Outras novas

O libro "Amadeo Goyanes e as Zanfoneiras de Monforte" preséntase mércores 1

O vindeiro mércores 1 de abril presentarase en Monforte o libro+CD sobre a figura de Amadeo Goyanes Vázquez. Unha investigación a fondo sobre un dos precursores do rexurdimento da zanfona no noso país, levada a cabo por Pablo Quintana. O dúo formado poloss galegos Óscar Fernández, zanfona, e Carlos Quintá, acordeón, e mais a actuación da canadense Tobie Miller, por vez primeira na Península, amenizarán o acto.

Ler máis...

Mulleres Galegas Kañeras presentan "Somos" e "MGK"

Sábado 7 de marzo, o Transylvania Pub de Vigo acolleu a Festa Presentación dos videoclips do proxecto Mulleres Galegas Kañeras. Despois de case un ano de traballo, máis de 30 mulleres participaron neste proxecto que busca visibilizalas dentro do rock, ámbito -como a inmensa maioría da nosa sociedade- fondamente masculinizado. Tras acadar os fondos precisos mediante un Verkami o pasado verán, metéronse no estudio para gravar temas e vídeos. Aquí podedes ver os dous videoclips realizados.

Ler máis...

O "Falemos galego" orixinal en Bon (Bueu)

A maioría das persoas que gostamos da música galega -até moitxs que nin iso- temos cantado nalgunha ocasión o Falemos galego. Inmortalizada por Suso Vaamonde ou A Roda, esta composición adoita ser das máis escoitadas en sobremesas e festas varias do país. A pasada fin de semana estivemos en Bon a escoitar o tema, que malia pertencer xa ao acervo popular realmente é de José Diz, membro da comparsa Os Mulos de Bueu. Aquí os están, Os Mulos de Bueu mais a comparsa Vou nun bou, interpretando este clásico da nosa música.

Ler máis...

21 días co galego na Pobra

O IES da Pobra do Caramiñal botou a andar por terceiro ano a iniciativa 21 Días co galego. Desenvólvese no instituto do 23 de febreiro ao 15 de marzo de 2015 e este ano vai estar dedicado á presenza do galego na rede. Que son os 21 Días co Galego? Esta experiencia pioneira, que está a piques de iniciar a súa terceira edición, nace en 2013 e está destinada a conseguir unha maior competencia en galego e unha mellor conciencia lingüística a través de diferentes actividades que pretenden levar a lingua alí onde nunca estivo na vida de moito do alumnado e profesorado. Temos a honra de os organizadores contaren connosco para os 21 Días co galego deste ano... Aquí vos queda o vídeo que lles mandamos!! Ah, e se che interesa coñecer máis sobre a iniciativa, non deixes de visitar o seu blogue, 21diascogalego.blogspot.com

Comeza a gravación do documental sobre os gaiteiros do mar

Pouco se ten falado dos gaiteiros do mar. A frase é do Peix de Aldán e dela naceu a idea de gravar un documental sobre eles, eses mariñeiros-gaiteiros que nos anos 60 e 70 embarcaron cara ao Gran Sol, Namibia ou Terranova nos pesqueiros galegos. Atrás do proxecto está a cabeciña incansable de Xurxo Souto, que matinou no documental despois da isca prendida polo Peix e da descuberta marabillosa dunha cinta de casette gravada a bordo do Ría de Aldán, en pleno Gran Sol. GZmúsica tamén se enrolou nesta aventura que hoxe, martes de entroido, comeza a gravación en Nerga, en pleno Entroido do Hío.

Ler máis...

Martín Códax, Enrique Iglesias e a chuva

Onte diversos medios informaron da adxudicación feita pola Xunta de Galiza dun contrato á discográfica Universal Music Spain S.L. por valor de 250.000 euros máis IVE. En total, 302.500 euros que irán parar ao videoclip do último tema de Enrique Iglesias, 'Noche y de día'. Así, faise oficial a nova que saíra vai xa para dous meses e nos deixara abraiados ao día seguinte da gala dos Premios Martín Códax. Coma case sempre, era para rir se non fose para chorar. Aí vai unha reflexión ao respecto.

Ler máis...

Teo presenta a segunda edición do II Certame de Canción de Autor en Galego, unha "cuadratura do círculo" chea de novidades

A semana pasada presentouse en conferencia de prensa a segunda edición do Certame de Canción de Autor en Galego 'Concello de Teo'. Na dita presentación compareceron a concelleira de Cultura do Concello de Teo, Carme Hermida, o secretario xeral de Política Lingüística, o delegado para Santiago de Gadisa, Román Roo, Valentín García, o director artístico do evento, Xoán Curiel e a gañadora da primeira edición, Alba María. Coincidiron unanimemente na necesidade desta iniciativa e animaron a participar xa desde hoxe mesmo a “todos e todas aquelas que teñan algunha canción en galego que cantar”. O prazo de inscrición no certame permanecerá aberto até o vindeiro 29 de marzo.

Ler máis...

O colectivo PORNO presenta a súa programación para febreiro

Despois do éxito do festival ¡PELEA!, PORNO volve á súa programación habitual cun mes cargado de propostas. Pasarán por Ourense grupos de gran prestixio en España como A Veces Ciclón ou Alado Sincera e novas propostas galegas que van dende o pop xeracional de Dois ao math-punk de Vozzyow. Ademais, Monstruo presentarán os splits que sacaron en decembro en Barcelona e Uppercut volverán á actividade logo de meses de pausa. Completa a programación a inauguración dunha nova exposición en El Pueblo, desta vez compartida pola ourensana Julia Huete e o vigués Óscar Raña, coñecidos polo fanzine Drama Sureño e o seu traballo asociado á música como cartelistas ou deseñadores.

Ler máis...

Nova edición da Rede de Músicas Soltas

Volta a Rede de Músicas Soltas a Redondela, unha cita mensual coas mellores músicas populares contemporáneas galegas e peninsulares, nun programa regular para presentar os traballos de artistas en activo. A Rede pretende ser un escaparate para o público ver nun palco achegado e en acústico a presentación dos últimos discos de Eliseo Parra, Guadi Galego, Celina da Piedade, Alba María, Narf trio ou Alejandro Vargas. Pequenos formatos para o acolledor espazo do Auditorio da Xunqueira, no corazón da vila dos viadutos. Trátase dun ciclo promovido polo concello de Redondela e organizado por aCentral Folque.

Ler máis...

Se tes unha banda e queres actuar en Portugal, tes que ler isto

Está oficialmente aberto o período de inscrições para os grupos, de todos os géneros musicais, portugueses ou estrangeiros, que pretendam integrar a bolsa de espectáculos da 19ª edição do OuTonalidades, circuito de música ao vivo que vai decorrer no Outono de 2015 em Portugal. Os grupos galegos têm até o 16 de fevereiro para se apuntar, mais devem estabelecer um intercâmbio com o circuíto organizando atuações de algum grupo português na Galiza.

Ler máis...

Máis artigos...

Páxina 4 de 7

<< Inicio < Anterior 1 2 3 4 5 6 7 Seguinte > Final >>

Atención! Este sitio usa cookies e tecnoloxías similares.

Facendo click en aceptar, estás dacordo co seu emprego

Acepto