Outras novas

Redondela aposta pola música galega no 2014

Desde xaneiro até xuño, -comezando este sábado 11 de xaneiro-, un sábado ao mes o Auditorio da Xunqueira de Redondela acollerá a Rede de Músicas Soltas. O público poderá coñecer proxectos en activo vinculados á música popular galega a un prezo reducido, de 4€ cada actuación. Ugia Pedreira e Fred Martins, -isto é, Acróbata-, serán os encargados de encetar un ciclo no que terán cabida Radio Cos, Caxade ou Narf.

Ler máis...

O Cantalingua 2014 bota a andar

A edición 2014 do Cantalingua xa dá os seus primeiros pasos. As entidades organizadoras do Correlingua volven convocar este concurso musical dirixido ás bandas que desenvolven o seu labor no noso idioma. De feito, pode participar calquera grupo ou solista que envíe un tema en galego. Até o 1 de abril hai tempo para enviar o tema e poder acceder ao premio, 10 concertos que darán os 3 grupos gañadores do 5 ao 16 de maio de 2014.

Ler máis...

Cantos na Maré íntimo e rosaliano este sábado en Pontevedra

Cantos na Maré trae este sábado a Pontevedra a súa edición máis lírica e intimista. Amancio Prada, Vitor Ramil, Gabriela Mendes, Luiz Caracol e Budiño, baixo a dirección artística de Uxía e musical de Paulo Borges, farán unha nova lectura de Rosalía de Castro, reinterpretada á luz dos problemas de hoxe. O concerto compleméntase cunha serie de actividades paralelas dirixidas a público en xeral e estudantado.

Ler máis...

Así foi o 2013 para GZmúsica

Remata o 2013. Un ano no que a música galega, como toda a cultura e como a sociedade no seu conxunto, sentiu o abafo desa realidade, liberal no económico e ultracristiá no social, na que nos queren encorsetar. Mais, -e polo de agora, case mellor nin dar a idea-, non nos prohiben cantar, festexar e berrar o noso desacougo. Así que seguiremos a facelo. E xa non somos -só- catro tol@s. Eis o 2013 de GZmúsica en números...e non só neles.

Ler máis...

Concurso de bandas 'Rock in Río Tea' 2014

A Asociación Falcón de Ponteareas, organizadora do Rock in Río Tea, prepara un concurso de bandas para os primeiros meses de 2014. Premios en metálico, -1000 € á banda gañadora e 200€ á finalista-, aos que poderán acceder 8 bandas que "competirán" enriba do escenario nunha primeira fase, da que sairán as semifinalistas e, destas, as dúas formacións finalistas que tocarán o 5 de abril do vindeiro ano para dirimir quen é a vencedora. Data límite para a inscrición: 25 de xaneiro de 2014.

Ler máis...

Luar marciano

A semana pasada saltou a polémica no Luar. Desde aquela, a guerra das gaitas vive un novo episodio, o primeiro nas redes sociais. Desde o Colectivo en Defensa da Gaita fannos chegar unha nota, arredor da polémica xurdida a pasada semana no Luar da TVG tras a irrupción dunha gaita marcial no concurso Vai de Gaita. O colectivo valora con retranca o acontecido, no interior tedes o texto íntegro da súa nota.

Ler máis...

Forte polémica no Luar da TVG despois da irrupción dunha gaita marciana no concurso Vai de Gaita

No programa 925 do Luar, -925!!!!!!!-, un gaiteiro de Verín presentouse ao concurso Vai de Gaita cunha gaita marciana. Isto é, o deseño inventado por Xosé Luis Foxo en Ourense, empregado nas bandas de gaitas "marciais" e que provoca un rexeitamento unánime no mundo da música tradicional galega. O xurado, composto por Susana Seivane, Lorena Freijeiro e Cristian Silva, foi moi duro co concursante verinés e este retrucoulles defendendo o enxendro marciano. A polémica chimpou ás redes sociais, e un grupo de Facebook de apoio á tradición musical de noso supera os 1600 seguidores en apenas 24h. Links aos vídeos e artigo de Lavesedo no interior.

Ler máis...

Música: Alma e Industria

Este mes de decembro, a canle Tolemias, -dispoñíbel baixo demanda para clientes de R-, ofrece un interesante documental sobre as dúas caras da música. En 'Música, alma e industria' podemos escoitar músicos como o portugués Rui Veloso, o turco Omar Faruk, e grupos como os filandeses Sibelius, os italiáns Tradalp, os mexicáns Mighty Calacas, e galegos como Magín Blanco, Moon Cresta, Jane Lloyd, Emilio Rúa, Pilocha, Antón Seoane, Xosé Quintas, Cardigan Brigde, Anxo Pintos ou Rodrigo Romaní,...achegan as súas visións sobre as vertentes máis espiritual e máis material do mundo da música.

Volve a Verbena Galega

A cooperativa cultural Culturactiva, organizador@s entre outros do Festiclown ou Terractiva, vén de darlle unha volta de parafuso ao proxecto que presentaron o ano pasado, a Verbena Galega. Dirixido a programadores culturais, a Verbena Galega é un combo todo-nun que inclúe son, escenario, grupos, etc. para armar unha festa 100% galega. Para o 2014, volve a verbena de sempre, como nunca a viches...e como a ti che pete! A nova web permite configurar a túa festa con multiples opcións.

Ler máis...

Acción Fuxidía para 111 ciclistas

Con motivo da celebración do CULTURGAL (do 30 de novembro ao 1 de decembro) na cidade de Pontevedra (Pazo da Cultura) donde o TAC presentará a súa proposta do ciclo de concertos por streaming TAC 3.0, o Taller Atlántico Contemporáneo e o Concello de Pontevedra organizan conxuntamente a posta en escea de Eine Brise, obra musical para 111 ciclistas. O número 111 é un homenaxe de Kagel á última sonata para piano de Beethoven, que leva ese número de opus. Dende o TAC están seguros que a cidade de Pontevedra é un marco inmellorable para a realización desta obra.

Ler máis...

Máis artigos...

Páxina 6 de 7

<< Inicio < Anterior 1 2 3 4 5 6 7 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto