Outras novas

Monterroso acolle a III Feira do Disco e Libro galego

A Asociación 25 Xastres da capital da Ulloa organiza máis un ano esta feira que pretende reunir nun mesmo espazo os elementos primordiais da difusión cultural, libro e disco, coa lingua galega como elemento vehicular. A Feira desenvolverase entre as 10:30h e as 21:30h do sábado 17 no Recinto Feiral da Cúpula e contará cunha chea de actividades para todos os públicos ao longo da xornada.

Ler máis...

Distintos pobos, unha única loita

"Distintos pobos, unha única loita - Hamaika herri, borroka bakarra." Baixo esta epígrafe en galego e eúscaro atopamos unha iniciativa de solidariedade internacionalista que ha xuntar Son da Rúa, Nao e os vascos Odolaren Mintzoa nunha xeira de concertos que comeza cunha festa Pre-Concerto esta quinta-feira 22 de febreiro no Avante de Compostela.

Ler máis...

Aberto o prazo do Cantalingua 2018

O concurso musical do Correlingua bota a andar máis unha vez. Poden participar grupos ou solistas, que deberán mandar unha canción en formato MP3 antes do 1 de abril deste ano. O premio ha consistir en actuar dentro da programación do Correlingua 2018, na primeira quincena do mes de maio, actuacións que terán cadansúa achega económica de 600€ brutos para a banda. Toda a info e polo miúdo no artigo.

Ler máis...

Chega a 2ª ediçom do Eclosom

A Gentalha do Pichel organiza de volta o seu certame de músicas emergentes. Até o vindouro 28 de Fevereiro há tempo para as bandas enviarem dous áudios e se anotarem no certame. Igual que o ano passado, as formaçons devem contar com a presença de mulheres e empregarem o galego nas cançons e nas suas comunicaçons. O prémio este ano consistirá em 300€, a atuaçom nos concertos da Festa do Dezassete em Compostela e umha minigira polos Centros Sociais galegos.

Ler máis...

Nasce a Associaçom José Afonso na Galiza

A Associaçom José Afonso - Galiza inicia a sua trajectória para dar a conhecer o labor deste artista que contribuiu a popularizar reivindicaçons políticas e sociais com a sua música e acadou sona mundial con mensagens que transcendem a fronteira do tempo. Esta associaçom, conformada como um núcleo da AJA-Portugal, tem previsto um completo programa de actividades para o sábado 27 de Janeiro em Santiago de Compostela que inclui umha palestra, umha exposiçom e um concerto homenagem onde actuarám artistas com ligaçom para o Zeca Afonso.

Ler máis...

Presentación e feche do proxecto Punto e Volta

Vai uns meses comentabámosvos do proxecto Galicia Fest, proxecto que foi TFG de 4 rapazas na Universidade da Coruña. Pois hoxe traemos outro proxecto tamén feito por xente nova, estas xa non son estudantes, se non que xa están máis que graduadas en xornalismo, mais como no país hai moita gana de facer cousas… Olaia Tubío, David Fontán, Raquel Pérez e Alejandro Gándara tráennos outro proxecto, pero desta volta o proxecto vén máis centrado na tradición e na orixe da nosa música. Porén, esta presentación de Punto e Volta non é o inicio dun novo proxecto con punto e seguido, senón que é un punto e final, ou cando menos un punto e á parte, porque con tanto fervello que a nosa xente ten no cu nunca se sabe. Hoxe venres 15 de decembro, das 21h ás 23h presentase o proxecto Punto e Volta no Auditorio de Cerceda. Así que non perdades a oportunidade porque tamén é o peche do mesmo.

Ler máis...

Sitio Distinto Dokumentala estréase hoxe en Galiza

O documental sobre a emigración galega en terras vascas e os vínculos xurdidos entre ambas as culturas chega hoxe, 22 de novembro, a Compostela. Será proxectado dentro do Cineuropa, ás 20h na sala NUMAX. Aquí podedes ver un tráiler desta interesante película.

Ler máis...

II Xornadas da música "Boiro Territorio Musical"

A República Creativa de Boiro conectará o seu potencial local con outros axentes profesionais do pais o vindeiro sábado 18 de novembro. Mesas redondas, masterclass e música, como non podía ser doutro xeito, nestas segundas xornadas Boiro Territorio Musical que xuntarán na vila do Barbanza músicos locais e profesionais do sector de todo o país.

Ler máis...

Concerto expansivo por un monte vivo

Despois da vaga de lumes que volveu arrasar o país máis unha vez, sucédense as iniciativas a prol da recuperación do monte. Tamén no mundo da música, que xa celebrou algún concerto solidario con músicos directamente afectados pola traxedia, e que hoxe sábado organiza un concerto expansivo en varias vilas e cidades de Galiza. A recadación será destinada a proxectos pedagóxicos e de recuperación ambiental de varios colectivos.

Ler máis...

Furgos Fiat para as bandas galegas

Fiateira Motor, concesionario oficial Fiat Professional na Coruña e pertencente ao grupo Pérez Rumbao, pon en funcionamento durante os meses de setembro e outubro a iniciativa de RSC “Fiateira Motor❤Music”. Esta iniciativa pon a disposición de grupos de música de Galicia unha furgoneta Fiat Professional para que poidan acudir e levar o seu equipo aos seus concertos en salas e festivais.

Ler máis...

Máis artigos...

Páxina 2 de 7

<< Inicio < Anterior 1 2 3 4 5 6 7 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto