Manuel Rivas e tamén, claro, Manuel María. Será ás 20h, en Outeiro de Rei e podes reservar billete por 5 euros.

Ler máis...

MJ Pérez por triplicado esta semana


Mañá, mércores 14 de marzo, venres 16 e sábado 17, a cantautora arzuá subirá aos escenarios do país para seguir a presentar "Casandra", terceiro disco da súa carreira, primeiro de estudio. Carballo, Laxe e Moaña gozarán co directo de MJ Pérez, acompañada de toda a súa banda esta cuarta-feira en Carballo, en formato reducido nas outras dúas datas.

Ler máis...

Máis artigos...

Páxina 1 de 23

<< Inicio < Anterior 1 2 3 4 5 6 7 8 9 10 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto