Outras novas

I Feira do disco e o libro galegos en Monterroso

O recinto feiral da Cúpula, en Monterroso, acollerá o vindeiro domingo 27 de marzo a primeira edición da Feira do disco e o libro galegos. A Asociación cultural 25 Xastres é a organizadora desta feira e pon a disposición das persoas e colectivos interesados a posibilidade de participar na feira de xeito gratuíto.

Ler máis...

Volven os Premios Martín Códax

Até o vindeiro luns está aberto o prazo para se anotar na III edición dos Premios Martín Códax da música que volven convocar desde a Asociación de Músicos ao Vivo. Este ano haberá unha nova categoría, Coros e música vocal, para alén das quince xa existentes. Ademais, os premios manteñen o galardón honorífico e os 3 premios Organistrum, á mellor sala, mellor festival e mellor Espazo de Comunicación Musical, no que GZmúsica foi finalista o ano pasado.

Ler máis...

A ACB non entende de gaitas

O Colectivo en Defensa da Gaita fainos chegar unha nota para mostrar o seu malestar, compartido por moit@s, despois da contratación da marciana Real Banda de Gaitas da Deputación de Ourense para actuar na Copa do Rei de baloncesto que se celebrou na cidade da Coruña a pasada fin de semana. Máis unha vez, a agrupación ourensá fai pasar o seu espectáculo baseado na tradición escocesa por música de noso, desta volta nun evento organizado pola ACB e apoiado polo concello e a deputación da Coruña.

Ler máis...

30 anos sen o crooner da fin do mundo

Hoxe cúmprense 30 anos do pasamento de Pucho Boedo. Cantante, coruñés, fillo e irmán de anarquistas fusilados polos feixistas, Boedo foi a voz da terra para varias xeracións de emigrantes galegos que marcharon gañar a vida a Europa ou América. E tamén foi acougo para as persoas que aquí viviron a ditadura. Un auténtico crooner, ao estilo dos grandes cantores americanos, que sabía emocionar coma ninguén cos seus temas.

Ler máis...

Aberto o prazo de inscrición do I Quero Cantar

A Deputación da Coruña vén de dar a coñecer un novo concurso, o I Concurso musical infantil "Quero Cantar". Entre as condicións, destaca a de non poder ter máis de doce anos a voz ou voces solistas dos proxectos a presentar. Até o 15 de abril está aberto o prazo para se inscribir no concurso, que despois de varias fases rematará cunha gala no Teatro Colón da Coruña, na que participarán 5 bandas de entre as que saírá a gañadora.

Ler máis...

McOnaK e Skándalo GZ, hoxe ao vivo en Vigo

Despois de tres meses de parón por motivos persoais, a banda de Ponteareas volve aos escenarios. Fárano acompañados polos McOnak, banda vasca de punk-folk que vén a Galiza por vez primeira e faino para presentar Galarrena, o seu segundo traballo. Onte tivemos a ocasión de falar un pedazo co Joseba, un dos integrantes de McOnak, que nos contou que poderemos ollar hoxe na Fábrica de Chocolate.

Ler máis...

Un ano máis D´calleando en Bueu

Os D`Callaos estiveron no Atu hai uns días. Os cataláns non esqueceron a súa cita con Bueu nesta xira 10º Aniversario e Lety GF non perdeu a súa visita e tráenos agora esta reportaxe. Crónica, vídeo e fotos do concerto dos D'Callaos no Aturuxo de Bueu, o pasado 14 de novembro.

Ler máis...

Voltan as Noites de Luz á Coruña

Despois do éxito das edicións anteriores, este Nadal voltan as Noites de Luz á cidade da Coruña da man dos argallantes Chotokoeu. As Noites de Luz son un evento con músicas do mundo que chegará, nesta edición, ao Garufa Club. A banda galega FanfarriaTaquikardia e os internacionais Pan de Capazo serán os encargados de ateigar de folk internacional a noite do 5 de decembro.

Ler máis...

Comeza o Cantalingua 2016

Máis un ano, ponse en marcha o concurso musical do Correlingua, o Cantalingua. Os colectivos organizadores da carreira pola lingua buscan dar a coñecer entre o público máis novo a música feita en galego e tamén apoiaren estas bandas, que poderán levar un premio en metálico e terán a posibilidade de tocar ao vivo nas 12 vilas e cidades polas que pasará o Correlingua 2016.

Ler máis...

O coro da Mariña busca voces

O coro da Mariña, dirixido por Ugia Pedreira e Pierrot Rougier, busca voces. Co epicentro en Rinlo (Ribadeo), o coro busca voces da Mariña e do Eo-Navia para armar un coro diferente e mixto. Xente con ou sen formación musical, profesionais e amadores, xente de 14 a cento e pico anos, estades todas convidadas ao novísimo coro da Mariña que se presenta -e fai a primeira convocatoria de voces- o vindeiro 24 de outubro na Escola Vella de Rinlo.

Ler máis...

Máis artigos...

Páxina 3 de 7

<< Inicio < Anterior 1 2 3 4 5 6 7 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto